مصيبه لكل من عنده كامير في اللاب توب يوجد برنامج لتشغيلها وانت لاتدري عن طرق الماسنجر

[كوكاتو عنيد]

كما وصلني

نصيحة لكم من أعماق قلبي ..‏تعرفون ان في الفتره هذه انتشرت اللابتوبات اللي فيها كاميرا
‏واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا
لكن اللي اغلبكم ما يعرفه انه انتشر برضو برنامج
‏يشغل الكاميرا بالمسنجر او السكايبي وانت ما تدري
‏يعني راعي البرنامج يدخل عليك ويشوفك وانت تحسب كاميرتك طافيه
‏والادهي والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< ‏هذه ميزة بمسنجر بلس
واللي خلاني اكتب الموضوع هالسالفة :
‏يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة
‏وشفته مبين عليه الهم والغم والدنيا مو شايلته
‏سالته وش فيك ؟
وقالي سمعت عن البرنامج اللي يشغل كاميرا النت
‏قلت له ايييييه وش بلاه
قال انا يوم السبت تارك ماسنجري مفتوح واللابتوب مشغل
‏ورحت اتروش ورجعت ابدل بغرفتي <<< ‏يعني كان عريان <<
‏يقول شويه واسمع صوت المسن اللي يطلع لو احد كتب لك كلام
‏ولما دخلت الا واحد يقولي شخبارك ومن هالكلام
‏وما امداه اخذ دقيقتين الا يقولي بوريك شيء .. ‏مقطع فيديو
‏خويي تحمس وجا يبي يطالع الا المسكين شاف نفسه وهو يبدل
‏يقول خويي الحمد لله ما اغمي علي ولما اخذ وعطى
‏الولد قاله اذا ما تبي المقطع ينتشر ادفع لي 1000 ‏ريال شحن سوا ترسلها لي
‏طبعن خويي ما وافق لانه عارف ان الولد بيرجع له مرة وثنتين و3
‏الولد للاسف عمره 21 ‏وعاطل ومو هامه احد

حتى لما خويي قاله اتق الله فيني قاله مو شغلي ولا تفتحلي مواضيع دين
‏المهم ان الولد مهدد انه ينتشر المقطع
‏وخويي لما امس وهو مصدوم وحالته حاله وخايف
‏والسبب كله كاميرا اللابتوت اللي حنا فرحانين فيها
عشان كذا نصيحة مني لكم شوفو لها حل
‏غطوها بورقه او كسروها وجيبو وحده خارجية
‏او حطو عليها علك <<< ‏الاخيرة فكرة هنود ما تلاحظون
‏حبيت أنبهكم وبس والباقي عليكم
‏الله يستر على خويي يارب
‏الله يعدم جهاز الولد راعي البرنامج
‏والله يهديه او ياخذ روحه ويفك الناس من شره
‏قولو امين.
‏انتهى.

[البطريقه]

بلاوي تصير

شكرا يا كوكاتو عنيد على التحذير

[قطة الأحلام]

جزاك الله خير على هذا الموضوع الحمد لله انا ماعندي لاب توب الله يستر على أخوك وعلى الناس جميعا.

[i love cats]

‏الله يستر على خويي يارب
‏الله يعدم جهاز الولد راعي البرنامج
‏والله يهديه او ياخذ روحه ويفك الناس من شره
‏قولو امين.

آميـــــــــــن يارب العالميـــن ..

مشكوور اخوي على تنبيهك وانا الحمدلله ماعندي كاميرا

[*rfrf*]

شكرا عنجد>>> كوكاتو ع التحذير.......

وانا ااختي عندها كاميرا في الابتوب...والحمد لله غطتها بورقة صغيرة فوقها....(( والمشكلة اساسا ما كانت

تعرف انها كاميرا.....بس الحمد لله انا قلتلها....))

[timber]

اخواني الشغله ماهي شغلت لابتوب انا بأمكاني لو عنك كاميرا على جهازك الشخصي افتحها من غير قبولك ببرنامج معين مصممه احد الهاكر العالمي عموما الواحد لو عندو كاميرا على جهاز يشيل وصلتها لما مايكون محتاج لها مشكوور على التنبيه اخوي ... تحياتي للجميع

[الأسد الملك]

لا حول ولا قوة الا بالله

شكرا ع التحذير

.

[بدر ولد أبو بدر]

من يوم شارين الا بتوب وحنا حاطين لصاق جروح

والله يكفي الشر

[كوكاتو عنيد]

مشكووووووووووور على ردودكم الجميله وارجو منكم تحذير الناس

وهاذي القصه منقوله من احد الاخوان

[عاشقه الحيوان]

ياااااااااااااااااا
اني لابتوبي فيه كام دائما مشغل والماسنجر كمان
اذا احد شافني ابوي براويني نار جهنم
بلييييز يابنات ادعو ان ماحدا شافني