$تجربتي$

[كاسكوكيه]

في انتظاااااار عودتك باذن الله ^^

[جـــوي]

هلا اختي كاسكوكيه

بصراحه الموضوع عجبني كثير وفيه فايده كبيره للاعضاء ..كل شخص ياخذ نصيحه من تجربة الثاني

وتجربتي الصراحه كانت مسليه و تعلمت منها الكثير

بسم الله

طبعا اول ما اشتريت النيجيري ما كنت اعرف شي فأخذته وعمره حدود سنتين غير كذا مو مروض وبس يجاعر

كنت فرحان اول يوم اعتقد انه الببغاء مجرد شكل او زينه في البيت بس يوم دخلت بالصدفه

لهذا المنتدى عشان اشوف اكل الببغاء استغربت ان فيه شي اسمه تدريب وترويض!!!

يوم سألت عن هالشيء وذكرت ان طيري عمره تقريبا سنتين الجميع صار يقولون لي

هذا شبه مستحيل انه يتروض ويصير أليف...ولو صار اليف عليك راح يكون صعب يتكلم!!

وقريت تجارب الاعضاء المحبطه عن الببغاوات الكبيره في العمر بس قلت ليه ما اكون غير عنهم

واكسر هالمستحيل واروضه

وفعلا بديت بالترويض رغم انه كسر طبلة اذني بصراخه لكن قلت يا انا يا انت واوريك شغلك

اول شيء سويته اني كسرت شخصيته...كيف؟

لبست القفاز وبدون اي مقدمات قربت جنبه ومسكته وهو يصارخ ..وظليت ماسكه حدود عشر دقايق

ورجعت له بعد ساعه ونفس الشيء

بعد تقريبا ثلاث ايام صرت اقرب منه ما يصارخ بس فيه شوية خوف

قلت الحين لازم امسك راسه..لكن ما كان يخليني وصار جعيره مزعج اكثر من اول

الحين لازم نجهز عتاد الحرب

جبت القفازات ومسكته و نزلته من القفص وخليته بعيد عنه وفي مكان فاضي مافيه غير انا وهو

وصرت امسح على راسه بالقوه وهو يصارخ وظليت على هالحال حدود نص ساعه

تخيلوا النتيجه!!!!

يوم خلصت التدريب ورجعته القفص ..مسحت على راسه بيدي ولا قال شيء

صرت بعدها اذا قربت يدي من راسه على طول ينزل راسه تحت عشان امسح له عليه

انتيهنا من نص المشوار..انتهى الجعير والخوف بس باقي خطوه مهمه كثير!!

كيف اطلعه على يدي؟؟؟

فكرت بطريقة انطرحت في المنتدى اني امسك رجوله بالقوه على يدي

لكن الصراحه خفت كثير عليه لأن مثل ما تعرفون جسم الببغاء ثقيل وارجوله خفيفه يعني لو ثبتها بالقوه

راح يكون فيه ضرر على رجوله

عشان كذا قلت لازم اشوف طريقه ثانيه

وفعلا جات في بالي فكره اللي هي اني امسكه واحطه في زاويه بحيث ما يكون له اي مفر مني

واقرب منه واحط يدي قدامه

في البدايه كان يعض يدي وقطعها لكن صرت احوشه بيدي لين يلصق في الجدار وأخوفه بيدي الثانيه من وراه

والنتيجه!!

طلع على يدي بكل بساطه

كررت هالتمرين حدود 10 مرات والحين الحمدلله يطلع على يدي بس فيه مشكله تواجهني من هالناحيه راح احطها في قسم الاسئله

وبكذا انتهيت تقريبا من ترويضه بس باقي الكلام!!

بالنسبه للكلام كنت كل ما اشوفه اقول له هلاااااااااااااا

وفجأه نطق الكلمه وصار يكررها للحين ويقول بعض المرات كلمات بس مدري ايش هي


خلاصه هذي التجربه والطرق اللي ساعدتني على ترويضه رغم انه كبير في السن:-

-من اول يوم جبته حطيته على الاستاند

-خرجته في الصاله عشان يتعود على الناس

-ما عاملته بقسوه ولا كنت اخلي الاطفال يقربون منه

-أقدم له الاكل والماء بإستمرار عشان يتعود علي

-اصفر له واتكلم معه يوم اكون فاضي

وهذي اعتبرها اهم الخطوات اللي لازم يسويها اي مبتديء عشان تسهل له الطريق للترويض



واهم نصيحه اقدمها لكل المبتدئين

والله مو صعب ترويض الطير اللي كبير في العمر ولا هو مستحيل بس يبيله صبر..شوية صبر وراح تقدر تروضه مثل ما تبي


اتمنى تستفيدون من تجربتي

واعذريني اختي الكريمه كاسكوكيه لأني طولت عليك وعلى الاعضاء بمشاركتي لكن ايش اسوي الموضوع حمسني

الله يعطيك العافيه اختي الكريمه وان شاءالله نشوف باقي المشاركات عشان نستفيد اكثر

تحياتي للجميع




جـــوي

[كاسكوكيه]

برب من البدايه شكلها حلوه التجربه .. يالسه اقراها

[كاسكوكيه]

مااااااااااااااا شاااااء الله عليك

فعلن اهم شي الصبر.. وانك تعامله بهدوء بس في خاطري اعرف كم يوم خذ منك الطير الين تعود عليك؟ من متى وهوه عندك؟

تقدر تطعمه بايدك؟ هل كان مدرب عند حد قبل لا تاخضه؟؟ ولا يديد على الناس؟

فعلن استمتعت وانا اقرا تجربتك

تسلم و مشكووووور لانك خذت من وقتك وفدتنا

[Unbelievable]

أنا أول شي علمته "انه ما يعض"..

ما أذكر من وين لقطت الطريقة من مكان بالمنتدى..

بس المهم:

قطع يدي قبل لا يتعلم ههههههه الطريقة كانت انه اخليه يعضني عشان يحس انه العض ما منه فايده.. :]

كلها 3 أيام و صار ما يعض..

وبعدها على طول بديت بتعليمه المسح على الراس و الوقوف على اليد..

وعلمته يبوس بعد هههههه..

الحين الامور طيبة يتكلم يصعد عاليد ياكل من اليد ومايخاف ومايعض..

بس اللي أريد انجزه الحين ان اخليه يطير ليدي وإن شاء الله بحاول معاه اول ما ينمو ريش الجناح..

لأني قصيت أطراف الريش.. لاتلوموني انا ما جبته من مزرعة كان بري والحين صار اليف 100%..

[كاسكوكيه]

ما شاء الله

بس في شي.. الخوف انه لو كبرو يناحاته يطير =$

يعني الحين حلو انه يوقف ع الايد و هالشي طيب .. ^^

في ببغاءات وايد طارت عن اصحابها من بعد عشرة عمر =(

الله يوفقك امين

[Unbelievable]

المشاركة الأصلية كتبت بواسطة كاسكوكيه

ما شاء الله

بس في شي.. الخوف انه لو كبرو يناحاته يطير =$

يعني الحين حلو انه يوقف ع الايد و هالشي طيب .. ^^

في ببغاءات وايد طارت عن اصحابها من بعد عشرة عمر =(

الله يوفقك امين

مب مشكله.. البيت واسع وأنا بروحي أخاف اطلعه برع يعني بدربه داخل البيت..

[كاسكوكيه]

خلاص عيل نتريا تجربتك عن هالشي ^^

ممكن تحاول هالأفكار في هالفيديو

اول شي لازم تتعلم أمر انها تطير الين عندك... الموضوع طبعن بيكون تدريجي.. وانته معلمنها تركب على ايدك

http://www.youtube.com/watch?v=WKOeW...eature=related

و هاي طريقة العصا...

http://www.youtube.com/watch?v=ufzKF...eature=related

^^

موفق خير

[كاسكوكيه]

و هذا الفيديو بيفيدك واااااااايد لانه هالشي الي انته تريده


http://www.youtube.com/watch?v=86UYX...eature=related

[Unbelievable]

المشاركة الأصلية كتبت بواسطة كاسكوكيه

و هذا الفيديو بيفيدك واااااااايد لانه هالشي الي انته تريده


http://www.youtube.com/watch?v=86UYX...eature=related

مشكورة ^^ جذبني للكوكاتيل شكلي بخذلي واحد ههههه..

هيه صح اتذكرت.. تعرفن مكان فالامارات يبيعون فروخ كاسكو لأن اظن هذ احسن طريقة..