اشترك في نشرتنا البريدية ليصلك كل جديد

البنتلي111 · 27-03-2009, 09:59 AM

سلام عليكم ..
عندي كاسكو .. حبوب و اليف .. وكل شي فيه زين ..

بس المشكله انه ريشه تكسر ... شو العلاج ؟؟ او الحل ؟؟

هل انتف الريش المتكسر عشان يطلع ريش جديد بداله ؟؟؟؟

علما بانه الريش المتكسر اخر ريش ..يعني الريش الطويل ... وشوفوا الصور ..

ارجو الأفاده من الاخوان بأسرع وقت بالحل المناسب

sama-vip · 27-03-2009, 10:23 AM

معقوله من حاله تكسر

إن شاء الله الاخوان مايقصرون معاك يالغالي

تحياتي القلبيه لك

عاشقة الطيور · 27-03-2009, 10:31 AM

وعليكم السلام ورحمة الله وبركاته

اخوي ماعليك إلا انك تحمم الطير مرتين في الاسبوع ولاتنسى شروط التحميم واذا ماتعرفها ادخل على المواضيع المثبته

اهتم بتغذيته يعني نوع له بين الحبوب والفواكه والخضروات و.. ولكن بكميه معتدله عشان مااييه اسهال

ومع مرور الايام بروحه الطير بيشيل الريش المتكسر

وبالتوفيق

البنتلي111 · 27-03-2009, 01:49 PM

شكرا للمشاركه . . ..

يعني مافي علاج ؟؟ و ما يحتاي لطبيب بيطري ؟؟؟ ؟ ؟
علما بأن حالته الصحيه ممتازه ..يلعب و يتكلم و يناقز ..والقفص كبير .. ..

عاشقة الطيور · 27-03-2009, 02:04 PM

الحمدلله دام صحته تمام مايبيله لا بيطري ولا غيره ومثل ماقلت لك بروحه بيشيل الريش المكسر وحتى لو طالت المده

والله يخليه لك ان شاءالله

حب استطلاع · 28-03-2009, 11:33 AM

أخوي
شوف بداية الريشه ( الجزء الملتحم بالجلد )
إذا مافيه دم أنتفه
ويطلع غيره بإذن الله

جـ AraB ـدة · 28-03-2009, 11:50 AM

عليكم السلام اخوي بنتلي 111
اذا كان عمرة صغير لا تحممه وبخصوص الريش المكسر لا تنتفه لو نتفته يمكين يزعل
وتجيه حالة نفسيه وراح يتغير طبعة .. انصحك خليه مع مروور اليام راح يغير ريشه بنفسه
وتحياتي

Q8 Sailer · 29-03-2009, 12:19 AM

السلام عليكم اخوي ...

الاخت عاشقه ماقصرت ..

بس روح للصيدليات البيطيريه واخذ له فيتامينات تكون حبوب ..

واخذ له دواء شراب ينحط بالماي ... علشان ريشه وجسمه كله يقوى ويكون محمي من الامراض ...
وانصحك تنظف القفص ماله لما تشوفه وصخ .. لأن ان كان القفص غير نظيف راح تسبب للطائر امراض ...

والسلام عليكم ورحمة الله وبركاته ..

أبو ريـــــــــــــان · 29-03-2009, 09:13 AM

فية بالصيدليات البيطرية فيتامينات واملاح مفيدة جداً لريش الطائر