إلى بو راشد والخبراء

[زنوف]

اخوي بو راشد واخواني اصحاب الخبرة والتجارب انا في حيرة من امري على العموم احياناً افكر انا اشتري كلب مدرب وجاهز لقلة خبرتي ومعرفتي واحيان اقول المدرب يدرب الكلب على اشياء هو يعرفه فقط واحيانافكر ان اخذ جرو بنفسي وادربه ولاكني قارى ومبتدا في هذه الهوايةومقبل على شراء وأراء بعض الشباب مقتنين الكلاب يدربون كلابهم مع انهم ليسوا مدربين وحاصلين على شهادات تدريب هل اقدر على التدريبات وماهي التدريبات التي اقدر ادرب الكلب عليها وماهي التدريبات التي يحتاجلها خبيرومدرب خصوصاً وانا أريد انا اشتري ام جيرمن او روت وايهم اسرع في التدريب ان كانوا في نفس المستوى ولا اشتري كلب جاهز وارتاح من هم التدريب والخوف من الخسارة.
الشكر مقدم لك من كتب رده والشكر لي المشرفين ولهذا الموقع الذي اعتبره كتاب مفتوح لك قارى وعضو ومشرف . اخوكم زنوف

[بو راشد]

والله يالغالي اي سؤال عن التدريب في شروحات مفصله جدا عن التدريب في قسمه التدريب .. وخصوصا مواضيع مشرفنا بوعزوز

اما عن الاختيار فمن الطبيعي والغير مختلف عليه ان الجيرمن هو اكثر الكلاب قابليه للتدريب واسهلها

وان تبي نصيحتي الشخصيه .. التدريب يبيله صبر ووقت كثيرين .. مو اقل من ساعتين في اليوم .. ومجهود كبير وطوله بال .. ان كنت مستعد لخوض هذه المغامره خذ جرو عشان يتعود عليك من صغرته وتشتغل عليه صح

اما الاريح والاسهل .. واسمحلي اقول الاضبط .. هو انك تشتري كلب مدرب جاهز وكبير شوي في العمر .. بيريحك من اشيا وايد في كل النواحي

بس عليك انك تشوف تدريبه بنفسك ويعجبك وتحس انه مدرب صح .. بس اذا شريت كلب مدرب هذا ما يعني انك تنساه .. لا لازم تحفزه وتذكره دوم في التدريبات عشان ما ينساها ويأديها بشكل احسن واحسن .. ومن السهل وقتها انك تزيد على تدريبه اشيا خاصه بك شوي شوي

وهذا رايي الشخصي وشكرا

[فايز]

انا مع كلام اخوي بو راشد وانا عن نفسي اقولك اشتر جرو ودربه وطبعاً قسم التدريب بيفيدك واااااااجد...

بل توفيق يا الحلبيب كم زنوف عندنا بل منتدى

مع السلامه تحياتي لك

[pitbull-lover]

بسم الله الرحمن الرحيم

انا اتفق مع كلام اخوي بو راشد ...
اخوي اشتر كلب مدرب و ريح بالك و مثل ما قال مشرفنا القدير بو راشد اهم شي انك تذكره بدريباته عشان لا ينساها ..
تقبل مني اجمل التحيات مع تمنياتي لك بالتوفيق ...

[hisham elhadedy]

رد بو راشد جامد جداااااااااااااااااااااااااااااااااا واكيد لخص كل شى لك اخى العزيز

[زنوف]

أشكرك يابوراشد على ردك السريع وكلامك محل ثقة طبعاً وشكراً على المعلومات التي قلتها لي ولا بي المنتدى والتي تعد مرجعاً لك مبتداء وقارى في هذة الهواية والشكر يخص اخواني الكرام :
فايز و بيت بول لوفير و هشام اشكركم على الرد المفيد وسامحونا طولت عليكم .

[trpass]

السلام عليك يا اخ زنوف من الافضل ان تشتري جرو صغير وتدربه واهم التدريب الي يحتاج له الكلب هو الطاعه الاوليه .

تدريب الطاعه ما صعب , انا مثلا ما كنت عندي خبره في التدريب بس اهتميت بقسم التدريب والان انا كلبي مدرب الطاعه الاوليه ودربته بنفسي .

من الاحسن انك تشتري الجيرمن شفرد لانه الاكثر ذكاء .

واذا ارد ان تشتري كلب كبير مدرب يجب ان تتاكد من انه مدرب تدريب جيد لانك ما تعرف طبعه ,

ارجو ان لا يكون ردي ضايقك .

[زنوف]

وعليكم السلام أخوي trpass أخوي اشكرك على ردك لي واهتمامك بي الاعضاء والموضوع
والله يعطيك خير كلبك يلي دربته طاعة اولية وكمل معاه التدريبات الاخرى وفعلاً كلامك اخوي صح
%100 لأن قبل كذا انا دربت جيرمن وكان يتقبل تدريبات الاوامر البسيطة ولاكن للأسف انباع وفي تلك الايام كنت غير مهتم بالتدريبات الاخرى ولافيه مواقع لتدريبات الكلاب مثل الآن فنحن في هذا المنتدى الجميل نتعلم اشياء ومواهب عن حيوانات أخرى أيضاً غير قسم التدريب او قسم الكلاب ونحن صرنا أعضاء هنا لكي نستفيد ونفيد وشكراً لك لانك اثلجت صدري وتشاركني الراي بان التدريب سهل جداً ولايحتاج مدرب لان المدرب ماراح يحب الكلب مثل صاحبة واقولك انا اشتريت
جرو جيرمن شيبرد بيور وانا معاه في مرحلة تدريبات الأوامر وماشي معي تمام .
أخوي ردك ماضيقني وانت تبي تفيدني وانا معاك في الرأي واي موضوع لي تعال واكتب ردك وخذ راحتك . احب اقولك قاعدة عرفتها حب كلبك كلبك يحبك بلامدرب بلا مصاريف زائدة .لووووووووول

[فايز]

واقولك انا اشتريت
جرو جيرمن شيبرد بيور وانا معاه في مرحلة تدريبات الأوامر وماشي معي تمام .
___________________________________________________________________
السلام عليكم

شريت جرو جرمن؟؟ ياليت تحط لنا صوره في موضوع كلاب الأعضاء=(http://www.2zoo.com/vb/showthread.php?t=13276)

ومبرووك

[زنوف]

وعليكم السلام . ان شاء الله في اقرب وقت احط الصورة . الله يبارك فيك.