اشترك في نشرتنا البريدية ليصلك كل جديد

guitara · 30-10-2007, 11:10 AM

السلام عليكم

انا ناوي ان شاء الله اشتري لي ببغاء لاكن للاسف ماعندي خلفيه عن تربيتها وانواعها لان هذي

اول مره اقتني لي واحد

انا خاطري في مكاو اللي هو scarlet macaw لاكن ماعندي خلفيه عن هالنوع ماهي اسعره

وافضل عمر للقتناء وهل يقضل اقتناء فرخ صغير ام صاحب عامين او ثلاثه

وودي اعرف عيوب ومميزات هذا النوع من المكاو والمكاو بصوره عامه و اذا مافي امر عليكم

ودي هم بعد اعرف عيوب ومميزات الافريقي والكوكاتو شنو عيوبهم ومميزاتهم ؟؟

و بعد لاني اشوف يقتنون الافريقي كثير ويمدحونه لاكن مااستسيغ شكله كلش

وعلى طاري الافريقي هل يجي افريقي غير الرمادي ؟؟؟

ومن وين اقدر اشتري ببغاء جيد وبسعر ممتاز هنا بالشرقيه لاني من اهل الخبر

وماودي ينضحك علي بالسعر او النوع والعمر خاصه انها اول تجربه لي وماودي اتعقد منها

والف شكر لكم اخواني الاعضاء مقدما وانا متابع منتداكم من زمان بس توي اعزم اشتري واسجل

معكم ..

( ورده حمره )

كاسكو البحرين · 31-10-2007, 12:31 AM

وعليكم السلام ورحمة الله يا guitara

اول شي اذا تريد نصيحتي >>> خذ راحتك بقراءة جميع المواضيع المثبتة
لأن اسألتك جميعها في المواضيع نفسها ويبقى على الأخوان أو الأخوات اللي
من الشرقية او اللي يعرف مكان تواجد هذا الطير والسعر فأرجوا التفاعل مع الأخ guitara
يستاهل الطيب

الطير الفرخ : عجينه تستطيع تشكيلها على مزاجك
الطير الكبير فوق السنة : يحتاج الى مزاج في التدريب
الطير الأليف والجاهز : يصلح للمربي الجديد على هذه الهواية

guitara · 31-10-2007, 07:37 PM

الف شكر لك اخوي كاسكو البحرين على المرور والرد

وانا بالفعل مريت على مواضيع الاخوه الاعضاء الى ان وصلت للصفحه 22 ومشاء الله عليهم

مواضيعهم مليانه معلومات مفيده وقيمه جدا يعطيهم العافيه عليها

بس المشكله نادر مايتطرقون للمكاو وهذا اللي مخوفني اكو مشكله معه او فيه عيب؟؟؟

اتمنى تفيدوني ..

واخوي كيف هي اسعار المكاو عندكم فالبحرين خاصه فروخ المكاو لاني امست كنت هناك بس

ماأدل اسواق الطيور عندكم بالبحرين ياريت تفيدوووني ياخوان لاني ناطر اجاباتكم قبل اروح اشتري

وعساكم عالقوه دووم ..

medo88medo · 31-10-2007, 07:54 PM

اخي الكريم اهلا وسهلا فيك

هذا الرابط

http://www.2zoo.com/vb/showthread.ph...=scarlet+macaw

يوجد به ماتحتاج اليه وهولاستاذنا الكبير "تاكو"

اتمنى ان يكون فيه مايفيدك
وبالتوفيق

guitara · 31-10-2007, 09:21 PM

مشكور اخوي الكريم على مرورك وتفاعلك

بالنسبه للرابط قراءته وطلعت منه بالتالي

1 المكاو ذو صوت مزعج

2 كبير الحجم

3 غير متقن في تقليد الاصوات

4 منقاره قوي ومحطم اضف الى انه خطييييير

وكلها مع الاسف صفات سلبيه مرررررره

بس بقى عندي سؤال عن اسعار فراخه؟؟؟

وهل اذا درب من الصغر وصار اليف يشذ عن القاعده اللي فوق؟؟؟

medo88medo · 31-10-2007, 10:08 PM

اخي الكريم
اعتقد انك في المنطقه الشرقيه
وانا بصراحه لااعلم عن الطيور هناك شيئا
ولكن بالنسبه لدينا في جده
فان الفروخ تعتبر نادره بل من الصعب الحصول عليها

اما بالنسبه للتربيه من الصغر فهي دائما مفيده لمثل هذه الانواع"او غيرها"
ولكن تذكر ان هناك طباع مهما عملت لا يمكن ان تتغير
فلا تتوقع ان تذهب صرخات تلك الطيور بلا رجعه
واي سؤال اخر
تحت الامر

guitara · 31-10-2007, 10:26 PM

اخوي ممكن اعرف السعر التقريبي لفرخ المكاو ؟؟

والي تجاوز السنه ونص ومدرب ؟؟؟؟

ولك مني الف شكر على تفاعلك معي ...... احرجتني والله .