كيف تتفادى هجوم كلب شرس بأقل خسائر

[midonada]

السلام عليكم ورحمه الله وبركاته
الى اخوانى الاعزاء فى المنتدى الغالى
كام واحد منكم تعرض لمحاوله هجوم من كلب
كام واحد نجا وكام واحد اصيب بأصابات طفيفه او دخل المستشفى
لان الكلب دمرة او كان هايقضى على حياته لولا مشيئه الله سبحانه وتعالى
عايزين نعرف ازاى ننقذ حياتنا او حياة اللى بنحبهم لو حصل دى
اولا : هجوم الكلب وصادف وانت معاك سلاح ابيض او اى اداة حادة :
انت واقف وشايف الكلب جاى بيجرى عليك وباين انه هايهجم عليك ويقطعك لا محاله
وانت فى ايدك السلاح الابيض اوعى ثم اوعى انك تخبط الكلب بالسلاح وهوة جاى يجرى عليك
لأن هايحصل كلأتى
1- الكلب هايعضك من ايدك اللى ماسكه السلاح ويوقعه منك وهايبهدلك جامد جدا
2-هاتنجح مثلا انك تخبطه بالسلاح وهوة جاى يجرى عليك بس لازم تخبطه فى قلبه لكن مع جرى الكلب وسرعته مش هاتنجح فى الغالب انك تنشن فى قلبه مضبوط دة لو كنت اصلا عارف فين مكان قلبه وبالتالى هاتخبطه فى حته غلط ودة مش هايوقف الكلب دة بالعكس دة هايجننه الف الف الف مرة وهايقتلك يمعنى هايقتلك حرفيا يعنى مش هايسيبك الا لما يتاكد انك مش بتتحرك
يبقى الحل ايه ونعمل ايه لو احنا معانا السلاح (( الحل كالأتى ))
الكلب وهوة جاى يهجم عليك اديله ايدك يعضها ايوة ماتستغربش اديله ايدك يعضها من تحت الكوع بشويه
وفى نفس الوقت اول مايعض ايدك اخبطه بالسلاح فى المنطقه الى تحت ايدة مباشرة دة هوة مكان القلب
هاتلاقى الكلب مافيش ثوانى وبدء فكه يسيب ايدك ونزل على الارض وهوة بيطلع فى الروح
وبكدة تبقى اتعضيت بدل ما كنت هاتموت او تروح المستشفى
الكلام دة وانت معاك سلاح ساعدك طيب لو مافيش سلاح نعمل ايه ونتصرف ازاى
ازاى نستفيد بأقل الاضرار ومانخليش الموضوع يوصل لا قدر الله لموت او للمستشفى :
هانعمل كالاتى انت واقف تانى وشايف الكلب جاى عليك وهايقطعك وماتستغربش من اللى هاقوله دلوقتى :::: اول ماتلاقى الكلب خلاص قرب منك نام على الارض ايوة والله العظيم مش بهزر نام على الارض اكيد طبعا الكلب هايكمل هجوم عليك بس لاحظ انه فى الوضع دة الكلب هاينزل رقبته لتحت عشان يجيبك ويعضك ساعتها انت هاتمد ايدك لفوق وتمسك رقبه الكلب ايوة امسك رقبه الكلب وحاول بقدر الامكان انك ماتبصش فى عينه لان دة بيعتبر تحدى والكلب هايزيد فيها طول مانت باصص فى عنيه وافضل ماسك رقبته طبعا هوة هايخربشك بمخالبه لكن بينك وبين نفسك كدة الخربشه ولا العض وحاول تيبت على الوضع دة بقد الامكان لغايه لما الكلب يزهق او لما يجى حد وينقذك .
ويارب الموضوع دة ينقذ يعض الناس من بعض الكلاب المسعورة والمتوحشه وشكرا
اخوكم محمد فكرى ابو ندى