اشترك في نشرتنا البريدية ليصلك كل جديد

e-max · 13-10-2006, 08:28 AM

السلام عليكم ورحمة الله وبركاته....
اشكركم على هذا الموقع الرائع والممـــيز... وأبغا ياشباب فزعتكم في تدريب كلبي...

عندي كلب جيرمان شيبارد ، عمره:سنة ونصف أود تدريبه ولكن أود الإستفسار عن بعض الأمور بعد إذنكم:

1-الكلب في السنة الأولى من عمره رباه أحد العمال في مزرعتنا،وبعد انتقاله عندنا في المنزل
رباه أخوي مدة شهر وأنا الآن أود تدريبه،فهل يمكن ذلك،وكيف افهمه أني مدربه الحالي؟؟؟

2- كيف ألعب معه ،فعند استخدام الكرة مثلاً يبدأ بلحسها ومحاولة عضها والعراك معها،وعند اللعب
معه بدون أدوات يقفز علي ويجرحني لطول أظافره التي أعجز عن تثبيته لقصها؟؟؟

3-عندنا غرفة مضاءة (مترين*مترين) هل أضعه فيها لعزله مؤقتاً،وكم الفترة المناسبة؟؟؟علماً أنه
يتجاوب مع القريب والغريب وهو الأن مربوط بسلسة طولها 4أمتار قرب باب المنزل يرى الكل عند الدخول والخروج لكن دون أن يكلمه أحد...

4- ماهو مكان التدريب المناسب هل أدربه في حوش المنزل أم في الخارج عند الكورنيش في الصباح الباكر ، علما أني جربت ذلك وفلتت السلسلة مني فهرب وكلما كنت أناديه وألحق به يهرب
حتى علقت السلسلة في عامود وامسكته.

5- هل يمكن أن أبدأمعه أوامر الطاعة الأساسية ومع التمشيه والطلعة والتدريب يدرك تلقائياً
أني مدربه،أويلزم أن يعرف أولاً من أكون ثم يستجيب؟؟؟

6-طبقت طريقة أمر الجلوس عند الأكل ونجحت ولكنه لايستجيب لأمر الجلوس إلإ في وقت الأكل أو عندما يكون مقيد أما عندما يكون حراً منطلقاً لايستمع لي؟؟؟

7-أخيراً، كيف أكافئه حيث أني لو أردت مكافئته بتقديم الطعام له من يدي مباشرة يعضني أحياناً
وهو منقض على الطعام،لذلك هل يكفي المسح عليه؟؟؟

وآآآآآآآآآسف ياإخواني على الإطالة وتكرار الموضوع ولكني لم ألقى استجابة في المرة الماضية ...

إلاأني إن لم أهتم به سيعامل ويهمل كالدجاج بل ربما أسوء
وبصراحة لايكمنني نقله إلى مدرب...

ابوعيدالدوسري · 13-10-2006, 11:28 AM

السلام عليكم اخوي,
اول شي تقدر تدربة على اللي تبي . تدري ليش؟ عشانك قدرت تعلمه امر الجلوس والكلب بيّن لك انه قادر ويستوعب الاوامر بس واضح انه يحب اللعب كثير .
وثانيا بخصوص اللعب الكثير هذي لمصلحتك تقدر تخليه يسمع الكلام ويسوي اللي انت تبيه.
شوف اخوي بخصوص الكره...
اول شي انت تقول انه يعضها ويلحسها ويعارك معها, ياسلام مفتاح الفرج انه يكون مهتم بشي حتى لو تعارك معه.
حاول انك تشغله بالكوره اكثر واكثر اسرقها منه وهو يتعارك معها ويعضضها , خذها منه وارمها بعيد خلها يتحمس لها ويدري انه راح يلقى اللعب والمطارده من ورى الكوره .
يعني خله يتعلق في الكوره باي طريقه تشوفها مناسبه ومنها انك تاخذها منه وهو في قمة الحماس وترميها بعيد او تركض وتخليه يلحقك.
اما من ناحية قص الاضافر والتثبيت هذا بعدين لما يبدى يتعلق بالكوره انا انشالله والشباب نعلمك وشلون تخليه يركد ههههههه ويسمع كلامك اول شي خله يتحمس للكوره .
اما من ناحية الغرفه ماادري عن حجم كلبك اذا كان حجمه صغير فان الغرفه ممتازه اما انه اذا كان بحجم القريت دان وجوز بعد ماتصلح الغرفه.
بس حجم الغرفه بوجهة نظري مناسبه جدا عشان تخليه يتحمس للركض وللعب اذا طلع واذا انت تبي تطلعه من الغرفه لازم تدخل عليه وتربطه بالسلسه . بتقولي ليش؟ اقولك عشان مايتحمس كثير ويدري انك انت اللي تامر عليه وتنهي .
وثاني شي الغرفه مناسبه ليش ؟ لان احسن شي يتعامل مع شخص واحد عشان يدري انك سيده ويدري انك راح تعاقبه اذا اخطى.
يعني لاتخليه مربوط عند الباب ترى ماراح يتعدل ولا شي لانه واضح ماتدرب على اي شي .
احسن مكان لكبلك هو الحوش بس لاتدربه وهو شبعان مره يعني وهو ماكل ومعبي على الاخر .
دربه بعد الاكل واذا قضى حاجته وانت بكرامه اللي يقرون يكرمون .يعني يكون مزاجه رايق
اول شي جب الكوره اذا كلبك تعلق بالكوره وارمها له شوف يتحمس لها ولا لا اذا تحمس لها خذها منه ولا تعطيه وخله ينقز وينط ويسوي اللي يسوي لاتعطيه الكوره الا لما يقعد عطه وانت متحمس للعب مو وانت زعلان وقله الامر اللي تبيه يعرفه اجلس ولا اقعد ولا اللي يكون.
كرر العمليه معه وانشالله يطلع بفايده.
بعدين اذا تعلم على الجلوس الخطوات الجايه انشالله نعلمك اياها في الطريق هذا اذا نجحت خطتي هههههههههههه .
وانتبه لا تلحقه اذا انحاش في الحوش لاتطارده .
انت اللي خذ الكوره وانحاش خله يلحقك
حتى لو انحاش في الحوش انت اركض بالجهه الثانيه وناده على اساس انك تبي تلعب معه .
اذا سمع كلامك كافئه على طول في وقتها لاتتاخر عشان يبرمجها في راسه على انها مكافئه وانه سوى شي زين.
عاد انت وطريقتك تكافئه بالكوره او تكافئه باكل .
وهذا اللي عندي وانشالله تشوف شي يسرك وطمني
وانشالله الجي احسن واحلى
وانشالله اذا فيه نقص في كلامي يكملونه الشباب او اذا فيه غلط يصححون كلامي .
مع السلامه....

e-max · 13-10-2006, 05:04 PM

السلام عليكم ورحمة الله وبركاته...
بصراحة شرح يشششششششششششششرح الصدر وإن شاء الله بحاول أطبق مشورتك
وأرد عليك الخبر والله يعطيك ألف ألف ألف عافية....

e-max · 13-10-2006, 05:23 PM

السلام عليكم ورحمة الله وبركاته ....
آآآآسف أخوي بس باقي نقطة بعد إذنك...
الآن خلاص إن شاء الله بدخله الغرفة بس بالنسبة لإعطاءه وقت للخروج والحرية كل يوم
وبالنسبة لللعب و التدريب أبدأها معاه إذا خليته في الغرفة فترة معينة،أو من أول يوم أبدا
أطلعه؟؟؟ وبالنسبة لإستخدام لوح صغير لإبعاده عني إذا كنت ماأبغي أوسخ نفسي في وقت
التدريب أوغيره هل هذا خطأ؟؟؟

ابوعيدالدوسري · 14-10-2006, 02:51 AM

وعليكم السلام ورحمة الله وبركاته
شوف اخوي وقت الخروج الوقت اللي يناسبك انت وفي نفس الوقت يناسب كلبك يعني ماكل وعملها يعني مبسوط ومتاكد مافي شي يضايقه في هالوقت تقدر تطلعه برا وتلعب معه اول يوم لاتطلعه خله يشتاق للطلعه برا وراح يزعجك بالنباح كثير والله يعينك على النباح خله ولاتطلعه الا اليوم الثاني بس اكيد لازم تاكله لاتنساه .
اما بالنسبه انك تبعده عنك بلوح لا مايصلح . انت البس لبس تكون مستعد فيه لاي حاجه لو يوصخك عادي راح تتعب شوي اقولك لما يصير ماينط عليك ولا يسوي اي شي ابد .
احتري منك اخبار حلوه ...
مع السلامه

e-max · 14-10-2006, 07:36 AM

السلام عليكم ورحمة الله وبركاته....
الله يعطيك ألف عافية أستاذي ، وإن شاء الله بطبق مشورتك وأرد عليك الأخبار اللي تفرح...

e-max · 15-10-2006, 04:37 PM

السلام عليكم ورحمة الله وبركاته...

مشكووووووور أخوي "بوعبدالله" الحمد لله...أبشششرك الكلب بدأ يتجاوب مع فكرة لعبة الكرة...

الصراحة تفاجئت عندما خرجت رأيت الكلب فلت من السلسلة وجاي ومعاه كومة مثل ليفة

السباحة وقاعد يعضها فاقتربت منه وأخذتها منه وقطيتها بعيد ولحقتها وإذا أشوفه سبقني لها

وأخذها ورجع مكانه يعضضها فبديت أكرر الحركة معاه وبعدين بدأ مايعضها بس ينتظرني آخذها وأقطها بعدين طبعاً تقطعت الليفة تقطيع،فأخذت كرتون ولعبت معاه وبنفس الطريقة،ولـكن لاحظت

أنه تحمس بشكل عجيب أثناء اللعب ، لدرجة أنه أول كان يحاول قفز طاولة
عندنا بالحوش بس كان مايقدر بسبب ارتفاعها بس من شدة الحماس نقزها ونزل منها 3مرات ...

وأخيراً بالنسبة للكرة هل الأفضل تكون كرة كبيرة عشان مايفشها أو عادي؟؟؟علماً أني تأكدت أنه غير متعلق بشئ حتى الآن...

وآآآسف أخوي على الإطالة بس حبيت أخبرك وأبشرك بآخر الأخبار...