باركوا لي شريت ببغاء افريقي

[qataria]

السلام عليكم .. ورحمة الله وبركاتة ..

كيف حالكم شباب وبنات ..

باركوا لي شريت ببغاء اليوم ..

بس مشكلته .. من اقرب عنده .. يبتدي يصرخ .. بالصوت المزعج ..اظن تعرفونه الصوت

ويخاف ياكل من ايدي .. وانا ابي اعلمه علي ان مايخاف مني ولا شي ..

بس من اجي صوبه يخاف .. ويروح بعيد عندي ولا يروح فوق الصقف مال القفص .. ويبتدي يصرخ

ممكن اخليه مايخاف ؟ ولا يصرخ .. وياكل من يدي ؟؟


مشكورين وجزاكم الله الف خير

[فنان قطر]

الف مبروووك والله يعينج على صراااخ الطيير يبييله فتره لين مايرووح عنه الخووف حاولي انج اتخلينه
يكون مكانه قريب الناس مثلا اتخلينه في الصاله وحاولي انج انتي الي اتحطين له الاكل والماي
عشان يتعود عليج وحاولي انج اتقربين منه شوي شوي يعني لاتفااجئيينه وتحطين يدج على القفص لانه بيكون خاايف حااولي تكسبين الطيير واذا تبين تعطينه الاكل من يدج حاولي انج اتجوعيينه شوي وعقب حاولي تعطيينه الاكلات الي يحبها مثل الموووز وشوي شوي بتشووفينه
مايجعر ولا يخااف لكن ماااعليييج غيير الصبر لانه الرماادي مزعج اذا كان متوحش والله يكون في عووونج وبتووفيق انشالله ......

اخوج فنان قطر

[كروان]

نعم نعم نعم

ممكن كل شي ذكرتيه لكن مو الحين اصبري عليه لسه جديد ولا تعود عليكي

واهم شي الببغاء عشان يتفاعل معك مطلوب انه اول شي يحس بالامان ويكسب الثقه من صاحبته

والتدريب المستمر وعدم اليأس ... لان هذي الطيور محتاجه للصبر

اقول لك شي فعلا الببغوات علمت الانسان كيف يصبر .. لان تدريبها يتطلب الصبر وتعلم الانسان

منها ميزه الصبر

بس لازم تجلسين معاه وتكلمينه وتصفرين له اكثر وقت

لما يتعود عليكي حاولي تتقربين له اكثر واكثر

مافيه شي مستحيل لترويض الببغاء

وهذا المنتدى بكل اعضائه على استعداد يقدمون لك الخبره وانا منهم

هذا رابط مفيد لك موجود في هذا المنتدى الرائع تفضلي

7

7

7

http://www.2zoo.com/vb/showthread.php?t=1752

[زحزوح]

مـــــــــــــــــــــــــــبـــــــــــــــــــــــــــروك

وانشاء الله تعلمينه كل شي تبينه منه بس الصبر .

[سماوي الجبه]

مبروك ،، وثاني شي الموجودين كفوا ووفوا ،وعندي اضافه بسيطه الطير لاتجوعينه واجداكثر من ساعه اوساعتين اذا كنتي توك جايبته من السوق،،وثاني شي التفاح الاكل المفضل لمعظم البغبغوات،،،

[سكود]

الف مبروك

الشباب ماشاء الله ماقصروا

[qataria]

مشكوووووووووورين اخواني والله ماقصرتوا كفيتوا ووفيتوو ..

ههههههه اليوم قمت من النوم رحت له الا اسمعه يصفر .. يوم رحت قربت اكثر .. سكت وتم يطلع الصوت المزعج..

بس انشالله راح اصبررررر ..وادربه .. واذا قدر يتكلم راح اصوره لكم فيديوووو ..

[qataria]

لو سمحتوااااا

بغيت اسم حق الطير ..

مب عارفه شنو اسميه ..

عطوني اسامي اذا تسمحون

وسوري على الازعاج

[broodes]

الف الف مبروك

بس الصبر على ما يبدو ان طيرك مو موالف

اهم شي لا يطلع من القفص هالوقت خليه على الاقل 3 شهور على الاقل على شان يتعرف على على المكان و الناس اللي حوله

حتى لو تلاحظين اذا علقتيه بتلقينه يهز راسه و يميله يمين و يسار

حاولي انك ما تطلعينه من القفص لمده 3 شهور

واذا تبيغين اسم لطير يعتمد هل هو ذكر او انثى وموجود موضوع مثبت بأسماء الطيور

و دمتم ســــــــــــــــــــالمين