اشترك في نشرتنا البريدية ليصلك كل جديد

تركوازية · 31-03-2009, 10:15 PM

بدون مقدمات مافي وقت

"سلفر" و "سبايكي" كان فيهم فطريات طبعا الحمدلله ما وصل للرنج وورم....يعني كان شي بسيط و الطبيب عطاني دوا قال حطي لهم لمدة اسبوع او اسبوعين...كفاية...قلت له عندي لاميسيل قال وايد احسن عيل حطي لاميسيل...

المهم الحين قطوتي تعالجوا وما فيهم الا العافيه

لكن الطاااااااااااااااااامه الكبرى.....فيني انا

لقيت بقع دائرية صغيره بارزه اطرافها حمراء ومن داخلها لونها اصفر مدري اخضر و تحكني...وحده على ريلي فوق الركبه...وثانية على زندي و ثالثه على رسغي....ورابعه على صبع ريلي الكبير...وفي اماكن وايده تحكني لكن مافيها شي...واكتشفت انه الاماكن اللي باينه فيها الدوائر تبرز البقع بعد الحك...لو ما كنت حكيت ما كان يبان شي...بعد ما حكيت المكان برزت البقع...

وانا متاكده انها القوباء الرنج ووورم...

انقذوووووونيييييييييييييييييييييييييييييييييييييييييييي.....حد فيكم صابه الشي من قطاوته؟؟؟ ..,كيف عالجها و كم خذت وقت؟؟؟؟...وهل شكلها يتحول للأسوأ ولا بس على جيه بقع حمراء؟؟؟

للعلم اني احط كريم لاميسيل على البقع من اول ما شفتها....

تركوازية · 31-03-2009, 10:38 PM

صح نسيت اقول

اكتشفت بقعه ورى الركبه....انا اذكر اني حكيتها قبل اسبوع لكن عقب كنت اتجاهل الحكاك...يعني ما كنت احك...واليوم شفت المكان...لقيت البقعه راحت و تركت مكانها بقعه بنية خفيف....يعني راحت الفطريات...بدون ما اعرف او احط دواء....فهل تروح الطريات البقع بدون ما اعالجها ؟؟؟...

وهل اخذ حبوب نيزورال ؟؟؟ مع كريم اللاميسيل

sisi_moon · 31-03-2009, 10:47 PM

اول شي قبل لاتخربطين في عمرج وتاخذين ادويه روحي للدكتور يشخص لج هذا إييش

يمكن مو فطريااات

لان بعد انا من قبل جاني يشبه الي جاج .. بس ماكانت فطريات

كانت عندي حساسيه من الدهون ..يعني لما اكل شي مغلي مثل بروستد وغيرو على طوووووول يطلع بيديني

فـ روحي للدكتور ومو على طول تقولين له عندي قطاوه فيهم فطريات وكذا

لان بعض الدكاتره على طول بيقولون لج اي من القطاوه

فـ انتي لاتقولين الا اذا هو سالج

وماتشوفين شر ياقلبي

تركوازية · 31-03-2009, 10:56 PM

انا اول مره تطلع لي ....وشكلها يشبه الرنج وورم (القوباء).. شفت لها صور بالنت

وما يتني الا بعد ما قطاوتي صابتهم فطريات اهيء اهيء

تشبه هاذي الصورة لقيتها بالنت...بالضبط مثلها

آنـــــو · 31-03-2009, 10:58 PM

هدي بالك أول

أن شاءالله خيررر

أنا سبق طلعت لي على يدي وحده بس مثل وصفك بالضبط

حكه وأذا حكيتها تبرز دائره محدده بأحمر مثل اللي بالصوره

وكل يوم صرت أغسلها وأحط عليها لاميزيل ،، أسبوع وراحت

أنتي تحممي بشامبو نيزورال ،، وحطي على المناطق مراهم تبع الفطريات

والملابس اللي كنتي لابستها .. خلي الشغاله تنظفها مضبوط

وغيري فراشك أحسن وأحسن

ولاتحكين المناطق كثير وتلمسين مناطق ثانيه حتى مايتوزع وخاصه شعرك

ولاتحاتين مابيبقع على طول .. بعد ماتتشافين يطلع أثر بسيط لكن أسبوعين ثلاث أسابيع بالكثير ويروح

كذا صار معي ..

ولازم لازم تتأكدين من سلامة قططك .. أستمري معهم بالعلاج حتى لو مو شايفه أى أثار

أحيان تكون الفطريات تحت الجلد بدون تساقط أو قشور ..

عالجي نفسك وعالجيهم بنفس الوقت حتى ينتهي المرض .. ونظفي أماكنهم

ويفضل تروحين لطبيب تتأكدين من الحاله ويعطيك العلاج المناسب ..

sisi_moon · 31-03-2009, 10:59 PM

ماعليش لاتستعجلين بالحكم انها فطريات

هي ممكن تكون فطريات وممكن شي ثاني

روحي للمستشفى وتطمني وطمنينا عنج ^^

تركوازية · 31-03-2009, 11:13 PM

خبرت الخدامه...تغير كل فرش سريري....وتشيل فرش السوفا بعد و تحطهم في ديتول...وقلت لها امسحي السوفا بالديتول...

للاسف شامبو نيزورال ما عاد ينباع في الامارات...درت فوق اكثر من 10 صيدليات في دبي و الشارقه و الكل يقول في عجز بالسوق لانه الشركة المنتجه اوقفت الشامبو مؤقت..وما يعرفون متى راح ينزل للسوق..

حاليا عندي مرهم و بخاخ لاميسيل..وعندي مرهم بيتادين و عندي حبوب نيزورال....بس ما اخذت الحبوب....احط مره مرهم لاميسيل و مره بخاخ...فكرت استخدم البيتادين بعد شو رايكم...

احس جسمي كله يحكني....يمكن لانه سلفر كان شعري وايد يطيح لاني ما حممتها شهر بسبب البرد...بس حممتها من يومين بشامبو بيبي جونسن + سيباميد ضد القشره والحمدلله اليوم ما لاحظت انه شعرها يطيح و رجع ناعم مثل اول...

sisi_moon · 31-03-2009, 11:22 PM

اي احسن لاتاخذين حبووب .. لانه لاحظي بيدخل جسمك وانتي يمكن مامعك فطريات

حاليا حطي من البخاخ والمرهم وحتى مطهر بيتادين مره تماام

بس لاتنسين بكرا روحي للدكتور أحسن .. لانه يمكن مو فطريات يمكن حساسيه