عيون قطي

[looosy]

مرحبا
قطي الحبيب ميشو اخذته للبيطري قبل يومين ومن يوم ما رجع وهو عيونه مش طبيعيه
مغمض عينيه طول الوقت ويحاول يفتح شويه بس كانه متالم لما يفتح لانه يرمش فيها كثير
العين من داخل لونها محمر شوي وفي افرازات بسيطه
انا مسحتها بمويه دافي وكلمت الدكتو الي قال استخدم مرهم للعين خاص فيني عشان عيون ميشو
بس اليوم ثاني يوم وماني شايفه اي تحسن
هل احد يعرف طريقه ممكن تساعدني عشان المسكين يفتح عيونه؟
وهل ممكن يعدي اخوانه مثلا او يعديني ..
جاوبوني بلييييييييييييييييييييييييييز باسرع وقت عشان يكون في وقت اعالجه قبل العيد(كل عام وانتو احبابكم بالف خير)

[لميـــــــــــــا]

وانت بصحه وسلامه

في قطره
عيون

من الصيديله

فيها كلمه فريش

بيضا مكتوب بسماويي

انا جربتها لقطووتي

مررررررررررررررررره
حلوه

[prensesa]

السلام عليكم loosy

هذه حاجة عادية اذا كانت حمره او مسكره مجرد قطنة وماء دافي امسحي على العين
واذا كانت مسكره حاولي تفتحينها شوي شوي بعد ما تمسحيها بالماء الدافئ
وبعدين استخدمي قطره للعين او مرهم من اي نوع حتى اذا كان عندك في البيت
-- انا دائما يصير مع القطط اللي عندي خاصة الصغار -- اذا كان يعدي فهي يعدي اخوانه

وانشاء الله تكون زينه بس عطي الدوا مجاله على الاقل يومين
واستخدمي القطره مرتين او ثلاث مرات باليوم

[Dominique]

ممكن نعرف شنو سبب اخذ ميشو للبيطري من البداية؟

هل لمشكلة بعيونة من الاساس ولا شنو السبب ؟


على العموم مثل ماقالوا الاخوان تمسحين عيونه بماي دافي ولو تستشيرين بيطري ثاني يكون افضل واحسن بعد انج تاخذينه للبيطري علشان يشوفه

بالتوفيق
.
.
.

[looosy]

مرحبا ومشكورين على ردركم
طبعا انا اخذت ميشو للتطعيم وراح وهو ما في شي بس لما رجعته من عنده كانت عيونه زي ما قلت لكم

المهم هو الحين تمام
استخدمت قطره معقمه مع مرهم مضاد حيوي لمده ثلاث ايام
والحين ما شاء الله قاعد يخرعنا بعيونه المبققه

شكرا لكم

[أسير الدمعة]

الحمدلله على سلامته