كيفية تدريب القطة على الحمام

[امونــة]

السلام عليكم ورحمة الله وبركاتة

اقتنيت قطة من اسبوع وهي عندي لطيفة ونعومة وهي انثة مريحة كثير ولدتها امها واخذها جرنا رباها لي لين كبرت اشوي واعطاني اياها عمرها اعتقد 9 اشهور سميتها دودي ولا ادري يناسبها ولا
وقلت ابغى اوديها للبيطري حتى يعطيها لقاح حتى ماتصاب بل امراض بس عندي اسئلة وابغى عليها اجابة
1- كيف ادرب قطتي على الحمام
2- هل يوجد لقاح يمنع الحمل الى الابد لاني مابغاها تزاوج ولا تحمل وهل في ضرر عليها

وجزاكم الله خيرا

[آنـــــو]

وعليكم السلام ورحمة الله وبركاته

هلا آختي ومبروك عـ القطوه تتهنين فيها آن شاءالله

1- كيف ادرب قطتي على الحمام

سؤالك مش واضح !!

كل القطط من فطرتها تعرف تسويها بالمكان المخصص تحفر وتدفن بدون تعليم ولا تدريب ,,

الا لأسباب نفسيه آو صحيه تسويها برا الحمام ..

لو قطوتك ماتسويها بالحمام فـ الأرجح السبب لأنها جديده على البيت

فـ خلي حمامها قريب منها هالفتره وتدريجياً غيري مكانه ومع الوقت بتحفظ البيت وتتعود عليه

وتعرف وين مكان حمامها بدون مساعده

وتفضلي هالموضوع فيه جميع الآسباب اللي تخلي القطط مايقضون حاجتهم بالليتربووكس والحلول ..

http://www.2zoo.com/vb/showthread.php?t=107465

2- هل يوجد لقاح يمنع الحمل الى الابد لاني مابغاها تزاوج ولا تحمل وهل في ضرر عليها

آيوه فيه بس للأسف آضراره على القطط كبيره يسبب التهابات وصديد بالرحم

.
.

[Ava]

ما شاء الله أتوقع انو كفت و وفت بأجوبتها

لكن حبيت اجاوب على هذا السؤال

2- هل يوجد لقاح يمنع الحمل الى الابد لاني مابغاها تزاوج ولا تحمل وهل في ضرر عليها

في غير اللقاح عملية استئصال الرحم , و أعتقد قطتك بما ان عمرها 9 شهور يعني بلغت و تقدرين تسوين العمليه , بس اذا نويتي تسوين العمليه اتمنى تكوني متفرغه لها و تكون غرفتك دافيه لان العمليه فيها غرز و يبيلها مكان ما فيه بلاط ..

و أخيراً مبرووووك , و ننتظر صورها

[OUT]

بالنسبه للحمام وديها لرمل وخليها تعرف مكانه وهي بتعرف انو حمامها

وبالنسبه للحمل

فيه ابره تمنع التزاوج كل 6 شهور يمكن تفيدك اكثر من العمليه لأضرارها المستقبليه

ومافي لقاح يحمي القط من الأمراض

فيه تطعيم لأمراض خطيره للقط هو الي تقصده

لاكن امراض العاديه زي الأسهال و السخونه والبرد لها علاجها الخاص وهو بسيط

بعدين مافي احلى من قطتك لما تحمل وتجيب كتاكيت صغار