اشترك في نشرتنا البريدية ليصلك كل جديد

GUAN YU 2 · 03-09-2009, 05:17 PM

السلاام عليكم

مره كنت امشي في الشارع لقيت 4 قطط توها مولوده
صغيره جدا اخذتها ورحت بيتي اشربهم حليب
وانا ما عندي الا خبره عاديه في القطط
علموني كيف اتعامل معاهم انا الحين ما عندي مشكله اشربهم عادي
بس انا متردد ما في شي ثاني اسوليهم
دخلت المنتديات ومكتوب اعطيهم عسل هل هذا صحيح
ودخلت منتدى ثاني مكتوب اعطيهم حليم من محلاات الحيونات خاص للقطط هل هذا له اعراض
جانبه وهل يضر بالقطط الصغيره
والحمد لله الحيم وحده فيم تقدر تمشي شوي
ويحبوني اول ما اجي عندهم يصارخون ولا يسكتون
وانا اكتب الموضوع الحين اسمع اصواتهم
انا الحين ما اسميهم قطط شوارع يمكن لهم فصيله
اشكالهم حلوه
وعندي سؤال اخر ريحتهم بالعربي ليست طيبه عادي اروشهم ولا غلط
واذا ابغى اطعمهم لازم كم اعمارهم ومتى اعطهم اكل بدل الحليب
عندي اسئله كثيره اعطوني ملخص لتربيه القطط الصغيره

وشكرا...

Luis · 03-09-2009, 07:15 PM

مرحبا اخوي جوان يو..شخبار ليو باي..^^>>أمزح

بالنسبة للقطط الصغيره..يوجد موضوع مثبت بنفس القسم..

ورح أفيدك باختصار..

القطط بهالعمر تحتاج حليب الأم..ويمكن انك تجيب حليب قليل الدسم

مخفف بشوي مويه..وتعطيهم اياه بالشفاطه (مالت الأدويه للأطفال)

وتحط على راس الشفاطه قطعة أسفنجيه..>>السدادة السوده مالت كفرات السياكل اذا تعرفها..

وتنظفها وتغسلها كويس..وتحطها على راس السرنجه (الشفاطه) .. وما تضغط عليها عشان ينزل الحليب بسرعه..!!

خلهم هم يشربون على راحتهم..واذا خلصو..جيب فوطه صغيره مبلوله بمويه دافيه..وامسح منطقة الاخراج (مؤخراتهم)

عشان هالشي يساعدهم على التبول بعد الشرب..وكذلك امسح على بافي الجسم..اذا الفوطه نظيفه

عشان تنشط لهم دورتهم الدمويه..وبالنسبه للتغذيه اربع مات باليوم تقريباً..قسم الاربع مرات على اليوم

بالتساوي..وبالنسبه للأكل العادي..اذا هم توهم صغااار وتوهم مفتحين عيونهم او توهم يمشون..اصبر عليهم

شهرين كذا..عشان تتأكد..ويكونون مفطومين بعد الشهرين..كذلك التحميم (الترويش) يكون بعد شهرين..لأن

الحين بهالعمر ماراح يتحملون الماي على اجسامهم..عشان أي لفحة برد بتموتهم..

نسيت شي بالنسبه للحليب..اذا فيه عندك محلات قريبه للحيوانات..شوف اسئل البائع اذا عنده حليب

للمواليد..وقل له يعلمك كيف تطعمهم وكم تحط لهم بالرضاعه اللي تطلعه مع الحليب...وموووفق ان شاء الله..

! هاويه الطيور ! · 03-09-2009, 07:18 PM

عليكم السلام ،،

تفضلي هالموضوع مكفي وموفي

http://www.2zoo.com/vb/showthread.php?t=98294

واختاري الحليب المخفف وقليل الدسم
ويكون دافي
وكل ساعتين او " 3 " ساعات رضاعه لهم

اقتباس:

وعندي سؤال اخر ريحتهم بالعربي ليست طيبه عادي اروشهم ولا غلط
واذا ابغى اطعمهم لازم كم اعمارهم ومتى اعطهم اكل بدل الحليب
عندي اسئله كثيره اعطوني ملخص لتربيه القطط الصغيره

يتم مسح القطط الصغيره بالقطن ومكان الاخراج
لانه سنهم صغير ومناعتهم ضعيفه
لانه لو امهم موجوده كل شويه تلعقهم وتنظفهم

يبدا العمرّ الاكلْ من الاسبوع الرابع تقريبا تبدا تتذوق لكن من دخلوها السن الاسبوع الخامس

تبدا بالاكل وبتم تقطيع الدجاج الي قطع صغيره جدا واعطاءهم جبنّ مثلث

وجزاكِ الله خير

Octopus · 03-09-2009, 10:09 PM

الواضح أنها تسمى بالقطط بلدي أو محلي

و أنت دور في نفس المكان الذي وجدته فيه الصغار

يمكن تحصل أمهم

لان غالبا الام يمكن تحصل على الاكل وترجع نفس المكان الذي تركت فيه الصغار

و لو ما لقيت الام تقدر تربيهم سيجزيك الله في أنقاذهم و سيكون ذلك عند الله

GUAN YU 2 · 03-09-2009, 11:15 PM

ياهاويه الطيور انا ولد اقسم بالله انا ولد ليه ما تصدقون من يوم سجلت في هذا المنتدى يحسبوني
بنت لاحولا ولا قوه الا بالله عالعموم ذكرتكم

بالنسبه للصغار لو ما اخذتهم كانو بيموتون حتى لو عندهم ام امهم ما اهتمت فيهم

اخوي Luis لو قلتLUBU احسن خخخخخ

Octopus · 03-09-2009, 11:36 PM

و اصلنا هذه القطط تسمى ببالقطط البلدي وهي محلية