هاوي جديد - مساعدتكم تكفون

[الفالكون]

السلام عليكم
أنا جديد على الحمام ، عندي بعض الأسئلة أتمنى ما أحد يبخل علي بخبرته
شريت 25 جوز زاجل للأكل لكن أكثرهن فراخة .

س1/ متى تبدأ الفراخ بالتزاوج ؟
س2/التزاوج يكون عادي والا لازم أولف كل زوج على الثاني ؟
س3/وش أحسن أنواع الحبوب للحمام الزاجل ؟
س4/هل لكل فرد مخفق أو كل زوج له مخفق واحد ؟
س5/ما هي الفيتامينات اللي لا زم كل فترة أحط للحمام ؟
س6/ كيف أفرق بين الذكر والأنثى ؟
س7/ هل الزاجل يتحمل الحر أو إنه كثير يموت بالحر ؟
س8/ بعد كم يوم من تفقيس البيض يأكل الفرخ ؟
س9/ هل يوجد حمام أفضل من الزاجل للأكل ؟
س10/ لمن عنده خبره أكثر يعطيني نصائح وتعليمات الله يكتبله الأجر ؟

آسف على كثرة الأسألة
تكفون أبي الأجوبة بأسرع وقت
مشكووورين

[BAHHAR]

س1/ متى تبدأ الفراخ بالتزاوج ؟
الذكور من 3-5 اشهر ام الاناث 4-7 أشهر
س2/التزاوج يكون عادي والا لازم أولف كل زوج على الثاني ؟
لا مايحتاج تولف
بس إذا تريد بسرعه ينتجو انت ولف
س3/وش أحسن أنواع الحبوب للحمام الزاجل ؟
اي نوع من الحبوب
س4/هل لكل فرد مخفق أو كل زوج له مخفق واحد ؟
والله مافهمت إلى سؤلك
س5/ما هي الفيتامينات اللي لا زم كل فترة أحط للحمام ؟
توجد فتمينات كثيره
ولكن ضع فص ثوم بين كل فترة في الماء
س6/ كيف أفرق بين الذكر والأنثى ؟
الذكر يكون حجمة اكبر من الانثى
و الذكر تكون رقبته اكثر لمعانا وجسمه اقوى
س7/ هل الزاجل يتحمل الحر أو إنه كثير يموت بالحر ؟
يتحمل الحر لكن(وفر له طشت من الماء للاستحمام + الماء للشرب)
س8/ بعد كم يوم من تفقيس البيض يأكل الفرخ ؟
18يوم
س9/ هل يوجد حمام أفضل من الزاجل للأكل ؟
ماجربت اكل الحمام للاسف

[قطيفي الخرج]

س1/ متى تبدأ الفراخ بالتزاوج ؟
الذكور من 3-5 اشهر ام الاناث 4-7 أشهر

س2/التزاوج يكون عادي والا لازم أولف كل زوج على الثاني ؟
عادي مب لازم تولف ؟ وزي ماقال اخوي تبي زيادة الآنتاج تحط كل ذكر وانث مع بعض في محكر وشبك ~ لحالهم

س3/وش أحسن أنواع الحبوب للحمام الزاجل ؟
شعير أو مكعبات أو دخن ~ ولآ آنصحك بالذرة الصفرآء

س4/هل لكل فرد مخفق أو كل زوج له مخفق واحد ؟
لآ لكل زوج مخفق يعني كل ذكر وانث له مخفق +

س5/ما هي الفيتامينات اللي لا زم كل فترة أحط للحمام ؟
والله انا من ناحيتي ما استخدمهآ كثير ~ احط لهم بالموية ثوم أو اي من الآعشاب

س6/ كيف أفرق بين الذكر والأنثى ؟
العظمتان التي عند مخرج الغآيظ ~ اكرمكم الله ؟ إذآ كانت وسيعه انثى وإذآ ضيقه ذكر <~ مب شرط
وقوة الذكر وزرته ؟ وتشوف الذكر يطلع صوت قوي ويدور حوآل الآنآث ! ويسحب ذيل ريشه بالآرض للتزاوج ؟

س7/ هل الزاجل يتحمل الحر أو إنه كثير يموت بالحر ؟
تقريبآ كل الحمام يموت من الحر ! وانتبه تخلي عشتهم مكشفوه لآن الآجوآء شمس قوية عندنا بالسعودية اما انت وجو بلدك ؟ والحرارة تجيب لهم مرض الصرع ( ام رقيبة ) انتبه وفي الشتاء ممكن العصر او الظهر تكشف عليهم او تطلعهم ؟ وإذآ جآء مطر سكر العشة ودخلهم ولآ يجي بالعشة مويه عشان مايكثر الدود والحشرآت ؟

س8/ بعد كم يوم من تفقيس البيض يأكل الفرخ ؟
تقريبآ من 25 يوم الى 35 ؟ ومدة الحضآن للحمام 19 يوم وومكن اقول أو أكثر بقليل

س9/ هل يوجد حمام أفضل من الزاجل للأكل ؟
الزاجل جميل ولذيذ بالأكل وانا مجرب وحجم زين ~ وفيه اللي يؤكل الحمام اللآحم والعربي ~

ان شاء الله اني افدتك ~ سي يو

[الفالكون]

الله يعطيكم العافية
ماقصرتوا
لكن الثوم كيف أحطه بالماء
يعني أطحنه والا أحطه فص كامل بدون ما أسوي فيه شيء

[حموود277]

المشاركة الأصلية كتبت بواسطة الفالكون

الله يعطيكم العافية
ماقصرتوا
لكن الثوم كيف أحطه بالماء
يعني أطحنه والا أحطه فص كامل بدون ما أسوي فيه شيء

الأفضل إنك تحط الفص بالماي ثم تكسره وهو بداخل الماي
ةاتمنى إني أفدتك عزيزي