ياخوان ان ما نقذتونيني تراني بافقصه

[بوصدام]

السلام عليكم ورحمه الله وبركاته
يا خواني انا البارحه ماخذ ببغاء أفريقي جامبو عمره سنه وخليته ينام أول ما جبته البيت واليوم الثاني إلي هو اليوم الصبح حطيتها في الصاله وشفتها خايفه وساكته ولا تسوي شي حطيتها قرب النافذه تطل على الحديقه وقعد يلعب في القفص وفتر على القفص يعني استانس جبت له تفاح ما ياكل جبت فول سوداني بعد ماياكل بس يشرب ماء دخلته الصاله مره ثانيه وللعلم ان مكانه في الصاله كان مرتف وشوف الكل بس بعد كان قاعد مكانه ولا يتحرك مايتحرك إلا اذا كان عند النافذه ولل علم هذا كله صار في يومه الأول معاي وبعد غرد لنا تغريد بسيط لكنه في نفس الوقت وايد يصارخ ويفتح فمه كله إذا قربت منه وايد يخاف يعني الخوف شي غير طبيعي فيه على ما اعتقد بس الغريب انه غرد في الصاله شوي واتوقع انه اخذ التغريد طير البدجي الي كان مرافقه قرب النافذه وأرجوكم أفيدوني لأنه الخوف عنده غير طبيعي ومايتحرك إلا عند النافذه وما ياكل ولو تميت معاه على هذي الحاله كيف أبتدي التدريب وهو يموت خوف مني لدرجه اني فقدت الأمل انه بتعلم في يوم من الأيام أفيدونو ولا ترى بافقصه وسميته بولهب هههههههههه

[كاسكو البحرين]

حبيبي خل قفص الطير مكان مرتفع عن الارض مترين
ولاتغير مكان القفص ترى الطيور تكره التغير وتحتاج وقت تتأقلم على المكان
لاتستعيل يا صدام ترى جذي الطير بخاف منك اذا انت تعصب معاه واايد
خلك راكد وهادئ والصبر اهم صفات المربي الناجح وانت صار لك يومين بس يعني
مو بعد توها الناس الا توها البشر

[abd55]

[B]أنا حاس فيك يابو صدام لأن صابني نفس الشي مع الافريقي اله عندي ومع كل النصائح

والتجارب

لم أجد الحل ضل عندي الطير قرابت الشهرين ولم يتأقلم معي وإضطريت إني ابيعه أدري مو محل

لكن وش بيدي يمكن أنت تنفع معاك حاول مع المده يمكن يلين ويصير عندك طير يرفع الراس لا

تستسلم

تحياااتي[/B

[هاوي الرمادي]

السلام عليكم ورحمة تعالى و بركاته ...
اخوي / بو صدام
الله يكون في عووونك
انا ابي انفعك باللي اعرفة اخوي الببغاء لازم يبي وقت علشان يتأقلم على المكان
و بعدين اذا جيت عنده لا تحاول تتسارع في حركتك قدامه خلك هادئ مررره في
الحركة هادئة وخفيفة غير مزعجة وهذا الشئ راح يحسسة انك تحبة و يحسسه
بالامان وهذا شئ مهم
والشئ الثاني لازم تكلمه عطه كلمات حلو مثل
( ها حبيبي مرتاح , وش اخبارك ,اهم وحدة((( انا احبك ))) , ليش تبتعد خلك جنبي )
ولا تعطيه كلام طويل علشان يفهم بسرعة وحط في بالك اخوي بو صدام ترى والله راح
يفهم كلامك وبالتدريجج راح تمسح على راسه اذا تعود بس لكل حادث حديث وارجوا
اني نفعتك بشئ ويعطيك الف الف الف عافية

[بوصدام]

والله يا خوان امادري كيف اشكركم كلكم مشكورين وما قصرتو وجزاكم الله خير

[ابو المجد]

اخوي لاتستطيع التحكم به في يومه الاول او الثاني اولا عليك بالصبر اسبوع على الاقل ليألف منزله الجديد ومن ثم تستطيع ان تعرف اين يحب واين يكره
والله يوفقك