إلى جميع الأعضاء

[فارسة الظلام]

السلام عليكم ورحمه الله وبركاته

ياجماعة أرجو المساعدة
طائري الكاسكو الرمادي يشعر بالإكتئاب
كيف المساعدةأريد شراء
1 أنثى الرمادي يكو عمرها أكثر من 5 سنوات
2 قفص كبير يكفي طائران

و ألفففففففف شكر وعافية

[ابو سفر]

اذا اشتريت انثى وكان طيرك اليف ويتكلم يمكن اذا شافها ينسى الكلام والولف وانصحك انك كل يوم تجلس تلعب الطير وتاكلو بنفسك عشان مايطفش ويطلع من الحالة اللي هو فيها ````````````والله اعلم

[Hamlet]

اختي الكريمة / فارسة الظلام

طبعاً انا ما اعرف إذا كان طائرك أليف ومدرب ويتكلم او وحشي .. لذلك سأتكلم في الحالتين ..

إذا كان الطائر أليف ومدرب ويتكلم او حتى للحين ما تكلم .. لا انصح أبداً انج تجيبين له إنثى وتخلينها معاه .. لأنه راح يحصل إلي يجلس معاها وما يحب يطلع يقعد مع الاوادم وراح شوي شوي يتحول كلامه إلى صفير .. وإذا كان ما يتكلم فمن المستحيل انه يتكلم .. وللمعلومة .. اي طائر راح يحس بالكآبة ويصيدة مرض نفسي وينتف نفسه بعد لين ما حصل الرعاية والإهتمام .


المطلوب شنو :

انج تخلين سقف القفص على طول مفتوح عشان الطائر يبقى 24 ساعة حر يطلع ويروح مكان إلي يبي ويلعب مع كل افراد الأسرة .. دائما أجلسي معاه وكلميه وطلعيه بالحديقة شوي .. وقدمي له الحبوب المشكلة والفواكة " ماعدا الفواكة اللزجة " ومع الوقت أكيد راح تحسين انه تحسن وصار يلعب ويتكلم بعد ويرجع لشبابه .. يعني حاولي تكونين معاه قد ما تقدرين


اما إذا كان الطائر وحشي .. فمن المستحيل ايضا انه يرضخ للتدريب والتآلف .. ومدام انتي مستعد لشراء كاسيكو آخر وقفص كبير معناته عندج فلوس .. فنصيحتي انج تبيعين هذا الوحشي وتىخذين لج واحد فرخ من الكاسيكو الهولندية إلي تجيبها بعض المحلات .. راح يكون أليف .. ويجي على اليد ويلعب وسهل تدريبه على الكلام والألعاب وكلشي .. يعني احسن من الخساره وفي النهاية طائرين مافيهم فايدة .


أتمنى اني اكون قدمت النصيحة في كلا الحالتين وعلى الله التوفيق


تحياتي ،،

[hazzz]

اختي الفاضلة

كل عام وانتي بخير وجميع الاخوة الاعضاء

بخصوص الطير تبعك . كيف عرفتي انه ذكر وتبغين انثي له ؟

لم تذكري اي تفاصيل عن عمر الطير او الاعراض التي فهمتي منها انه مكتئب ومالذي دفعه

فجأة للاكتئاب وتبغين له ونيس

اما بخصوص القفص الكبير ماهو مشكلة ولكن من اي مدينة حتي يدلك احد الاعضاء لمكان الشراء

وتقبلي تحياتي

[فارسة الظلام]

شكرا أخواني الأعضاء الطائر ذكر لأنه هذا ما قاله اليال وتنطبق عليه كل صفات الذكر و مع ذاك إن شاء الله راح أسميلا تحليل الDNA عمر الطائر ما شاء عشرين سنة و هو كان دائما نشيط و اللآن بدأ ريشه بسقوط وححيت إنو يشعر بل ملل فقل أغير لا القفص و أشتري ألعاب ثم قلت ليش ما اشتري أنثي تسلي شويه ملاحفه سوف أضع صورته قريبا إن شاء الله
و أنا من دولة الكويت أخوي hazzz

و ألففففففففففين شكر وشكر

[Hamlet]

اختي / فارسة الظلام ..

هل الطائر أليف ومدرب ويتكلم ؟؟
إذا اي ما انصح ابدا بإحضاء أنثى إليه .. تعب 20 سنة راح يطير بالفاضي ..

حاولي تقعدين معاه اكثر وتخلينه كل بره .. إذا القفص ماله مو من النوع إلي ينفتح من الأعلى اخذي له واحد ثاني بنفتح من الأعلى وخليه 24 ساعة مفتوح .. اعطيه حرية اكبر وخلي البيت كلهم يلعبون معاه .. اعطيه فواكة وحطي له ألعاب .. هذا كله راح يغير نفسيته وبصير احلى من اول .. الحل مو احضاء انثى .. انا اعتبره تخريب الطائر .. الأنثى احضريها لما يكون الهدف من الطائر الإنتاج وليس تعديل النفسية

انا عن نفسي من اجوف طيري متضايق او ساكت اروح اطلعه من القفص واخليه يدور بالبيت كامل وما اجوفه إلا يصافر ويسولف بروحه ويترقص ويرجع فرحان .. حتى بالسيارة اخذه معاي .. لازم مانخليه كل بالقفص لأن يمل


تحياتي

[فارسة الظلام]

شكرا أخي hemlet
و أنت ساج خلاص قررت أني ماراح أيجب أنثى إلا إذا حان وقت الإنتاج
بس أجوي تعرف مكان في الكويت يبع ألعاب الرمادي
ألفففففففففف شكر وعافية