مشكلة تساقط في الريش

[Rivulet]

السلام عليكم و رحمة الله و بركاته ..

أسعد الله أوقاتكم جميعاً،
أنا عندي روز أنثى ، ربيتها من كان عمرها اسبوعين و الآن كملت السنتين و بصحة جيدة و لله الحمد
لكن قبل فترة لاحظت بمنطقة أسفل الظهر و أسفل الذيل بدأ يحت عندها الريش أو يتساقط
أحد المربين قال لي أنه فطريات و نصحني أعقم المنطقة بملح مخفف بالماء، جربت الطريقة و بالفعل نجحت
لكن بعد فترة رجع التساقط و أكثر من قبل ! بمعنى المنطقة الي طاح عنها الريش صارت أكبر
حاولت اوجد حل للموضوع لكن بلا فائدة ، و الحين مرت فترة طويييلة و الريش لساا على حاله
ألاحظ أحياناً بداية ريشة تطلع و بعدين تنكسر و أحياناً أشوف مكانها دم بعد
أيضاً لاحظت عندها سلوك بالقفص تنزل و تحك منطقة أسفل الذيل بأسلاك القفص !
هل هذا حساسية أو فطريات أو ايش !

و شي ثاني قبل فترة بسيطة بس صارت تستفرغ الأكل أعزكم الله و ترجع تاكله
أعرف انه شي عادي و ما يعني بالضرورة أن الطير مريض ، بس حبيت أتأكد هل اذا تكرر الشي ممكن يكون عندها مشكلة مثلاً؟
لأنها ما كانت كذا قبل و الحين صارت دائماً مع كل وجبة تستفرغ

أتمنى الي عنده خبرة يقدر يفيدني لأني مررة خايفة عليهاا
مع العلم غذائها صحي و متنوع

.. و أشكركم مقدماً