صارت لي قصة وفيها بعض الاسئلة

[مهند2009]

السلام وعليكم ورحمة الله وبركاته

انا قبل اسبوعين شريت قطوه انثى شيرازية مون فيس عمره 10شهور من محل الكروان اللي بالمنطقة الشرقية والمحل عنده قطط ذكور خاصة في المحل ماهي للبيع والرجال وقالي اذا شريت القطوه هذي وزوجته القطو هذا وراني قطو ذكر شيرازي باك فيس قالي اذا زوجته القطو هذا راح تجيب اولاد في قمة الروعة وقلتله بكم ازوجه قالي اليوم بعشرين ريال يعني خلال خمس ايام 100ريال قلتله طيب وشريت القطوه الانثى بي 700ريال جيته بعد شهر بعدما القطوه حقتي تريد الزواج قلتله ابغى ازوجه القطو اللي قلت عليه قالي طيب بس قالي على فكرة ترى خلال اسبوع تدفع 500ريال وقلتله قبل ماشريته قلتلي اليوم بي20ريال اللحين بي500ريال وشلون هذا يرضيكم كذا وعندي ثلاث اسئلة

س1:هل لو زوجت القطوه حقتي الشيرازية قطو امريكي او سيامي او هيمالايا او شوارع حيطلعوا الاولاد مثل امهم ولا اللون حيختلف ولا الشكل حيختلف ولا حيطلعوا مثل ابوهم


س2:ماذا تفضلون النوعية التي ازوجه هيا


س3:هل الذكر له دور بي الوان الاولاد والشكل



وهذي صورة للانثى حقتي وقولوا رايكم فيها

http://www.cat4arab.com/upload/uploads/25baf71399.jpg


وهذي صورة جدا مشابهة لي القط الذكر اللي في المحل بس ياخوي مو 500ريال واجد


http://www.ourpetclub.com/vb/uploaded/4268_11tk.jpg


--------------------------------------------------------------------------------







وتقبلو تحياتي

[prensesa]

اولا قطوتك روعة وتشابه قطوتي الى حد كبير

س1:هل لو زوجت القطوه حقتي الشيرازية قطو امريكي او سيامي او هيمالايا او شوارع حيطلعوا الاولاد مثل امهم ولا اللون حيختلف ولا الشكل حيختلف ولا حيطلعوا مثل ابوهم

بالتاكيد ان الابناء يطلعون الى الذكر لى حد كبير من اللون والجنس وابتعد كل البعد عن البلدي لان الانتاج راح يطلع لوعة وبالنسبة لصورة الذكر فعلا الانتاج راح يطلع حلو خاصة اذا نفس اللون راح يكونون روعة

س2:ماذا تفضلون النوعية التي ازوجه هيا

افضل شي انه يكون من نفس الجنس - والبيكي فيس راح يطلع حلو - اما بالنسبة للهمالاايا ما ادري انا عندي الحين همالايا انطر لما يولدون قطاوتي وازوجهم الهمالايا واقولك شنو انتاجهم يعنى انا جربت الشيرازي - والبكي فيس وراح اجرب الهالايا
واعطيك راي بالانتاج

س3:هل الذكر له دور بي الوان الاولاد والشكل

بالتأكيد راح يكون له دور كبير من حيث الجنس واللون

انشاء الله اكون افدتك

[الساحر77]

فادتك اختي اكثر مني ويعطيها العافيه

وانا عن نفسي في قطر صالي موقف نفسك بس قالي اليوم 35 ريال احسب شهر واله خمس ايام 175 هذا للخمس ايام الشهر يطلع 1050 ريال يعني انا من رايي سعر زين وانت لك الختيار بس تبي الحق الذكر يستاهل يعني انشالله الانتاج بيطلع حلو


وتحياتي وانشالله اخواني وخواتي بيفدونك اكثر

[looosy]

انا راي تشتري قطو جديد خاص فيك احسلك هذا اذ كنت فعلا تني انتاج كويس وبتبيع
عشان مو كل مره تدفع 500 ريال ترى واجد وفي بعض الناس تاجرذكر مقابل بعض الانتاج

[sisi_moon]

لااااااااااااااااااااااا ماعليك منه

انا توني قبل شهر مزوجه قطوتي بقطو من عنده ابيض بيور هاف بيكي

واليوم كان بعشرين بسس

واصلا خلاني اخذ القطوو عندي مو اخلي قطوتي عنده

لاتخليه ينصب عليك

والقطو هذا عرفته لاني كنت ابي ازوجه قطوتي بس لان وقتها كان الذكر عنده اكثر من انثى

ورحت للابيض

وماشاءالله قطوتك قممررررر

وبيطلع الانتااج مررره خطيير لو زوجتها بالرماادي او الابيض

وعلى فكره الابيض عنده عين صفرا وعين سماويه .. روح المحل مره ثانيه يمكن تشووفه موجود

لانه رووووووعه بصراحه

بــــــــــــــــــــــآآي