الغزعة يا أخواني كرواني شكله مريض

[كلاسيك]

السلام عليكم

أخواني الغزعه الله يرضى عليكم

تكفون الله لا يهينكم جاوبوني

توني أمس شاري كوكاتيل ذكر عمره 6 مدري 8 شهور

هو قاعد في غرفتي وأنا مقصر ع المكيف لأخر حد وفاتح الشباك عشان ما يمرض
بس توني شايف في الحوض لقيت الله يعزكم برازه لونه أخضر و أبيض و بعد في منقاره شي أخضر شكله نظف نفسه و وسخ منقاره و انا قد قريت انه إذا صار لونه أخضر معناته مريض و أنا يا أخواني ما أفتح المكيف إللى إذا جيت انوم وهو طول الوقت مسكر فمو معقول انه في يوم يمرض من مكيف مقصر عليه و الله يا اخواني أني ميت حر كله عشانه
مشكلني أني ما أقدر أطلعه من غرفتي تعرفون الأهل الله يحفظهم ويطول في عمرهم رافضين فكرة طير في البيت بس تكرما نهم لي سمحولي

ع العموم قولوا لي وش معناته هذا الكلام هل معناته انه عشان تغير عليه المكان قام مرض
ولا حقيقه هو مريض عشان المكيف ؟

الله يعطيكم العافيه جاوبوني بأسرع وقت

أخوكم : كلاسيك

[al-maystro]

والله لم تصل درجة خبرتي في هذ الموضوع للشي الكثير ولكن اعتقد ان كل البراز خليط مابين الابيض والاخضر ومدري انا عندي برازهم (كرمكم الله) لونه اخضر

يعني مااعتقد ان فيه مشكلة

[أبوعــــــــامر]

السلام عليكم ورحمة الله
اخي العزيز

اولا بخصوص لون البراز , المقصود ان يكون سائل أخضر , فهذا معناه ان لدى الطائر اسهال ويجب علاجه سريعا اما اذا كان البراز جامد فلايوجد لديه اسهال

اما بخصوص المكيف , فالاهم من البرودة ان لاتضع الطير في وجه المكيف , وان لايكون في مكان تيار هوائي , اما بخصوص البرودة , فيمكنك وضع لمبة في اعلى قفص الطير لتدفئته ,

[كلاسيك]

دكستر
شكلك يا خوي فاهم ما شاء الله عليك
المهم الأسهال جا من وش يعني هو جا من المكيف ولا من كثرة الأكل مع انه ما كل واجد والله
طيب وش السواة وش اعطيه عشان يروح الأسهال
و على فكره وشلون أنظف الآثار الأسهال من على جسمة ولا مع مرور الوقت بينظف ؟

تكفون ساعدوني

مشكورين و ما تقصرون

[مشاغــب]

هلا والله كلاسيك


اخوي الف مبروووك على الكوكاتيل الجديد وتربى في عزك


اخوي دكستر ما قصر


بس اذا انت توكله خضار وفواكه اقطع عنه لفتره وان شااء الله راح يتوقف السهال تدريجيا


واذا على المكيف حط الطير تحت المكيف علشان ما يجيه تيار هوائي

واذا جااء الليل غطه


واما على طاري التنظيف اخذ لك فوطه مبلله بس مو وايد وامسكه وامسحه


وحطه برى ولا يجيه هوااء لانه راح يكون مبلل ..


وان شاااء الله ما يصير الا الخير وبتوفيق في تربيته

[كلاسيك]

مشاغب
الله يبارك فيك و يطول بعمرك
يعطيك العافية اخوي و ما تقصر
بس أنا ما أعطيه خضار ولا فواكة ما اعطيه إللى الأكل حقه
و على قولة جب فوطة ونظفة والله يا خوي مدري وش أقولك بس ذا الكروان ما غير قلبة يرجف من الخوف ذاك اليوم جيت بشيلة قام قرطني قرطة الله بس لا يوريك بغيت أطير
من بعدها حرمت أشيلة
ع العموم الله يزاك خير ومشكور
ولا تحرمنا من هالطلات

[مشاغــب]

الله يعاافيك


اجل ماكو الا تزور الطبيب البيطر على ما اعتقد انه راح يعطيك له بودره تحطها في الماي


او شي غير

انت ما عليك البس قفاز وشيله ونظفه وعلى ضربات القلب هذا عادي لانه خايف جدا

[كلاسيك]

إيه والله ما لي إلا البيطري
اما عن التنظيف بحاول اقول للبيطري ينظفة لي إذا قدر
تسلم اخوي والله تعبتك معي

[أبوعــــــــامر]

السلام عليكم ورحمة الله

مثل ماقالك اخوي مشاغب

بس لابد من الدواء , مع ان الكروان من الطيور القوية والمتحملة , ولكن لابد من اخذ دواء للاسهال ,

قم بزيارة الصيدلية البيطرية واشتري دواء للاسهاء ( بودرة توضع في الماء )

حاول اخراج الطير حاليا من غرفتك ( علشان البرد ) لانه خلال فترة مرضه يحتاج الى مكان دافئ وهادئ , ( لو يوجد لديك حوض سمك قديم يمكنك وضع الطائر فيه لمدة بسيطة يرتاح فيها )

وان شاء الله قدامه العافية

[كلاسيك]

مشكور أخوي دكستر
و أنا إن شاء الله بروح للبيطري و اخلية يعطيني هالبودره
و شكلي والله بطلعة من غرفتي
طيب أخوي لو جبت مروحة و خليتها في الغرفة عادي ما يأثر عليه لأنه والله بدأ يعاطس و مثل ما قلت الأهل الله يحفظهم رافظين فكرة الطير في البيت من اصل فا تكرما منهم لي سمحولي فأنا قررت أني أجيب مروحة و أظفي المكيف وخلاص و أنحلت المشكلة
أنت وش رايك أجيب مروحة و خلاص و كل شي تمام التمام ولا فيه إشكال ع الطير ؟ وش قولك ؟