ارجو مساعدتي

[مودي بيل]

السلام عليكم كيفكم جميع

كل عام و انتم بألف خير


اخواني انا عندي مشكلة

الببغاء حقي خواف مرة كل ما احد يقرب منه يخاف حتى لو ما دالع فيه و بعد لما اجي ااكله ياخذ الحبة مني و يرميها بقوة و لما افتحلة الاستاند ما يقعد على الخشبة ينط يسير يمشي في البيت كيف اخليه يعقل و ما يخاف

علما ان الببغاء حقي كاسكو

@@ معليش استحملوني توني مبتدى اول ببغاء لي @@

[Solitary passenger]

شكل ببغائك جديد و مو متعود عليكم ولا على البيت
ما عليك إلا الصبر.. حطه في زاويه هادئة في الغرفة أول يوم لين ما يهدى و يستقر
-لا تجيب الأطفال و الجيران و تخليهم يلتفوون حوله...ترا يتضايق و يخاف أكثر
-اتركه لين ما تراه استقر.. و أقعد عنده لحالك لفترات متباعدة في البداية
-و انت قاعد عنده حاول تتكلم معاه بلطف و صفرر له
-لا تخلي أحد يهز القفص ولا يخوفه...تراه حساس مرررررره
بعد يومين انشاء الله راح يتعود عليكم
و إذا فتحت له القفص عشان يستكشف المكان يكون أحسن..بس مو من أول يوم


أما بالنسبة للأكل فكل هاوي جديد قد مر بهذه المرحلة... أهم شي لا تتوقف عن إطعامه بإيدك و هو راح يتعود عليك و ياكل من إيدك
الله يديمكم لبعض

[مودي بيل]

اخوي ابشرك ترا وقف على الاستاند بس كيف ارجعه القفص هو مرة جوعان و ما يعرف يرجع وش اسوي

[Solitary passenger]

أنا كنت أستعمل طريقتين مع ببغائي أول ما جا وكان يخاف أحد يقرب منه...
الأولى-
كنت اخذ منشفة كبيرة و أطويها(عشان ما يوصل منقاره ليدي). و طبعا أمسكه و اخذه جري على بيته و أقفل عليه
كنت أكرر له دايما و في إيدي المنشفه قبل و بعد ما أمسكه(كوكو: يالله عا البيت)
و صار بعد اسبوعين من إستعمال هاذي الطريقة أول ما يسمعني أقول هاذي العبارة يروح هو من تلقاء نفسه على بيته
الثانيه-
هي إني اخذ القفص و أجيبه لين عنده- طبعا أخلي القفص ملاصق للسطح إلي هو واقف عليه- و أنتظر دقيقه, وهو يدخل.
بس ما أضن هذي الطريقة راح تنفعك في البدايه لأنه لسه خايف منك.

[Solitary passenger]

و على فكرة... أنا بنت مو ولد

[مودي بيل]

مشكوووورة اختي بس انا ترا القفص هو و الاستاند في نفس القفص

[Solitary passenger]

إذا في ستاند فوق, و تحت جنب الأكل
إذا جاع هو بينزل من نفسه لأنه عارف مكان أكله
أو جرب تطفي النور, إذا شفته ارتاح و بدا ينفش ريشه أعرف انه بعد شوي بيبدأ يدور على أكله, و إنشاء الله ينزل

[Solitary passenger]

وبعدين تعال... معقوله للحين ما نزل و ما أكل شي؟؟؟

[غوغو]

المشاركة الأصلية كتبت بواسطة Solitary passenger

وبعدين تعال... معقوله للحين ما نزل و ما أكل شي؟؟؟

يمكن صايم انتظر عليه للفطور اول مايأذن بينزل وبيفطر


بس لازم يكون في تمر

[مودي بيل]

هههههههههههه سرنا حطينلة الاكل في الاستاند

بس الضحك لما نبي نزلة ساعة ساعتين و حنا نحاول ننزلة ههههههههههه