من تجاربي...1

[عشتار]

أنا هاوي تربية دجاج و حمام وأحيانا طيور أخرى ...
أعشق الحيوان اللي يتكاثر عندي حتى لو كان من الأنواع العادية اللي مالها ذاك الثمن الغالي ...

1-كان عندي دجاجة راحن على 30 بيضة و هالعدد كان كثير عليها خصوصا إن جسمها ماكان بذاك الكبر ... و في نفس الوقت كان عندي جوز حمام يبيض بيض بدون لقاح
قررت أخفف من بيض الدجاجة و أستغل الحمام اللي تحته البيض بدون لقاح و أريحه من مهمة التبيض بين فترات قصيرة
رميت بيض الحمام و إستبدلته ببيض الدجاج ...بعد 3 أسابيع تقريبا فقس البيض كله اللي تحت الدجاجة و اللي تحت الحمام جمعنهم كلهم و خليتهم مع الدجاجة و عاشو بشكل طبيعي

2- كنت أجمع بيض الدجاج و أخليه في ماكينة التفقيس بشكل يومي فما كادت المكينة تخلو من بيض و كنت يوميا أطلع كتاكيت و أخلي مكانهم بيض ...في نفس الوقت كانت عندي دجاجة راجن
خليت تحتها 6 بيضات بس إلى أن فقسو بعدها كل ما أطلع كتاكيت جديدة من المكينة أحطهم مع الدجاجة و كانت تهتم بهم و تحتضنهم إلى أن رجعت لوضعها الطبيعي بعد ما كبرت الكتاكيت شوي
3- من فيكم يعرف الفري الصيني (السمان الصيني ) اللي حجمه و هو في كامل نموه ما يتجاوز حجم الكتكوت اللي بعمر يوم واحد ؟
جربت أفقس بيضة بالفقاسة و نجحت التجربة و لعدة مرات ... و لكن كتاكيت السمان تموت خلال الإسبوع الأول من عمرها برغم توفيري لها الجو الدافي و الماء النظيف ة الطعام المناسب
أتمنى أن تنال تجاربي على إعجابكم و إلى تجارب أخرب

[! هاويه الطيور !]

يعطيك العافيه
وموفق ان شاء الله في طيورك

وحياك الله بالقسم هواة طيور الداجنة

[عاشق المسكوفي]

المشاركة الأصلية كتبت بواسطة عشتار

1-كان عندي دجاجة راحن على 30 بيضة و هالعدد كان كثير عليها خصوصا إن جسمها ماكان بذاك الكبر ... و في نفس الوقت كان عندي جوز حمام يبيض بيض بدون لقاح
قررت أخفف من بيض الدجاجة و أستغل الحمام اللي تحته البيض بدون لقاح و أريحه من مهمة التبيض بين فترات قصيرة
رميت بيض الحمام و إستبدلته ببيض الدجاج ...بعد 3 أسابيع تقريبا فقس البيض كله اللي تحت الدجاجة و اللي تحت الحمام جمعنهم كلهم و خليتهم مع الدجاجة و عاشو بشكل طبيعي

شي طبيعي اخوي

المشاركة الأصلية كتبت بواسطة عشتار

1-

2- كنت أجمع بيض الدجاج و أخليه في ماكينة التفقيس بشكل يومي فما كادت المكينة تخلو من بيض و كنت يوميا أطلع كتاكيت و أخلي مكانهم بيض ...في نفس الوقت كانت عندي دجاجة راجن
خليت تحتها 6 بيضات بس إلى أن فقسو بعدها كل ما أطلع كتاكيت جديدة من المكينة أحطهم مع الدجاجة و كانت تهتم بهم و تحتضنهم إلى أن رجعت لوضعها الطبيعي بعد ما كبرت الكتاكيت شوي

نصيحتي لك
انك تجمع البيض يوميا ولا تحطة بالفقاسة
يعني تجمع اسبوع كامل وتحطة مرهـ وحدة
بس لازم تحفض البيض في مكان مناسب >>مو بالثلاجة هههه

المشاركة الأصلية كتبت بواسطة عشتار

1-

3- من فيكم يعرف الفري الصيني (السمان الصيني ) اللي حجمه و هو في كامل نموه ما يتجاوز حجم الكتكوت اللي بعمر يوم واحد ؟
جربت أفقس بيضة بالفقاسة و نجحت التجربة و لعدة مرات ... و لكن كتاكيت السمان تموت خلال الإسبوع الأول من عمرها برغم توفيري لها الجو الدافي و الماء النظيف ة الطعام المناسب
أتمنى أن تنال تجاربي على إعجابكم و إلى تجارب أخرب

اتوقع لها تطعيم

وانا اعرف انواع التطعيم يومي اسبوعي شهري
يعني اذا طلع من الفقاسة
خليه ثلاث ايام بعدين تعطيها تطعيم
بعدين اسبوع ونفس الطريقة

وانصح انك تراجع دكتور بيطري يقولك ايش السالفة بعد ماتقوله انت

قصدي دكتور بيطري
يعني اقرب صيدلية بيطرية

او اذا كنت من المملكة العربية السعودية رح اقرب جمعية زراعية
وتحصل دكتور بيطري

ولك مني ارق تحية

[عشتار]

الأخت هاوية الطيور
لك كل الشكر على تكرمك و مرورك على صفحتي

[عشتار]

اتوقع لها تطعيم

وانا اعرف انواع التطعيم يومي اسبوعي شهري
يعني اذا طلع من الفقاسة
خليه ثلاث ايام بعدين تعطيها تطعيم
بعدين اسبوع ونفس الطريقة

وانصح انك تراجع دكتور بيطري يقولك ايش السالفة بعد ماتقوله انت

قصدي دكتور بيطري
يعني اقرب صيدلية بيطرية

او اذا كنت من المملكة العربية السعودية رح اقرب جمعية زراعية
وتحصل دكتور بيطري

ولك مني ارق تحية[/QUOTE]

عزيزي عاشق المسكوفي :
يمكني غفلت عن هذه النقطة ( التطعيم )
اليو م أنا أتمنى أن أجد الوقت للبحث عن هذا النوع من الطيور مرة ثانية حتى أعيد التجربة بشكل أفضل
لك مني جزيل الشكر على تشريفك صفحتي

[ابو الدجاج]

الف شكر يا الغالي

[الخيّال]

تجاربك جميلة جدا وانا اعرف السمان اللي ذكرتة شكلة غريب من ناحية صغر حجمة وتمنيت اني اشوف فروخة كيف بيكون حجمهم

كل الشكر لك و ننتظر جديدك

[zikas10]

تجارب جميلة ومفيدة أخي ..بالتوفيق لك

[hask2004]

اهلا استاذ

بخصوص السمان الصغير شوف يمكن عندك مشكلة لان اانا فقس منه ولا اعطيه تعطيعم ولا شيء
جرب المكان الي تخليه فيهم ودرجة الحرارة .. اعطيه ذرة مطحون . "علف"

[saoud]

شكرا على هذا الموضوع