اي نوع من القطط الذكور هو الاقل برش البول ؟

[Lonely Hunter]

السلام عليكم

حبيت اسئل عن القط الذكر ...

اي نوع منه اهو الاقل احتماليه برش البول ؟

الشيرازي البيكي مثلا ؟!!

ام النرويجي او الانقورا او السايمي او...الخ

[رعوود]

انا اقولك

الذكر الي اقل يرش بول

هو الذكر المخصى

لوووووووووووووولز


والله خيو يختلف من ذكر لذكر حتى لو هم نفس النوع

اعرف ذكرين كلهم هملايا بيكي بيور واحد بالعافية يرش والثاني مثل الرشاش


خخخخخخخخخخخخخخخخ


وان شاء الله لو فيه معلومة اكيده يفيدونا البقيه

[Lonely Hunter]

لوووول

هذه المشكله XD

الحل بالخصي و انا ابيه يحمل النثيه اللي عندي بالمستقبل

منها انه يكون لها رفيق تستمع بصحبته و منها اني اضمن صحته و نظافته بدال ماييبلي ذكر من بره مادري شنو الامراض اللي فيه

انزين بسئل سؤال ثاني ....شلون صايره ريحة رشه ؟_؟

قويه حيل ولا فقط مزعجه و شوية تنظيف يوخرها ؟

[رعوود]

والله شخصيا زي ما قلت لك

ذكور مستحيل ادخلهم البيت

اكرهم

التزاوج اوديها عند حدا ربعي الي عندهم ذكور

وافضل لح تشوفلك حدا ربعك عند قطو ذكر ومتى ما بغت قطوتك تتلقح وديها عنده او جيب الذكر عندك

[Lonely Hunter]

هذه مشكله ثانيه ....

محد من ربعي عنده قطه او قط P:

يمكن بس اعرف واحد من المنتدى عنده ذكر

بس ابي يكون عندي انا الذكر ....عرفت شلون ^^

على شان يكون حسب المواصفات اللي ابيها

قط ذكر بيكي ابيض خمووووووول مايتحرك الا بالموت P:

و متبتب

على شان يريحني من شطانته ..... يخليها للنثيه (;;^^)

[نوني]

والله الريحه شويه عليها قويه انا قطوي سواها في المجلس واهلي مو عارفين من وين الريحه وانا طبعا ساكته ماقلتلهم ههههههه طلعو الكنب غسلووه وكل شي سووه والريحه مازالت موجوده وقويه مرره بالاخير اكتشوو انه ريحة الله يكرمك بول قطوي وعطوني تهديد بالطرد


ماادري الحل الوحيد لعدم الرش هي وجود الاناث


انا ماقول الا الله يكون بعون اللي يربون اكثر من ذكر

[Lonely Hunter]

المشاركة الأصلية كتبت بواسطة نوني

والله الريحه شويه عليها قويه انا قطوي سواها في المجلس واهلي مو عارفين من وين الريحه وانا طبعا ساكته ماقلتلهم ههههههه طلعو الكنب غسلووه وكل شي سووه والريحه مازالت موجوده وقويه مرره بالاخير اكتشوو انه ريحة الله يكرمك بول قطوي وعطوني تهديد بالطرد


ماادري الحل الوحيد لعدم الرش هي وجود الاناث


انا ماقول الا الله يكون بعون اللي يربون اكثر من ذكر

لوووول

الله يعينج عيل .. انا خوفي من هالشغله ...الطرد

النثيه و بالغصب رضوا عنها

الذكر اهوه البلوه .. انا عندي نثيه بس مادري اذا كان وجودها بيمنع رشه

فحبيت اتأكد من تجاربكم

[f2me]

شف اخي الكريم انا عندي ذكر والكثير من الاعضاء شافوا صورة بالمنتدى

هو هيمالايا شكلت بوينت بس ماخذ من السيامي اكثر الشكل والذكاء وكل شيء ماعدا الوبر كثيف .

من يوم ربيته ال اليوم عمرنا ما شكينا من الرش الا في بداية تربيته مرات قليلة وكل ما سواها طلعناه برى بالحوش ومن بعدها ماعاد رش ابداً له الان تقريباً اكثر من 5 شهور من توقف الرش واذا قلتلك انه عرف انا بنتظايق من رشه يمكن ما تصدق

بس فيه شيء حكاية خمول هذي شلها من راسك هههههههههههههه

السيامي مجنون لعب وشقاوة وبيطلع الشيب براسك من كثر حركته

[Lonely Hunter]

المشاركة الأصلية كتبت بواسطة f2me

شف اخي الكريم انا عندي ذكر والكثير من الاعضاء شافوا صورة بالمنتدى

هو هيمالايا شكلت بوينت بس ماخذ من السيامي اكثر الشكل والذكاء وكل شيء ماعدا الوبر كثيف .

من يوم ربيته ال اليوم عمرنا ما شكينا من الرش الا في بداية تربيته مرات قليلة وكل ما سواها طلعناه برى بالحوش ومن بعدها ماعاد رش ابداً له الان تقريباً اكثر من 5 شهور من توقف الرش واذا قلتلك انه عرف انا بنتظايق من رشه يمكن ما تصدق

اي شفت صورته .. الله يخليه لك ^^

يعني بتجربتك انك قدرت انك ادربه ان مايرش ....nice

بس فيه شيء حكاية خمول هذي شلها من راسك هههههههههههههه

السيامي مجنون لعب وشقاوة وبيطلع الشيب براسك من كثر حركته

انت النوعيه اللي عندك نشييطه(مون فيس)...... اما البيكي

خموول

[نوني]

بس مو معقوله الانثى مسكينه كل شوي حامل وتولد مهما كان بتتعب

الذكر مشكلته يطلب التزاوج على طول


اذا تبين نصيحتي لاتجيبين ذكر لان مشكله الاهل راح يتضايقون وبالاخير بتوصل انك تطلعينه من البيت وانتي متعلقه فيه وعندك حل ثاني انك تخصينه