اشترك في نشرتنا البريدية ليصلك كل جديد

so*so · 25-09-2008, 06:35 PM

السلام عليكم ورحمة الله بركاته

أشكركم من كل قلبي على معلوماتكم

و اسفه جدا على كثرة اسئلتي واستفساراتي بس اعذروني توني مبتدئة

ثاني الشي الببغاء

فيه كسل مو طبعي كان قبل يصارخ ويلعب و يتكلم الكلمات اللي هو حافظة كل ما اتكلم كان يتكلم

بس الحين قليل

مايتحرك

اعطيته فول سوداني مايكل الا شوي و المويا يشرب عادي

وعليه ملاحظة انه يرتعش في منطقة البطن مع العلم ان الغرفه مو مره بااارده انا احيانا انام بالحر عشانه كله خايفه عليه

و انا الحين خايفه يكون مريض ياليت تساعدوني وان شاء الله انزلكم صورة له

تكفووون سعدوووووني

هل ممكن يكون مصاب بمرض الميكوبلازما مع العلم ماا لاحظت عليه اي افازات ماغير الارتعاش
واحيانا وهو يتنفس يطلع صوت بس خفيف ويروح و الله خااايفه عليه ياعدوووني واي ملاحظة راح اقولكم اخاااف يموت ساعدوني وما عندي احد يوديه البيطري الحين ايش ممكن اعطيه لما يرجع اخوي ويوديه

واشكركم من كل قلبي

so*so · 25-09-2008, 06:42 PM

صح نسيت في ملاحظةة عليه

انه في شي تحت عيونه جهة المنقار يعني باخر المنقار وهو يتنفس تنتفخ المنطقة مع كل الجهتين ويصير شكله كأنه كورة بس ماتطول على طول تختفي وما اشوفها الا كل 3 ايام يعني مو كثير

EVO46 · 25-09-2008, 07:06 PM

أختي سوسو انصحك تودينه دكتور البيطري قبل عن يزيد المرض لاتنتظرين خير البر عاجلة الحقي علية

أبو ريـــــــــــــان · 25-09-2008, 07:15 PM

البيطري بسرعة البرق لا تتأخرين علية

yooyoo · 25-09-2008, 07:24 PM

انا انصحك توديه الطبيب البيطري

ولا تخافي عليه ان شاء الله

اهم شي ابعديه عن التكييييييييييييف

so*so · 25-09-2008, 07:55 PM

يعني هو مريض بالمرض ولا كيف مع اني مالاحظة اعراض المرض كلها

so*so · 25-09-2008, 07:55 PM

وحاليا مافيه احد يوديه البيطري اخوي مسافر

جـــوي · 25-09-2008, 11:24 PM

اختي الكريمه

لا تقلقين ان شاءالله مافيه الا كل خير..انتي تفائلي بالخير ولا تصعبين الامور

المهم الحين كخطوات اوليه وفري له الراحه والهدؤ ولا تنوعين له بالاكل

اعطيه الحب الشمسي والماء ولو لاحظتي افرازات تنزل من خشمه اعطيه ثلاث قطرات ليمون

في سقاية الماء حقته

كمان لا تنسين تحطينه في مكان دافيء جدا بعيد عن اي تكييف حتى لو كان بسيط

ولا تزعجينه بالتدريب ..خليه مرتاح هالايام وسوي الخطوات اللي قلت لك عليها

وان شاءالله اذا رجع اخوك يأخذه للبيطري...ومافيه الا كل خير يااختي

الله يحفظه لك

جوي

جـــوي · 25-09-2008, 11:36 PM

اختي اعذريني على مشاركتي الثانيه

بس انا الصراحه استغربت من الانتفاخ اللي في آخر منقاره من فوق وكنت اكلم البيطري

عن ببغائي الافريقي وقلت في بالي خليني اسأله عن حالة طيرك لأنها غريبه فعلا!!

قال هو لازم ينعرض على بيطري عشان يشخص حالته واحتمال يكون هالنفخ تمزق في العضلات

لكن مافي مشكله كبيره بس المهم انك تعرضينه على بيطري اول مايرجع اخوك

ونفس الخطوات اللي قلت لك عليها نصحني الدكتور فيها لأنها مهمه

بالتوفيق

so*so · 25-09-2008, 11:35 PM

الله يعطيك العااافيه اخوي و ابشر باللي طلبته