أفضل كلب للحراسه

[~●‏Яєʟảx]

السلام عليكم


اخواني من فتره قصيره دخلت علينا كلاب ضاله
وعفست المزرعه وذبحت من الحلال
ياليت تزودوني بمعلومات بخصوص افضل كلب للحراسه
وياليت اسعارها تتراوح كم [ بالكويت ]

[Octopus]

اول شي الله يعوضك في حلالك الذي مات

و المفروض تعرف من وين جائت هذه الكلاب الغريبة الى مزرعتكم

و افضل كلاب الحراسة هو الجيرمن شبيرد و هو حارس من طراز الاول

و الاسعار تتخلف من مكان الى اخر

[~●‏Яєʟảx]

للجميع يارب
والله للاسف لانها ضاله مالها صاحب وتعيش بمجموعات
والمشكلة دخلت المزرعه والكل متواجد بس دخلت خلسه حتى نباح ماصدرته
وياليت تعطيني سلالات للحراسه
وهل يمكن تدريب الكلب الحراسه للرعي

[Octopus]

المشاركة الأصلية كتبت بواسطة ~●‏Яєʟảx

للجميع يارب
والله للاسف لانها ضاله مالها صاحب وتعيش بمجموعات
والمشكلة دخلت المزرعه والكل متواجد بس دخلت خلسه حتى نباح ماصدرته
وياليت تعطيني سلالات للحراسه
وهل يمكن تدريب الكلب الحراسه للرعي

من اشهر هذه الكلاب هي كلاب الجيرمن شبيرد و في عندك الروت و يلر و البت بول و غيره

و لكن بما شكلك مبتدا ف انصحك بالجيرمن شبيرد

و ممكن تدريبه لل الرعي

[~●‏Яєʟảx]

الاهم عندي الحراسه قبل الرعي
بس سمعت انه لازم اشتري جرو صغير حتى ادربه ؟
وياليت من اهل الكويت مراسلتي اسعار الكلاب

[jassim99]

حياك الله يالغالي بين اخوانك

بالنسبه للجيرمن شبرد يعتبر كلب حراسه ممتاز

لكنك تتكلم عن حراسه ضد كلاب مو ضح اشخاص او ماشابه

انصحك بالروت وايلر فهو كلب غيور جدا على منطقته

و اسعارهم تتراوح بين الـ 250 دينار الى فوق الالفين دينار

انا انصحك تاخذلك كلب بالغ ومدرب عالحراسه وجاهز يكون عمره سنتين وفوق

و اي استفسار احنى بالخدمه

بالتوفيق

[عاشق الكلاب و القطط]

انصحك بالدوبر مان او البيتبول او الروت وايلر طلاما ان في كلاب ضالة

[~●‏Яєʟảx]

يعطيكم العافيه
اخوي جاسم ؟ يعني احصلهم بسوق الجمعه
والجرو بجم ؟
ياليت لو اتعرف اسعارهم وياليت يكون جرو بعمر 4 شهور او اكبر شوي
ياليت ترسل لي بالخاص

[jassim99]

الجرو بتتعب معاه بما انك مبتدأ

و راح تستصعب التدريب السليم او الصحيح

مثل ماقلتلك نصيحتي لك تاخذ كلب مدرب وجاهز

بالنسبه لأماكن بيعهم سواء جراوه او كلاب بالغه بالسوق او عن طريق الانترنت

عادتا انتاج الكويت اسعارهم من 250 الى 350 دينار