كلب وكلبة GSD < بعض الأستفسارات الدسمه عنهم

[Super.Charg]

السلأآإم عليكم يا اعضاء 2zoo

طبعاً مثل ما شايفين هذي اول مشاركه لي لان توي مسجل فالمنتدى
وقبل لا آخذ الكلبين كنت متابع بعض المعلومات فالمنتدى من بعيد لي بعيد < بدون مآتعرفون

والمهم الحين وصلت الكلبه وبعدها بكم يوم وصل الكلب وعندي بعض الإستفسارات عنهم لكن انخليها بعد الصور احسن
--------------------------------
هذي صور الكلبه





وهذي صورة اب وام الكلبه الي عطاني اياهم صاحبها



صراحه ما اخفي عليكم اني من شفت صورة الأب والأم قلتله شرآإي على طول لاني اشوفهم ماشالله نفس مآوصفلي الجروه انها كنق سايز ولونق هير بس اظن انهم قاصين شعرها قبل لا توصلني . . < مآدري لاني مب خبير بس اقول يمكن

وهذي صور الكلب < مشتريه من شخص ثاني ( سعره اغلى بس يستحق صراحه )
لان على ما قالي الأب مستورد من روسيا والأم من المانيا والجرو يمكن تظلمه الصور لانه لعوب وماقدرت اصوره زين بس مبين عليه انه بيور ابير شي ( لونق هير و كنق سايز )
ماشفت الاب والأم لاكن صاحب الوالد هو الي راح للصاحب الكلب بعد ماتفاهمت معاه انا
وصاحب الوالد له خبره فالكلاب ويوم شاف الأب قال ماشالله ياهو جسم وياهو راس وياهي ظخامه وياهو بيور

المهم < مآبقى فيها مهم
هذي صور الجرو








وبكذا انتهينا من الصور . . الشخصين قالولي اعمار كلابهم 3 شهور
مع ان الجرو مبين اصغر من الجروه لاكن يوم اكتب جرو جيرمن 3 شهور فالنت
يبين انهم كبار بحجم الكلبه فـ اظن ان االكلب اصغر من 3 شهور اذا توافقوني الرأي

وعندي سؤال . . الكل يقولي الكلب فيه نجاسه وفيه نجاسه
والبعض يقول نجاسته في لسانه يوم يلحس
وانا صارلي هال 3 ايام من اول ماجبتهم وانا اوديلهمم الاكل والماي
واربت عليهم شوي فـ يمكن زودوها شوي وتعودو علي اكثر من اللزوم وقامو
يلحسون ايدي كل مآقربت وهالشي مآحبه صراحه لان تحسه وصاخه
فـ هل البس قفاز الخفيف الي يستعمل فالمستشفيات واسحب عليهم واخليهم يلحسون لين مآ يشبعون ؟ او انه سلوك خآطئ ولازم انهاهم عنه ؟

ويوم اطلعهمم صراحه عناد في عناد مآيمشون الا بالسحب
الذكر اهون ولعوب بس الأنثى تعاند واول مآجبتها كانت خآآيفه عكس الجرو بالظبظ
انا قلت يمكن لان صاحب الانثى صاحب محل ومش متعوده على جو بيت
اما الذكر متربي في بيت بس مآدري

فـ شو احسن شي اعاملهم فيه في هالحالتين

بالنسبه للاكل . . حسب خبرتكم ان لازم بعد وقت الوجبه ينشال عنهم
بس انا احياناً انسى ويوم ارجع مآشوفهم ياكلون يعني وقت الغدا ياكلون شوي و وقت العشاء شوي و وقت الفطور شوي .. آحسهم عارفين مواعيد الأكل و ومواعيد الوجبات
والأكل ترا ماخذلهم Dry food ( pidgree ) واحطلهم معاه مآي


بالنسبه للتطعيم . . صاحب الوالد قال خلوه بعد اسبوع عشان يكون هالأسبوع اسبوع تعويد للجراء وتاخذ على المكان وعلى جوه عشان مانطعمها في هالوقت ويأثر عليها سلباً بسبب المكان الجديد

بالنسبه لإنتصاب الأذن
الذكر لاحقين عليه لاني اشوفه صغير
بس الأنثى اشوفها كبيره ومآتوقف الا اذنها اليسار بعدين ترد تنام
هل ان في بعض الجراء تحتاج لوقت اطول لإنتصاب الأذن ؟



أبي رايكم بشأن كل النقاط
+ تقييمكم للكلاب ومدى نقاوتها