باركولي .. واخيراً والحمد لله

[หลห๑]

بسم الله الرحمن الرحيم
السلام عليكم ورحمة الله وبركاته اعضاء وزوار المنتدى

وأخيراً أمس اشتريت جوز الروز الخاص بي الحمد لله شكلهم طيبين صح اصغر مما توقعت بس ماشي
سمعت بنصيحتكم ليا واخترت جوز منتج ومعاه بيضتين مرااا صغار كأنها بيضت زيبرا قد الظفر وحسيت
انوو غش عليا وحاط لي بيض زيبرا من كتر ما هيا صغيره .. على العموم ركبت الروز في مكان وحابــــه
أوريكم هواا

حاولت يكون في شمس كفاية واتفاع عن الارض كويس وخصوصاً انو القطة رايحة جايه تشمشم فيهم
والقفص حقهم ما شاء الله كبير اكبر من حق الكروان حقي وعشهم اللي فيلو البيضتين كبير برضو قد
حق الدره او اصغر شوية

اضن انوو مو لازم اغيروو لهم بحكم انهم انتجوو فيلو ان شاء الله ادا كان الراجل صادق في كلامه يا رب
وابغا اوريكم صورة البيض حق الزوج زحده انكسرت عند الرجال والثانيه لا سليمه واتوقع كلهم ممكــن
يفسدو لانو مع النقل اتخضخضو لين قالو بس

اتوقع انها صغيره بزياده صح ؟؟ الرجال قال انو هذا اول انتاج للزوج وقال عشان كدا البيض صغير ولاحظة
انوو الزوج مجمع قشور دوار الشمس كعش يعني مافي سعف نخيل فأضفت انا سعف غسلتوو مزبوط
وقصصتو نحيف وقصير شوية وحطيتو في ركن القفص .. صح اللي ساووتو ؟؟
واخيراً الزوج ما شاء الله ألوانهم كويسه بس مراا خوافين وادا شافوني من بعد عطول دخلو
العش وما اكلوو إلا قليل وما شفت غير الذكر يشرب مويا على السريع .. وقلت اكيد طبيعي زي باقي
الطيور بس كانو هم بزياده اكتر من الكروان
ودي صوره لهم .. ما شاء الله تبارك الله ..

الذكر الاخضر والأنثى البيضة
وآسفه على الإطالة بس حبيت اشاركم فرحتي

[أسيــــر]

الف مبروك الجوز تتهنى فيهم
ملاحظه
جوزمنتج بمعنى انه انتج وتم فقس وحضن الفروخ سابقا
حبيت اوضح لك للاستفادة عند شراء اجوز اخرى
واذا حصل ان البيض خرب ولا يحضنونه يفضل تغيير العش واظافة خصل النخيل وهم راح يصفونه من جديد
اسئل الله ان يبارك لك في الجوز وتشوف انتاجه

[jaree7]

يسعدني اني ارد عليك ..


ماشاء الله .. الله يبارك لك ياغالي ..

راح يكون ان شاء الله اتناج مميز ..

ان شاء الله نشاركك بالفرحة عند التفقيس ..

حاول اعطائهم انواع الفاكهه .. وعظم الحبار لزيادة انتاج البيض ..

[หลห๑]

الله يبارك فيكم اخوتي
اخي .. اسير هل تقصد بتغيير العش تغيير القش ولا كل العلبه الخشب
اخي .. Jaree سأعمل بنصيحتك ان شااء الله من الغد وسوف اشتري عظم الحبار بس هل يفسد هذا الطعام في فتره قصيره ام له مده صلاحيه طويله

[أسيــــر]

عفوا
القش هو المقصود بعد التنظيف والتاكد بعدم وجود حشرات
وبنسبه لعظمة الحبار لاتوجد صلاحية لها

[หลห๑]

مرااااا شكرا اخويا العزيز اسير
وانا نعم لاحظة وجود نمل يحوم بالقرب من اقفاص طيوري وانا باشرة التخلص منهم بس خفت ابخ عند الروز فقررت ادور طريقة ءأمن من المبيد

[روّيشد]

السلام عليكم
ماشاءالله الألوان مميزة
و الله يبارك لك فيهم و ان شاءالله تشوفين انتاجهم

[หลห๑]

مشكور على مرورك العطر
من بؤك لباب السماء يا رب >> ^_^

[عاشقة قطوتها]

ماشاء الله جدا حلوووين الله يخليهم لك ..

بس عندي سؤال / القفص مرتفع مره كيف تهتمين فيهم يعني تعطينهم اكل وكذا !!

[หลห๑]

اسعدني مرورك اختي عاشقة بستها
لا القفص باين في الصورة انو مرتفع لكن ارتفاعه حوالي المتر والنص أو اكتر شوية .. وانا مني قصيره لدي الدرجة يمديني أوصل بسهوله للمويا والاكل بس عشان أوصل لباب العش الي فوق لازم اجيب الكرسي >> ^-^
وشكراً لكي مجدداً