المهم نشوف بعض الصور لـ شـرقاوي وهو داخل البدوك .
طبعـاً اول صورة موضوع عملية التودد للفـرس قبل الدخول .
وهنـا عملية تشجيع الفرس وتحمـسها .
وهنا ماشاء الله بدون تعليق .
وهنـا عند تهـدئة الفرس ولمسـه ساحره من اخونا شرقـاوي
يعني وقت رومنسية بين الفرس والفارس الله عليك ياشرقـاوي الله عليك .
طيب والأن بوريكم كم صوره ابـدااع بصـراحه انا شفتهم شيء عجيـب ماشاء الله .
الي اقوله الي سواها مبدع .
بس من جد الهـواية هـذي عشق لن ينتـهي بصراحه حتى الجدران ماسلمت من شرقاوي ..
شوفو انتو و احكـمو .
لا تعـليق بصراحه شيء قوي .
بصـراحه شيء مبـدع ومـاخفي اعضـم .
طبعـاً في سالفه بقولها لكم
اخونـا شرقـاوي جالسين مع بعض ومروقين وصلينا المغرب الا والأخ قال بومحمد عندك شيء .
حسيت في شيء انا جاي عنده يقول عندك شيء شنو عندي يعني .
بس نضراته كانت تخوف شوي .
وتمنـت وقتـا يكون معي سلاح قلت يمكن يبينا نغزي منطقه عندهم ولا شيء يمكن هذي طبايعهم في الأحسـاء .
المهم قمنـا ورحنا كم سيـارة ووصلنا لمكان كله كراسي وعـالم ونـاس وزحمه .
الا اقـول حق شرقـاوي شنو هذا المكان شنو السالفة .
ضحك ضحكه قوووويه قال يابومحمد هـذا مزاد خيول . قلت الحمد الله وضحكت ع نفسي بصراحة .
المهم الرجـال شوي وقلب مره ثانية وتحمس ويقوم ويروح لمربط الخيول في الخلف ويرجع مره ثانية .
اقول شفيه هـذا لا يكون نفسية ولا شيء الله يستر .
شوي اقوله انت شنو سالفتك شفيك قال ياخي الي في راسي قلت له شنو .
قـال ابي ادور لي فلوه حلوه بس ماحصلت وفلوسي في جيبي انتظر شيء زين .
قـلت بس هذي السالفة .
وانا افكر الجيه كانت لي انا ويبي يوريني طلع مو صوبي .
ولا حصل الي يبي .
وانا بدوري صورت لكم كم صورة بس مع الأسف صورت واجد بس ماتوضحو الا كم وحده .
طبـعاً المزاد كان حلو وكبير ويتكون ع تقريباً 40 راس وهذا قليل طبعاً لمزادات الأحساء .
طيب اوريكم كم صورة من الواضحين .
طيب الأن وبعد ما شفنا الصور والبعض من المعلومات انا سألت مشرفنـا الغـالي .. كم سؤال لتعرف عليه اكثر والحين بطرحه لكم .
اولاً الكثير ماعرف العمر ..؟ انا اقول لكم السبب .
هو رفض رفض تـاااام انه يقول عمره ليش ياشرقـاوي قال بس ما ابي ابوح بعمري .. حاولت وحاولت بس مافي فايده .
طيب سـ/ مـاذا يعني لك 2zoo ..؟
جـ/ توزوو هـو اسرتي الأخرى حيث اجد فيه الأب والأم والأخ والأخت وقد وجدت فيه الجانب الأخر من حيـاتي .
سـ/ طيب مـاهي الشخصيه التي تعجب شـرقـاوي في هـذا المنتدى ..؟
جـ/ سكت شوي وقال كلهم .. قلت له ادري بس ابي اسم لـشخصيه يعجبك عمله .. قـال jameel2006 > واااو .
سـ/طيب ماهي الشخصية التي لو لم تكون شرقـاوي اردت ان تكون هو ..؟
جـ/ بصراحه احب ان اكون انا كما انا .. وامتثل بـ شرقـاوي وبس .
سـ/ طيب شرقـاوي ماهي طموحك ..؟
جـ/ يوجد لدي الكثير من الهوايات ابي اخوضها يعني ما اقدر ارد الحين ..
سـ/ طيب ماهو الحيوان الذي تعلقت به بقوه ..؟
جـ/ طبعـاً الخيل .. هـذا سؤال يبيله اجابه يابومحمد وهو زعلان .
قلت طيب شدخلني هـذا سؤال اطرحه الأسطورهـ مو انا يه ..
سـ/ ماهي الأمنية التي اردت دوماً تحقيقها والى الأن لم تحققهـا ..؟
جـ/ هي ان امتلك حديقة حيوانات .
سـ/ شرقـاوي ماهي اهدافك بـ التسجيل في منتدى 2zoo ..؟
جـ/ انا بقولك بصراحة انا دخلت لأمارس هوايتي وبعدها تطور الوضع واصبح حب الأفـادة للأعضـاء .
سـ/ طيب شرقـاوي شفنا لديك عدة خيول ماشاء الله ممكن نعرف كم اعلى سعر لخيل ملكته ..؟
جـ/ امممم بصراحه اعلى سعر وصلت اليه هو 70,000 ريال .
سـ/ انا شدني سؤال من اختنا ومساعدتنا في قسم الخيول Nuha وهو كيف ترى قسم هـواة الخيول
بعد سنـه من الأن ..؟ جاوب ياشرقـاوي انا يهمني الأجـابه شخصيـاً اكثر من أي شخص ..؟
جـ/ بأذن الله يكون في تطور والى الأفضل .
سـ/ سؤال اخر من مساعدتك .. ماهي اليد التي تعتمد عليها اثنـاء الكتابة ..؟
جـ/ الأثنتـان ..
سـ/ طيب كمل جميلك وجاوب ع السؤال الثالث على مساعدتك في القسم وصدقني لو كانت طرحت اكثر من 3 كنت بطرههم عليك
مو يقولون الأقربون اولى بالمعروف .. وهقته .السؤال
هل تؤمن بـهذي العبـارة ( سمي الأنسـان انسـان لأنه ينسى ) ..؟
جـ/ اؤمن وبشـدة بعد .. قاله وهو متحمس ع فكرة ..
سـ/ ممكن نعرف موقف حديث حصل لك من خلال تربية الخيل ..؟
جـ/ بصراحة الي اقدر اقوله اني حصلت ركله في منطقة البطن وكانت مؤلمة جداً جداً .
والحمد الله انا في احسن حـاال .
طيب ياجمـاعة قبل لا نختم الموقف انا بقول لكم افضل موقف وحصل امـامي بصراحه لأخـونا شرقـاوي .
و ادري انه بيذبحني اني ذكرته وهو :
كنا راكبين الخيول وطالعين نتمشى وكان الوضع حماس والحمد الله وفجـئه مر من قدامي شرقـاوي .
وانا الي اضحك اضحك مت مت من الضحك و وقفت الخيل ورجع لي يقول شفيك .
ماقدرت اقول له وانا ميييييت من الضحك و ااشر له اقوله دور شوي ويقول لي بومحمد شفيك سلاماات ..
ونزلت من الخيل لأن ضهر وجعني من الضحك وشوي واحد من الزملاء قال حق شرقـاوي .
شف وراك السروال اتمزق ..
انا بعد كذا ما اذكر الا وانا ادمع من الضحك .
وهو شاف الموقف وطاح معي يضحك ويقول الله يرجك لا تفضحنا اسكت ..
طبعاً انا اسجل عشان توزوو حبيبي ..
واتمنى يعجبكم الموقف الحلو هـذا .
دقيقة في ثاني لواحد من الزملاء عمل اكشن حلووو قدامنا و ارجو انه يعذرني اني ذكرته لكم .
اكيد شرقـاوي بيموت من الضحك اذا ذكر الموقف هـذا .
في نفس الطلعه في جبل حبينا نتعدى الجبل هـذا بس المشكله يوجد منحدر من الجهه الأخرى من الجبل .
فـ طلعنا وكان في الستكشف تبعنـا قدام المهم اسرع بـ الخيل و وصل للقمة وشوي الا الرجال نزل بسرعه .
ماقدر يهدي السرعة في الوقت المناسب .
وفجئه وهو يطيح من الخيل ليييين اخر المنحدر والا في عوايل جالسين ولا هو جمبهم وقف بسرعه ورفع ايدينه .
وقـال خيال خيال ماعليكم .
ردت عليه حرمه عجوز قـالت اي هين بس صارلك شيء ياولدي ..
لف علينا وقال مسكو الفرس لا تروح ورجع يركض كأنه مافي شيء .. هههههههههههههههاااي .
طيب الأن بعد ما عرفتو شخصية مشرفنـا وقبل لا اختم بوريكم شيء اخر وهو .
عملية استعراض للخيل اثناء الوقوف والنزول ..بس بدون زعل مالحقت اصور ..
وهنـا طبـعاً اختم صوري و اوريكم قمة الولع بـ تربية الخيل لأخـونا شرقـاوي لدرجة اني سرقت جواله وصورت لكم الخلفية ..
والأن ارجو انني قدرت ان اصل الى رضـاكم لما طرحت وشكر خـاص لأخونا شرقـاوي لتـعاونه معنـا .
واشكره لوقته الذي قضاه معنا وكانت استضافتي عنده لمدة يومـان والحمدالله كانت من احسن الأيام التي مرت علي .
وكان تغيير ولا اروع .
والان اترككم مع هـدية صغيره لأخونا شرقـاوي وهي عبـارة عن فيديو وهو داخل البدوك .
وقبل ذلك اشكر مساعدتنا الأخت Nuha على مساعدتها لي في هـذا الفيديو الجميل .
واليكم الفيديو .
مع التحية و انتظروني مع شخصية جديده ..