اول يوم ... للبسة في البيت ... و استفسارات كثييييير

[almaher]

كيف الحال ... ؟ انا صراحة اول مرة اربي قطوة في البيت ..
بس اول ما جت للبيت جلست تركض و تروح هنا و ..... يعني تستكشف المكان ..
وطبعا كنت العبها ... ويوم جا وقت النوم .. خخخخ جيت احطها في بيتها ما تبي
وما ابي اسكر عليه اعلشان اذا تبي تروح للحمام ... قلت خلاص خليها تنام وين ما تبي
طبعا .... هي ما تبي تنام كانت الا فوقي ... ( طبعا اذا صار ذا الشي انا بقعد صاحي طول الليل ..
رحت شلتها ... المهم نامت في كنبة في الصاله ..

بس في كم استفسار ... 1 - في صوت يطلع منها كأنها دباب ررررررر ... وشو هاذا ؟؟
2- انا يوم شريتها امس .. طعموها لي بس فيها ريحة حقت المحل
و ابي اروشها يصلح زلا اصبرلي كم يوم ؟؟

طبعا هاذا بس لسة في اول يوم ... وابغى اسألكم .... وتكفون ردووو ..

[عهد]

اهلا اختي اول شي مبروووك على القطة الجديد و تتربى بعزك
بالنسبة لمكان النوم خليها كم يوم على ما تتعود على البيت و ان شاء الله راح ترتاح معاااج
بالنسبة للصوت هذا شي طبيعي لان القطط لما تحس بالراحة و الاسترخاء و السعادة يطلع منها
هذا الصوت و هي تعبر عن مدى راحتها فلا تخافين بالنسبة للروشة او الاستحمام فمن الافضل انك تحميها باسرع وقت عشان الجراثيم اللي فيها واللي جايباها معاها من المحل تروووح ولا راح تضرك و تضر اهل البيت وعشان تحميعا استخدم شامبو خاص بالقطط و اذا ما عندك استعمل شامبو الاطفال جونسون افضل و بعدين لما تحممها لازم تجففيها بالوطة و بعد لازم تسوي لها ششوار عشان لا يصيدها برد لان القطط تتعرض للبرد لما تتبلل .... ولا تنسي تقليم الاظافر و اذا ما قدرتي تقدين تقوولين للبيطيري يساعدك
وبعدين حاولي تغذيها من اكل البيت ولا تستعملي المعلبات الخاصة بالقطط لان معظمها منتهي صلاحيتها و هذا يمرض القطط فأحسن لك تستعملي أكل البيت ثلاث وجبات تكفي
وبإمكانك تأكليها خضروات مسلوقة او مشوية او لحم او دجاج اوسمك مطبوخ سواء مشوي مسلوق بس لاتعطيها أكل في دهون لان هذا يضر القطة

[almaher]

مشكووووووة ... عهد بس على فكرة انا ((( موب اختك ))) انا ((( اخوك )))

[عهد]

خخخخخخخخخ طيب حياااك الله أخ almaher السموحة خطأ مطبعي
خخخخخخخخ بالتوفيق

[أنــــا]

لووووووووووول
حلوة صوت يطلع منها كأنها دباب ررررررر خخخخ

زي ما قالت اختي عهد هالصووت يسمونه( غرغرة القط )ومعناته ان القط سعيد

وبالنسبة لقص الاظافر تو خيتوو عهد قالت لك تقصها..نصيحة لا تقصها انت في البيت احسن شي ودها محل يقصونها لانك ممكن تقص شي متصل بالاعصااب... وديها لمحل يقصونها وتعلم منهم عشان المرة الجاية تقص اظافرها بنفسك>>>الحياة والطبيعة يقصون الاظافر بـ15 ريـال

وعلى الترويش ايه لازم تروشها بس الافضل في النهار عشان ما تاخذ برد والموية طبعا دافية
وشوي شوي عليها لان القطط تكرة الماء ..وتروشها كل اسبوعين مرة

وعلى انها تنام عندك نفس حالتي قطوطتي ما خلتني اناام البارح وهي اللي صحتني بدري الحين..قمت ولقيتها عالمخدة غاااطسة خخخ
بس تدري وش تسوي..خل معك بخاخ موية (هذا منظف الزجاج لا خلص اغسله وحط موية وسطه )
واذا القط سوى شي غلط من الحين لازم تعلمه ..بخ عليه بخة خفيفة من بعيد شوي المهم يجيه شوية موية..هذا لا سوى شي غلط (مثلا طلع على سريرك وانت ما تبيه يطلع )وبكذا بيتعلم

وصح لا تعطيه اكل معلب من اكلنا>>مثلاً تونا..انتبه ممكن يسبب للقط اسهال وانت بكرامة
اعطيه دجاج مسلوق والافضل يكون مسلوق بموية بدون ملح ولا بهارات

يلا الله يوفقك بتربيته..
وسوووري عالاطالة

[almaher]

مشكوووووورة .... اختي انا ..... ونشالله بعلمكم وش صار معي ...

[SleepyMiracle]

والله مالقيت شي اضيفه

اعضاء توزو ما قصروا