ساعدوني دخيلكم

[elwed 6ab3ey]

مرحبا الساع .. اشحالكم ؟ عساكم بخير؟


انا امسات شارية حوض سمج كبير اشوي واول مره اربي سمج زينة وياهم فلتر دوم احطهم في الماي وحوض عادي هههه خخ

عندي كمن مشكله ..

1 - انا فخاطري اشتري سمج من محل ثاني بس مب عارفه اذا السمج اللي باخذهم بيتأقلمون مع السمح اللي عندي .

2- سألت راع المحل وقالي اكليهم في الاسبوع مره هل هالشي عادي لانيه مب مقتنعه

3- قالي راع المحل انه الفلتر هو بنفسة ينظف الماي بس انا ماعرف يعني لو مر شهر ولى شهرين بدون تغيير الماي هذا عادي ولى لازم انغير ؟


4 - كيف اعرف انه حوضي فيه طحالب ؟

5 - كيف اميز بين السمجة الصاحية والمريضة ؟

6 - فلاش الكاميرا يضر الاسماك ؟



ادري بتعبكم ويايه بس ادريبكم ماتقصرون ... ويامرحبابكم ^-^

[Octopus]

أقرئي ملف توافق الاسماك

[يوسف 2008]

اول شي ايش انواع السمك الي عندك اذا ماتعرفي حطي صورهم

[عـ!شق !لصمت]

اهلين و سهلين و مرحبيتين بيكي اختي العزيزة في المنتدى ..

بالنسبة لجميع اسئلتك موجودة اجوبتها في الموضوع المثبت في قسم سؤال و جواب

موضوع الاسئلة الشائعة ..

و بالنسبة للفلاش ما يضر الاسماك

[Al-Busaidi]

السلام عليكم


[COLOR="Red"]- انا فخاطري اشتري سمج من محل ثاني بس مب عارفه اذا السمج اللي باخذهم بيتأقلمون مع السمح اللي عندي .

مو مشكله تشترين سم من محل ثاني لكن الأهم توافق نوع السمك مع الأسماك التي عندك بالحوض ..

2- سألت راع المحل وقالي اكليهم في الاسبوع مره هل هالشي عادي لانيه مب مقتنعه

هذا يعتمد على نوع السمكة و عمرها .. فإذا كانت السمكة كبيرة و بالغة تقدر تتحمل اسبوع و لكن اذا كانت سمكة صغيرة في السن و فيفضل عدم تركها أسبوع بدون غذاء لان هذا ممكن ان يتسبب في مشاكل عديدة و لا قدر الله يصل الى الموت ..

3- قالي راع المحل انه الفلتر هو بنفسة ينظف الماي بس انا ماعرف يعني لو مر شهر ولى شهرين بدون تغيير الماي هذا عادي ولى لازم انغير ؟

الفلتر يساعد على تنقية الماء من الأوساخ المتراكمة في الحوض و الأمر يعتدم على حجم حوضك و لكن يستحسن تغيير ربع الماء كل أسبوع مع تنظيف الفلتر بنفس ماء الحوض


4 - كيف اعرف انه حوضي فيه طحالب ؟
تظهر الطحالب و يمكنكي رؤئيتها و لتجنب الطحالب يجب شراء سمكة او اثنين من البليكو .. و عدم تشغيل الإضاءة 24 ساعة يكفي 10 او 12 ساعة من الاضاءة ..

5 - كيف اميز بين السمجة الصاحية والمريضة ؟
هناك اعراض كثيرة تظهر على الأسماك و امراض عديدة .. يجب عليكي قراءة بعض المواضيع عن لأمراض

[Ahmed Nasr]

السلام عليكم ..
اولاً مبروك عليكي الحوض الجديد
ثانيا اجوبة الاسئلة :

1 - انا فخاطري اشتري سمج من محل ثاني بس مب عارفه اذا السمج اللي باخذهم بيتأقلمون مع السمح اللي عندي .

ايش نوع كل منهم يا اختى ؟؟

سألت راع المحل وقالي اكليهم في الاسبوع مره هل هالشي عادي لانيه مب مقتنعه

هههههههههه لا طبعا .. هو فيه شئء يقدر يعيش اسبوع بدون اكل ؟؟ ، الاكل بيكون مرتين فى اليوم مرة الصبح ومرة بليل ،، او مرة واحدة فى اليوم بس

الي راع المحل انه الفلتر هو بنفسة ينظف الماي بس انا ماعرف يعني لو مر شهر ولى شهرين بدون تغيير الماي هذا عادي ولى لازم انغير ؟

الفلتر ينقي ، بس برضه كل لما تلاقى المياة تعكرت غيريها

كيف اعرف انه حوضي فيه طحالب ؟

بتلاقيه متعكر وهيك ، لا تفرطي فى الغذاء عشان ما يلوث المياة

كيف اميز بين السمجة الصاحية والمريضة ؟

شوفى هذا الموضوع عن امراض الاسماك : http://www.2zoo.com/vb/showthread.php?t=91907



وشكراً لكى ..

[elwed 6ab3ey]

تسلموووووووووووووون على الردووود والله انكم ساعدتوني اشويه
بس ابا ا بشركم انه شي سمجة ماتت اهئ
والمشكله انا ماعرف انواعم اللي اعرف عنديه 2 من الكات فيش و2 من الانجيل فيش و بعد هذا اللي يسمونه بلديه خخخخ وعندي واحد ايل طوييييل والباجي ماعرف شو اسمهم

وسمجي مخلوطين في الحوض شي كبير وصغير

[الإمـبـراطـور]

اختي elwed 6ab3eyا

يسرنا انك استفدتي من خبرات اخوانك بالمنتدى ..وبالنسبة لاسماك حوضك هل هناك تجانس مابين الانواع خصوصا انك ذكرتي هناك اشياء كبيرة وصغيرة ...راقبي الاسماك عن قربك ولاحظي ان كان هنالك بعض الاسماك المشاكسة يعني تقرض ذيول الاسماك الاخري لان بعض الاسماك لا تتحمل القرض وسرعان ما تموت ففي هذه الحالة انصحك باستبدالها باسماك اخرى او وضعها بحوض أخر لو حبيتي ...ولك تحياتي

[Q8 Sailer]

هلا اختي ..
بما ان انا عندي حوض واروح دايما لمحلات اسماك الزينه ..

هناك 3 انواع من الاسماك بالنسبه لأحواض السمك ..
النوع الاول هناك اسماك شرسه
والنوع الثاني اسماك اليفه أو غير شرسه .. وطبعا ماتقدرين تحطين الاسماك الشرسه مع الغير شرسه راح ياكلون بعض ..

والنوع الاخير اسماك البحر انتبهي لاتاخذين سمكة بحر وتحطينها بماي حلو )

المهم اختي بالنسبه للاكل حسب اللي اعرفه وانا اللي اطبقه كل يومين احط لهم مره فقط لا غير ...

وبالنسبه للماء دايما خليه دافيي .. اشتري مثل جهازي يصدر حراره داخل الحوض .. وان كان الحوض عندج كبير اخذي منه اثنين ...

ومو ملزومه تعرفين انواعهم اهم شي تعرفين الشرس من الغير شرس علشان لا تصير مذبحه داخل الحوض :>

حاولي انج تنظفين الفلتر وان كان الفلتر صغير اشتري فلتر اضافي .. افضل لج علشان تحافظين على نظافة الحوض..

ماء الحوض على حسب كل اسبوعين أو كل 3 اسابيع ووممكن كل شهر يتغير .. على حسب نظافة الفلتر وعدد الاسماك اللي داخل الحوض ...

وانا اللي اعرفه واللي جربته بنفسي واكتشفته ان اذا كان داخل الحوض اضاءه(ليت .. لمبه) طفيها لأنها تلوث ماء الحوض .. (ممكن البعض يقول شلون وغريبه) لكن انا اكتشفت هالشيء من طفيت الاضاءه الحوض دايم عندي نظيف الحين بيصير له اكثر من شهر وريحة الماء مافيها أي شي ولله الحمد ..

واسف على الاطاله يا اختي بس حبيت اشاركج بمعلوماتي واللي اعرفه وان كان في أي خطأ بمعلوماتي اتمنى احد من الاعضاء يصححها لي ..

والسلام عليكم ورحمة الله وبركاته )

[elwed 6ab3ey]

انا بعد عنديه سلاحف بس مب عارفه كم مره في الاسبوع ااكلهم ؟

وفي مشكله ثانيه بعد خخ اسمحولي حشرتكم .. انا يوم احط الاكل حق السمج انا اشوف الكبار ياكلون من فوق بس الصغار تمون تحت فاكيف بياكلون وشو اسوي عسب يوصل الاكل حقهم ؟