الكاسكو حقي رافع ريله ليش؟؟؟

[غزوان Ghzoan]

السلام عليكم

اخواني مدري ليه حسيت الكاسكو الي عندي بردان مرات ينفش ريشه والجو عندنا بارد بس مو كثير

اليوم اول مره اشوفه يرفه ريل وحده ليش كذا يساوي

والحين حتى من نام بقى رافع ريله

مدري حسيته بردان وقلت اخلي فوق القفص سجاده بس قربت السجاده عليه تجنننن وصار يصارخ المهم ما طاوعته وخليت فوقه سجاده غطيت نصفت القفص

[عاشقة الطيور]

وعليكم السلام ورحمة الله وبركاته

اخوي افضل لو تحطه بجو دافي احسن له .. ورفع ريله شي عادي دليل على انه صحي ومره قريت والله اعلم اذا وااااااايد يرفع ريله يعني فيه بكتيريا انا مااذكر الي قريته عدل بس ان فيه شي من هالقبيل

ولازم يكون جو الغرفه معتدل لان اذا مره بارد ومره دافي مثلابيمرض الطير لاقدر الله

وعن السجاده اانا اغطي قفص طيري بقطع قديمه مانستعملها اذكر اول ماغطيته كان يجعر على خفييف وكنت احاول اهدأه وشوي شوي والحمدلله تعود

[yooyoo]

اخوي الكريم
لمن يرفع رجوله شي عادي وانا الي عندي يرفع ريوله وقت النوم لمن يجي يبي ينام يرفع ريوله او يحط راسو ورا ضهره
في حالة الاسترخاء عادة ما يكون الطائر واقفاً على رجل واحده أما الرجل الأخرى فتكون مرفوعة عند الصدر .

او ينفش لك ريشه تعرف انو يبي ينام انت خليه ولا تخاف بس خليه على راحتو
موفق ان شاء الله