@@@ساعدوني في الكاسكو @@@

[رحّال]

السلام عليكم ورحمة الله وبركاته

عيدكم مبارك


كل عام وانتم بخير وصحة وسلامة

انا اشتريت الببغاء الا فريقي "كاسكو " من ثلاثة ايام الصراحة الطير حلو ومرتب واليف ويطلع على

اليد ولا يعض ابد لكن فيه جعرة واحس انها كل يوم تزيد عن اليوم اللي قبله ما ادري وش اسوي فيه


والطير كل يوم يخاف اكثر واكثر ...



نبي رائيكم ومشورتكم الله لا يهينكم ..

[lilio]

وعليكم السلام ورحمة الله وبركاته ..

مبارك علينا وعليك وكل عام وانت بأل صحه وسلامه ..

الف مبروك عليك الطير والله يخليه لك انشالله ويتربا بعزك ..

اخوي اعتقد انك حاطه بمكان فيه ازعاج او غير هادي من يوم ماجبته ..

حطه بمكان هادي لمدت يومين وكل يوم اعطيه الاكل والموي واجلس

قدامه شوي وخلي حركتك معه بطيئه يعني لاتحرك يدك بسرعه قدامه وزي كذا ..

بعدين طلعه من المكان الهادي لأي مكان يكون فيه ناس ولا زم تقعد معه كل يوم

حتى تبدأ تخف الجعره وابدأ بعدها في التدريب معه بالطلوع على يدك لأن اذا طلع

على يدك بتروح الجعره بسرعه انشالله وغيرها من التدريبات ..

تقبل احترامي وتقديري ..

يمكن يكون فيه خطأ في كلامي انتظر غيري يفيدك اكثر ..

[رحّال]

الف شكر اخوي على المعلومات ,, لكن الطير ير قى على اليد ومع ذلك يجعر

[lilio]

استمر معه كذا وخله كل يوم على يدك واقعد كلمه

وحاول تأكله من يدك ولاتحرك يدك بسرعه معه عشان مايخاف او يكون احد يخوفه ..

اذا كنت مطبق الكلام هذا من قبل فإنتظر الافظل مني يرد ..

[naasooh]

ما دام أنه أليف حاول أنك تعطيه من أيدك ألأكل ألي يحبه وبنفس الوقت كلمه
و
ألعب معاه و أمسح على جسمه ورأسه

وأنشاء الله ما كو ألا الخير

[عاشق البغبغان]

طيب متى أستطيع أن اقول أن بغبغائي أليف

["مجرد علامة"]

كل عام وانتم بخير


اتمنى لو انك تصبر على الطير شوي دامه عندك 3 أيام بس

تغيير المكان عليه وكذلك الأشخاص غريبين اول مرة يشوفهم


خله بدون ازعاج كم يوم وراح تشوف ان الجعرة تخف





يارب عفوك

[محمد الجيلاني]

انا من رايي ان تضع الببغاء خارج قفصه على ستاند طول فتره الصباح و ان تضعه في القفص في المساء سوف تجد ان الجعره سوف تخف كثيرا عندما يكون على الستاند مع جعل اهل البيت كلهم بدون استثناء اللعب معه وهو على الستاند ستجد ان الجعره سوف تتلاشى من اول يوم تضعه على الستاند لان الطائر يرى حريته دائما خارج القفص مع بقائك انت تحديدا بجانبه وعند وضعه في المساء داخل القفص ستجد ان الجعره موجوده ولكن بصوره اقل مع الانتباه بان لا تضع القفص او الطائر على مستوى قريب من الارض لان هذا سوف يوتره كثيرا ملاحظه لا تدع الغرباء يخيفونه بل يلاعبونه وان لا يلبسون القبعات او يضعون النضارات