ساعدوني يأست من طيري

[احمدحماده]

السلام عليكم ورحمة الله وبركاته
تحيه طيبه
ارجو افادتي
ماذا افعل؟
اشتريت ببغاء افريقي رمادي اللون عمره 10اشهر
يجاعر باستمرار لايريد ان يقترب منه احد
حاولنا معه شهر بدون فائده
اعطيناه واحد عنده خبره رجعه علينا بعد شهر وقال رأسه يابس عنيد عمري ماتعاملت مع واحد زيه
الان كرهته ماذا افعل
اشتريته 1100
وساموه مني 800ريال
شوركم ابيعهولا شسوي محتار

[ابو سفر]

عليكم السلام

والله ياخوي مدري وش اقلك ... انا اقول لو تعطيه فرصة كمان اسبوعين افضل...

او اذا انك شايف انه مافي فاااااايده...بيعه وخذلك واحد فرخ عينه سوداء ...يسهل عليك تدريبه..

او اذا مالك خبره في تدريب الطيور ...خذلك واحد جاهز اليف ويتكلم ...احسن لك.

موفق ان شاء الله,,,

[EVO46]

أخوي لا تستعجل لا تبيعة يباله صبر خلك معاه ولاتخلي حد ثاني يشوفه غيرك شفت الياهل يوم يصيح شو اتسويله علشان يسكت يا اعطيه شوكلاته او اعطيه لعبه جرب مع الكاسكو انك تعطيه فول سوداني بس مش كثير وحطله العاب او خشب علشان يكسر ويلعب وخلك معاه و كلمة وعلا فكرة خل كلامك معاه يكون فيه ليونه يعني دلعه بالكلام و الصبر زين هذا عمرة عشرة شهور وايد طيب انا روظت كاسكو عمرة سنه ونص بس يباله صبر وعلى فكرة يوم بيجعر خلك معاه لاتهرب عطه عشر ثواني رو ح ورجعله وكرر العملية يومين ونشالله بيتروض معاك

[stavol75]

بسم الله الرحمن الرحيم

اخي الكريم كل شيئ يحتاج الى صبر

بالنسبة لي عندي طير لم يبدأ الالفة الا بعد 11 شهر , وكانت حالته مثل حالة طائرك جعير وخوف ورمي الاكل ...... الخ

اذا احسست في نفسك المقدرة على الصبر اتبع هذه الخطوات:

- تنظيف القفص بشكل دوري (وانت من يجب ان يباشر هذا العمل)
- تحميم الطائر كل فترة من الزمن.
- حاول ان تعرف افضل طعام يفضله, بعدها امنع عنه هذا النوع من الطعام ولا تعطيه هذا الطعام الا من يدك وحاول تكرارا لانه بالتاكيد اذا اخذه منك سوف يرميه , تابع معه حتى ياخذه منك ويبدا باكله وهذه من اهم النقاط.
- حاول ابعاده عن المتطفلين من الاطفال ومن يؤذيه.
- ثبت مكان القفص في مكان واحد ولا تغير المكان حتى يالفه تماما.
- كلمه كثيرا ولا تنزعج من صوت الجعير , اجلس امامه حتى ينتهي من الجعير ثم قم من امامه وكرر هذه الطرقة كثيرا.

في النهاية ستجد نفسك عرفت كيف تتعامل مع طيرك وماهو الاسلوب النافع معه.

هذه الخطوات تحتاج صبر ووقت وجهد منك ومن طيرك.

في النهاية:

اذا وجدت انك لن تستطيع ان تصبر على طيرك الله يعوض عليك وتاخذ طير مدرب وجاهز.

من وجهة نظري حاول ان تصبر فسوف تجد المتعة عندما ترى نتائج عملك.

بالتوفيق لك اخي الكريم.

[Madrid Spirit]

هو ايش نوعه كاسكو ولا كاسكو تيمنه ؟؟؟

[AmaZony]

اذا الطير بكون مع اسرة وزعاج وجذي انا اقول بيعه
وخذ لك فرخ عمره 5-6 شهور
اريح وسهل لك بس بكون عليك اعتناء كبير له
ترى الطير صار له معاك شهر وباين حالته عوصية
وانت كرهته صراحه دام كرهته ومشاعرك معاه جذي ماراح يفيد مع الطير
فطير يستجيب لمشاعر الانسان ويتفهمها بسرعه ومن الصوت بعد

[الخبراء]

عندي وعندك خير


انا عندي غيني راسه يابس مره تقل جدار انا وياه جهده له اكثر من 6 شهور و انا وايه شيل و حط و اخر شي تركته
من المواقف الي خلتن اتاكد ان با راسه حصاء يبيله طحن روشته و زعل علي ولا اكل اكثر من 24 ساعه ما اكل شي و مضرب ولا صفر ولا هرج ابد لا و ينتف ريشه عقب ما روشته >>> نفسيه خلص اشهار ما يقبله


عقب قررت ابيعه علشان شريت فرخ رمادي >>> خلاص عافه الخاطر

بس هونت علشان اليوم سمعت كلامه مهب و اضحه

اصبر عليه شوي

احس اني طولت عليكم

[ابو عبد الملك]

قص جناحه وخرجه برى القفص
وبعدين بكم يوم من قص جناحه
جوعه لمدة ساعه واعطيه الاكل الي يحبه بيدك

[كنطم]

والله واحد عطيته ولا دربه هذي مشكله
نصيحه
بعه لان يمكن بعدين اللي بيشتريه بيعيي او ينقص في السعر