كيف أخلي الكاسكو يجيني ...؟ لاهل الخبره لو سمحتوا

[رفاعي بحريني]

السلام عليكم طيري الكاسكو نوع افريقي جامبو مصيود عمره 6 شهور وصار له شهر واسبوع عندي والحمدلله الحين ما يجعر وامسح عى منقاره وجسمه وياكل من يدي ويطلع فوق ايدي ويغرد ويخربط كلام ( طبعا بعد عناء طويل مع ميزه الصبر )....والعب معاه ويطقطق

السوال يا اخوان ابي اعلمه لين اقوله تعال يحيني على طول ....؟ كيف ....؟

ارجوا المساعده يا اخوان واكون شاكر لكم

[الاثلة]

وعليكم السلام ورحمة الله وبركاته

ما شاء الله تبارك الله شغل جميل و مشوار طيب مع الطير نصيحتي لك لا تستعجل كثير استمر فترة اطول حتى

يألف الطير معك اكثر واكثر بخصوص كيف يجي عندك اذا ناديته اتركه فوق القفص وروح لزاويه بعيده عنه ويكون معك

اكل يفضله الطير ويحبه راح يجيك كرر الحركة لفترة من الزمن بعدها جيب استاد او قفص ثاني وخله قريب من قفص

الطير بحيث يقدر يوصله ووقف عنده ومعك الاكل و ناد الطير راح يجيك وكرر الحركة بعدها بفترة راح تشوف الطير

يتجاوب معك ويجيك متى ما ناديته حتى بدون الاكل دمتم سالمين

[رفاعي بحريني]

في طريقه اسهل يا اخوان

[ابو حواش]

كل مربي له طريقة لكن انا احبذ انك تخلي الطير يتعود عليك فترة طويلة

ومنها تتعرف علي نوع الاكل المفضل له الي ينسي نفسه معه لما تتعرف علي الاكله المفضله له مثلا حب

شمسي او فول سوداني علي حسب طيرك بعد ما تعرف اكله المفضل تشيله منه فتره طويله لمدة 3 الي خمس

ايام وتقدم له بقية الاكل لا يموت جوع بعد هالفترة تخليه علي القفص وتذوقه حبه وحده او نصها بعدها تروح بعيد

عنه مو مره عاد وتناديه علي يدك والاكل فيها يمكن ما راح تنجح من اول او ثاني او ثالث مره استمر وبعدها راح تنجح المحاوله