فرخ مينا ومحتاج اجاباتكم HILL MYNAH

[طير الهوى]

،،

السلام عليكم ورحمة الله وبركاته

حياكم الله جميعا


بغيت استفسر منكم ومن الأخت LiLi خبيرة المينا

انا الحمدلله اشتريت فرخ مينا عمره شهر من نوع HILL MYNAH

انا على كلام اللي شريته منه .. أوكله سيريلاك ..

والفرخ ماعليه ياكل وكل شي .. ولا فيه مشكله

ودايم اذا جاع وشاف احد يصارخ صراخ مزعج يبي الاكل


انا الآن أسئلتي لكم

1/ انا ماغير أوكل الفرخ سيريلاك .. وأشربه ماء بالإبره .. هل هذا يكفيه ؟؟ يعني هل نظامه الغذائي وهو فرخ يقتصر على السيريلاك والماء ؟
2/ الفرخ اذا أكلته وخلصت .. ما اجلس لي نص ساعه الا وهو يصارخ من جديد يبي اكل .. هل هذا شي عادي ؟؟ يعني بالعربي ياكل واجد ماشاء الله .. هل هذا طبيعي ؟؟
3/ الفرخ ما يطير ولا شي .. متى تقريبا يبدا بالطيران ؟ ويتنشّط ؟
4/ متى يبدا يعتمد على نفسه بالأكل ؟ صراحه صار شغله .. اهلي والله سافروا وانا جلست لحالي علشان اعتني فيه واهتم فيه وكل مارحت مكان ما اتأخر عن البيت كله منه اخاف يصير جوعان
5/ لما يعتمد على نفسه بالأكل .. انا عندي اكل البلبل من قبل .. احطه له كما هو .. والا أحطه مع ماء علشان يلين ؟؟


بانتظاركم وآسف على الاطاله وكثرة الاسئله

،،