إلى خبراء الأمزون ... صور

[أحمدووو]

السلام عليكم أعزائي

أرجوا من الإخوة أصحاب الخبرة بالأمازون إعطائي بعض المعلومات عن هذا الأمازون

ما أسم هذا النوع ، و ما عمر هذا الطائر

و هل هو من النوع الجيد و المتكلم الممتاز

و بعض المعلومات إخواني

[ابو وائل]

هذا البلو فرنت
متكلم ممتاز ونوعه ممتاز

[أحمدووو]

أخوي هذا أكيد البلو فرونتد ؟؟؟

و صاحب الطير قال لي أنه فرخ ... صج هذا فرح و يتعلم ؟؟؟

و هم صاحبه قال لي هذا يلو فرونت


فأبي أتأكد إخواني

ياريت بسرعة عشان احتمال أشتري هالطير منه

و بالتوفيق

[الحور11]

السلام عليكم ...
أخي العزيز .. أحمدووو

هذا الأمزون يسمى البلوفورنتد .. أكيد ..

هذا النوع من الأمزون يشبه كثراً نوع أخر من الأمزون ويسمى الأوزنج ونج
ولكن هناك فروق بينهم وهذا الموضوع يبن هذه الفروق

http://www.2zoo.com/vb/showthread.php?t=40797

أتمنى أني أفدتك في هذا الموضوع .

تحياتي .

[أحمدووو]

و بالنسبة للبلو فرونتد شلون قابليته للكلام ، و شلون جرأته و تدريبه ؟؟؟

و هالطير صج فرخ ، و لا عمره كبير ؟؟؟


و بالتوفيق

[أحمدووو]

و واحد من الشباب قال لي احتمال هذا يكون يلو كراون !!!

فمادري الصراحة ... و متردد

انتو شنو نصيحتكم آخذ الطير

علما أنه سعره بحدود 230 دينار كويتي

[رامبو خان]

اقولك اخوي من خبرتي البسيطه وخاصه بهذا النوع من الطيور
الطير جيد بمعنى الكلمه وهذا اسمه بلو فرونتيد امازون وهو يجي في الدرجه الثالثه في الامازونيات وهذا حجمه حلو
اما عن العمر فامبين ان الطير مش فرخ يعني عمره حول السنتين لان العين برتقالي فاتح
والفرخ يكون بني غامق
والسعر الصراحه حلو ماهو شين اذا طلع اليف ويطلع على اليد
توكل على الله وخذه لان ان شاء الله بيكون تلقينه الكلام سهل اذا كان اليف طبعا
وانت قلنا وش مواصفات الطير

[أحمدووو]

صاحبه يقول أنه أليف و ما يعض

بس ما يطلع عالإيد

و بهالعمر يتعلم الكلام زين ؟؟؟

[رامبو خان]

الكلام اكيد لانه وهو بعمر السنتين توه صغير بالنسبه لفتره البلوغ وهي ثلاث سنوات والبنسبه لانه يعيش حوالي 50 سنه
اذا الطير يمسح على راسه ومايعض توكل على الله وعاد انت وشطارتك تخليه يركب على يدك وطبعا هذا شي سهل اما عن الكلام لازم تصبر والكلام ماله دخل بالعمر بس على حسب استجابه الطير
وترى بس الطير بيتكلم بتشوفه مش ساكت لان هالطير جرىء

[أحمدووو]

شاكر لكم إخواني على التفاعل

و بالنسبة للطير توني شفته وجها لوجه



طلع شوي خواف

ياكل من الإيد

لكن يخاف وايد

يخاف تمسح عليه و يخاف يوقف عالإيد


فما شريته


ان شاء الله بالتوفيق للجميع