اشترك في نشرتنا البريدية ليصلك كل جديد

الحصان الذهبي · 04-07-2006, 12:30 PM

السلام عليكم ورحمه الله وبركاته

البوم جبت لكم لعبه ممتعه جدا

وهي عضو تحت الميسكركوب يعني الاعضاء يختارون واحد ويحطونه تحت المجهر

مو عشان الفحص عشان نتعرف عليه اكثر وهواياته والخ

اتنمى انكم فهمتواااااااااااااااااااااااا

بااااااااااااااااااااااااااااي

الحصان الذهبي · 04-07-2006, 04:50 PM

انا ارشح
فطـــــــــــــــــــــــــــــــــــــــــــــوم

ماذا ستفعلين في المواقف التالية:-

1- لو أحد اخوانج صفعج كف بدون سبب ..

2- لو مرة كنتي في المول فعلق عبايتج في المصعد ..
3- لو امج طلبت منج ان تنظفين البيت كامل ..

4- لو رسبتي في امتحان آخر العام ..

5- لو مرة عزمتي رفيجاتج بس محد جاء ..

6- لو سألتي واحد سؤال بس رد عليج بالهندي وما فهمتي ..
7- لو مرة كنتي ملانة وزهقانة وتبين تطلعين بس محد راضي يطلعج ..

8- لو كنتي تبغين تسيرين بيت رفيجتج بس خالتج موجودة في بيتج ..
9- لو دقيتي رقم بالغلط فطلعلج واحد ..
10- لو يالج مكالمة وقال انج ربحتي مليووووووون ..

وانتظري المزيييييييييد

فطوم · 05-07-2006, 03:34 PM

1- ادوس اب بطنه
2- ماعلقت عبايتي بس مره علق كعب جوتي(والمشكله الكعب طويل بو7-10 سانتي) بفتحه بالارض بسوق شرق وتمصخرت ويا واحد قالي فصخي جوتيج وطلعلي يا بصراحه موقف قمه بالاحراج
3- هاها اطلع من البيت ومارد واهي مستحيل تطلب مني لانه ترتيبي مايعجبها

4- لورسبت بنتحر واموت قهر لانه مالي خلق اعيد ماده السنه اليايه (رسبت مرتين من دشيت الجامعه )

5- لوعزمتهم ومحد جا بصراحه خوش دقره بس هم شي زين عشان اكل الاكل كله بروحي وانا اصلا ماعزمهم لاني جعصه
6- سؤال غريب بصراحه مادري شسوي استخدم لغه الاشاره!
7- الحمداله صارلي ثلث سنين اسوق وانا الي ماقمت اطلعهم عشان انتقم منهم لمه ماكانو يطلعوني

8- عاد شدعوه بعطيها ويه خالتي تقعد مع امي انا شعلي منها

9- ههاهاهاااا صارت فيني مره دقيت على اخوي والرقم غلط وطلعلي واحد شايب وانا اصرخ عليه وقوله انت غبي ماتفهم موقايلتلك لمه تخلص دق علي ويقولي شنو شنو جان انحرج وسكره بويها!
10- لوربحت مليون
- ماراح تشوفون ويهي كلش اكسر الكمبيوتر
- اسافر واغير جووو
- اشتري مكلارن
-اشتري بيت في حديقه كبيره احط فيها مطعهم مكدونالدز خاص حقي و احط فيها طواويس وبط ودياي و اشتري جلاب على كيفي مايكون ابوي موجود عشان يقولي لا! واشتري حيوانات واااااااااااااايد وهدوووووم وااااااااااااايد واشتري الماصات وذهب

الحصان الذهبي · 05-07-2006, 04:18 PM

مين قالك انك بتطلعين الحين ؟؟؟؟؟بدري

أول ما تشوفين بنت أيش يلفت انتباهك فيها ؟

أنتي سمينة ام نحيفة ؟(اذا ماودك تجاوبين عادي)

هل تحبين الوجبات السريعة؟

ايش احلى لون عندك؟

هل تحبين الأطفال؟

ايش احلى اسم عندك (في الأولاد و البنات) ؟

هل تجيدين اللغة الإنجليزية؟ و كم لغة تجيدين؟

هل تحبين التحدث بالهاتف كثيرا؟

كم عدد صديقاتك؟

هل تحبين علم النفس ؟

و سلامي لأحلى فطوم

فطوم · 06-07-2006, 12:00 PM

هاهاهاااااااي والله وناسه اول مره احس انه شخصيه والاضواء مسلطه علي ومستر ليون لاتستانس دورك ياييييييي واذا شفت انا من الاول مرشحتك بس تذكرت انه عاشق الهامستر شخصيه غامضه وننحب نعرف عنه:P

جواب أساله الحصان الذهبي

اقتباس:

المشاركة الأصلية كتبت بواسطة الحصان الذهبي

مين قالك انك بتطلعين الحين ؟؟؟؟؟بدري

أول ما تشوفين بنت أيش يلفت انتباهك فيها ؟

فطوم : اول شي يلفت انتباهي الجسم بحكم اني متينه فلازم أحسدها وبعدين الشعر بحكم انه -شعري خفيف فهم لازم احسدها اذا شعرها كثيف واذا خفيف اقول من شاف مصيبه غيره هانت عليه مصيبته

أنتي سمينة ام نحيفة ؟(اذا ماودك تجاوبين عادي)

- هاها اصلا انا يسموني باربي!!

هل تحبين الوجبات السريعة؟

- اموت عالوجبات السريعه واكل اقل شي مرتين باليوم(سابقا الحين رجيم) واحب مكدونالدز وبالذات ماك اربيا واحب الشبس الي فوقه جبن من Great Steak

ايش احلى لون عندك؟

الاسود سيد الألوان

هل تحبين الأطفال؟

صراحه لا!! افضل الأرانب اظرف وارخص

ايش احلى اسم عندك (في الأولاد و البنات) ؟

همم مادري والله بس احب الأسامي البدويه مثل حماد وهزاع:P

هل تجيدين اللغة الإنجليزية؟ و كم لغة تجيدين؟

اي اجيدها لأنه تخصصي انقليزي و لغات اخرى همم فارسي افهم عدل بس ماعرف اتكلم اسباني وفرنسي اطقطق جم كلمه

هل تحبين التحدث بالهاتف كثيرا؟

اي والله وايد

خلصت فلوسي عالهاتف بس الحين سويته نظام كروت تعبئه

كم عدد صديقاتك؟

وايد بس اعز صديقاتي وحده وواسمها اهني GuMBiNiYa ماتشارك وايد

هل تحبين علم النفس ؟

اي احب فوزيه الدريع وايد ياعيونننننننني

----

اقتباس:

المشاركة الأصلية كتبت بواسطة MrLiOn

وبأسألها :

1- الشخصية - تاريخية أو معاصرة - الي تركت أثراً في شخصية فطوم ؟ يعني شخصية قريتي عنها أو عايشتيها وأثرت فيك وصرتي تقلدينها أو تحاولين تصيرين مثلها ؟

بلا غرور أنا!!! لكن من الشخصييات الي تعجبني بالتاريخ طبعا الرسول صلى الله عليه وسلم والشخصيات العربيه وبالذات الاسلاميه مثل علي بن ابي طالب وخالد بن الوليد يعجبوني كثيرا ومن الشخصيات الغربيه وليم ولاس(BraveHeart) يعجبني وايد وتاثرت فيه كثيرا

2- فطوم ماذا ترى نفسها بعد 10 سنوات ؟ يعني وش أهدافك الي تخططين لها خلال 10 سنوات ؟

- همم مادري اتوقع هذي انا انشالله ماراح اتغير بس اضعف 30 كيلو واهدافي انشالله اتخرج السنه اليايه واحاول ايمع من معاشي واشتري مزرعه او بيت في حديقه كبيره لاني احب الحيوانات والطبيعه وايد وايد

3- فطوم إذا كانت في خلوة بنفسها غالباً ماذا تصنع ؟ يعني وش الهواية الي تسوينها دائماً لا صرتي لحالك ؟

- مع الأسف الأكل

4- فطوم في الأزمات والمواقف الخارجة عن السيطرة على أي الأحضان ترتمي لتشكو الهم وتطلب المساعدة ؟ يعني أمك أبوك أخوك أختك صديقتك ... إلخ

- صديقتي GuMBiNiYa وبقيه اصدقائي لكن اذا كان الموضوع كبير امي وعمتي اما ابوي ماراح يعطيني وجه:P

5- أي الشخصيتين تفضل فطوم : الأميرة الحسناء الناعمة الرقيقة(الدلوعة) أم الأميرة الحسناء القوية الحازمة (المحاربة) ؟

- افضلهم ثنتينهم لانه في ظروف تحتم على الفتاه تكون رقيقه وناعمه وفي ظروف اخرى تجبرها تكون حازمه وقويه

شكرا لكم على اسالتكم وثانكيو مستر ليون اكرر لاتستانس دورك ياي

فطوم · 06-07-2006, 05:11 PM

والله من ناحيه من اقرب عضو لكي مادري يمكن ادكشن ومشيعل لاني دايم اسولف معاهم بالمسنجر اما اقرب عضوه انتي ياقطقوطت قلبي بدون منااااااافس طبعاا

ابي اكشن لانه تدرين انا احب النجره واحب الحركه وماحب الجد واذا شفت غلط طبعا ماحب انه يتصلح (عشان نقزرها)لكن احب اني اتكلم عنه واسوي روحي صايده الحركه

~~عجوز مهذرية~~ · 06-07-2006, 06:35 PM

اقتباس:

امووووووووووووووه<<بوسه اسلاميه

خخخخخخخخخخخخخخخخخخخخ

هلا ثم هلا في فطومه

شنو اخبارك..؟
أكيد ماكو شغل صح..؟

الموهم نجي للأسئله:
..
..
1- أسعد خبر بحياتك ؟
..
..
2- أحزن خبر سمعتيه ؟
..
..
3- ماذا يعني 2zoo لكي ؟
..
..
4-ماهو حلم طفولتك؟
..
..
5-اجمل 3 صفات ترينها في نفسك؟
..
..
6-صفات تكرهينها في نفسك؟
..
..
7-صفة متواجدة في المجتمع تكرهينها؟
..
..
8-ماهو الشئ الذي تخافين منه ويشغل بالك اكثر من بقيت الاشياء؟
..
..
9- حكمة تتخذيها شعارا لكِ في الحياة؟
..
..
....وبس

مع تحياتي

فطوم · 06-07-2006, 11:37 PM

اقتباس:

المشاركة الأصلية كتبت بواسطة عجوز مهذرية

الموهم نجي للأسئله:
..
..
1- أسعد خبر بحياتك ؟

اني تخرجت من الثنويه وصرت اسوق سياره
..
..
2- أحزن خبر سمعتيه ؟

والله كل ما اوقف على الميزان يضيق خلقي!!
..
..
3- ماذا يعني 2zoo لكي ؟

انا اقضي اكثر من نص يومي اب توزوو

..
..
4-ماهو حلم طفولتك؟
..
انه يكون عندي مزرعه فيها الكثير من الحيوانات
..
5-اجمل 3 صفات ترينها في نفسك؟

خفت دمي وظرافتي لالالالالالا اتغشمر والله مادري المفروض الناس يحكمون
..
..
6-صفات تكرهينها في نفسك؟

اول شي وزني:P+اعصب بسرعه واذا مزاجي قفل يقفل من قلب واذا واحد سوا غلطه صغيره معاي احقد واعصب وانسا كل شي زين سوا واذا واحد طول عمره موزين معاي وسوالي شي واحد زين ولا قص علي بكلمه انسى كل شي موزين سوا فهمتوا شي؟ ولاانا
..
..
7-صفة متواجدة في المجتمع تكرهينها؟

الســــــــــــمنه
..
..
8-ماهو الشئ الذي تخافين منه ويشغل بالك اكثر من بقيت الاشياء؟

بصراحه وبدون غشمره انا تفكيري كله بالاكل ودايما اخاف اني اضيع وجبه من الوجبات..واخاف من الزهيوي وايد وفيني مشكله انه اي مرض اسمع عنه اتوهم انه اعراضه فيني :|
..
..
9- حكمة تتخذيها شعارا لكِ في الحياة؟

هكذا الدنيا فراق والتقاء والبقا لمصرف الكون الوسيع
..
..

مشكوووووووره يا عجوزو على اسالتك اللطيفه:P ودورك ياي انتي بعد لاتستانسين

----

اي والله ادكشن تعبت وانا افكر بردود دبلوماسيه<- اخاف صج

بس الفكره حلوه مثل ماقال مستر ليون نستلم عضو عضو عشان نتعرف على بعض اكثر واكثر بس انا كفاااااااايه سالتوني وااااااايد لازم الحين عضو ثااني

اقتباس:

المشاركة الأصلية كتبت بواسطة LuCkY gIrL

نبدا بسم الله
وش تحبين تاكلين؟؟

--كل شي بس ماحب السمك احب الشكلاته واحب مكدونالدز بالذات ماك اربيا

وش نوع جوالك؟؟

جوالي قديم مسكين 6600 لانه متين وانا متينه

وشو هو عطرك المفضل؟؟

--FloweBomb

وش اكثر شي تلبسين <<<<<<قولي قسم هع ..لا يعني تنوره ولا جينز هع؟؟

-- دشداشه:P

كلمه احبك,,,لمين تهدينها..؟؟

-- حقكم كلللللللللللللللللللللللللللللللللللللللللللللللللللللللللللللكم وحق سيارتي

وهل انهدت لك ؟؟

والله وايد :P

ووشو شعورك لما انهدت لك؟؟كلمه اكرهك...هل انقالت لك ..وانتي مظلومه ..او ظالمه؟؟؟لاسمح الله يعني ...؟؟

-- همم لمه نهدتلي بصراحه تضضايقت لانه لمه احد يحبك احسها مسئووليه واحس اني مراقبه ومحاسبه على كل شي اسويه!!...والله وايد ناس يكرهوني تصدقين مادري ليش واكثر اغنيه انهدتلي مابين بعينك!! تره صج ماتغشمر

عندك ورده ...لمين تهدينها؟؟

--حق امي وابوي وجمهوري <- صدقت انها ممثله بصراحه مادري اهديها حق منو فراح احتفظ فيها احسن

بوسه ...لمين تهدينها..

--حقج حبيبتي:P

--احبك...لمين تهدينها ؟؟؟

لككككككككككككم كلكم ياصدقاااااائي الحلوييييييييييين

ياخبله ...لمين تهدينها؟؟؟

--حق قطقوطه وعجوزو وانتي

اش تحبي اكثر القهوة ولا الشاي؟؟

قهواااااااا ومع ذلك عمري مادخلت ستار بكس

ماكدونالدز ولا برقر كينق ؟؟

مكدوووووونالدز وبرقر كنق يعتمد ساعات اشتهي ووووووابر ساعات اشتهي ماك اربيا

اش اكثر بلد ودك تروحيها ..؟؟

همم والله انا احب وايد دول بس اكثر مكان حبيته سكتلندا لانه طبيعتها حلوه وجوها جميل وين ماتمشى اشوف سناجب وقنافذ وغزلالالالالان

~~LuCkY gIrL~~ · 06-07-2006, 07:23 PM

نبدا بسم الله
وش تحبين تاكلين؟؟

وش نوع جوالك؟؟

وشو هو عطرك المفضل؟؟

وش اكثر شي تلبسين <<<<<<قولي قسم هع ..لا يعني تنوره ولا جينز هع؟؟________________________________

كلمه احبك,,,لمين تهدينها..؟؟

وهل انهدت لك ؟؟

ووشو شعورك لما انهدت لك؟؟كلمه اكرهك...هل انقالت لك ..وانتي مظلومه ..او ظالمه؟؟؟لاسمح الله يعني ...؟؟

________________

عندك ورده ...لمين تهدينها؟؟

بوسه ...لمين تهدينها..

احبك...لمين تهدينها ؟؟؟

ياخبله ...لمين تهدينها؟؟؟

اش تحبي اكثر القهوة ولا الشاي؟؟

ماكدونالدز ولا برقر كينق ؟؟

اش اكثر بلد ودك تروحيها ..؟؟

فطوم · 13-07-2006, 03:22 AM

هاها مستر ليون انا من اول يوم مرشحتك انت

اهلان يا اهلان هلا بالزين

1- اسمك
2- عمرك
3- وزنك
4- طولك
5- مهنتك الحاليه
6- حالتك الاجتماعيه
7- كم عدد افراد عائلتك
8- ماهو نوع سيارتك
9- هواياتك
10- الحيوانات التي ربيتها سابقا
11- الحيوانات التي تربيها حاليا
12- اكثر شي تحبه
13- اكثر شي تكرهه
14- طموحك
15- موقف محرج يفشل صارلك