اشترك في نشرتنا البريدية ليصلك كل جديد

فطوم · 13-04-2006, 09:41 AM

انا لاحظت انه وايد ناس مايفرقون بين الألاسكان مالميوت والهسكي فحبيت اكتب هالمعلومات المختصره

الألاسكان مالميوت حجمه اكبر من الهسكي وعظامه اقوى والوان عيونه تكون محصوره بين درجات الادعم بعكس الهسكي اللي ممكن يمتلك كل الالوان وساعات لونين عيونه يكونون مختلفين عن بعض , اما الذيل عند الألاسكا طبيعيا يكون ملفوف واهو ينزله ساعات بعكس السيابيريان هسكي الي دايم يكون نازل وهو يرفعه اذا يلعب نفس باقي الكلاب شغله ثانيه اهي الاذن اذان الالاسكان تكون المسافه بينهم بعيده شوي بالمقارنه مع الهسكي واذاني الهسكي تكون اقرب لبعضها وتكون مبوزه.

اما من ناحيه السلوك, الألاسكا اقوا وايد من الهسكي ويولدونه عشان قوته الكبيره في سحب العربات بالثلج اما الهسكي فينتج لانه سريع وعنده مقدره تحمل موطبيعيه كما انه ينبح وايد ويحتاج وايد تمارين , الالاسكا اكثر جديه من الهسكي وممكن يكون في نزعه عدوانيه وحب السيطره بالذات عند الاناث الهسكي هم يحب السيطره بس اقل من اللاسكا هالنوعين من الجلاب صعبين التدريب ويحبون الركض ويحتاجيون بيئه تناسبهم فاذا احد يبي يربي واحد منهم لازم يراعي انه يحتاج مكان كبير واهم شي مكيف مو ايبه ويحطه بس جذي.

شوفو هالصور عشان تلاحظون الفرق:

Alaskan Malamute

Siberian Husky

Alaskan Husky

هذا اخر واحد سالفته سالفه وانا موعاجبني !! انا اتوقع انه الألاسكا والهسكي اهم الجلبين الوحيدين الي اذا تهجنو ايبون انتاج حلو !! اصلا الألاسكا اهو تهجين من الهسكي والهسكي اهو تهجين سوو الهنود الحمر حسب ماعتقد المهم انا اعرف واحد عنده يمكن 5 هسكي وخمسه الاسكن وكان انتاجهم اكثر من رائع فمالكم شغل بهالصوره:P

تو zoo · 13-04-2006, 10:01 AM

مشكورة يا فطوم على الموضوع والصور
وشاكرين جهودج المبذولة

Withered Rose · 13-04-2006, 10:29 AM

مشكووووووووووووورة فطوم
على الصور الواضحه

دراكولا المجنون · 13-04-2006, 11:04 AM

والله والله والله يا فطوم اني كنت ابي اسأل هالسؤال امس بس انشغلت شوي
واشكرج على المعلومات الحلوة

لحن الخلود · 13-04-2006, 11:38 AM

ماشاء الله
محتاجين مواضيع من هالنوع الصراحه
ومشكوووره يا فطوم على المعلومات الرائعه

بو راشد · 13-04-2006, 02:19 PM

موضوع اكثر من رائع ومفيد جدا

شكرا ياخت فطوم

kinooo · 14-04-2006, 12:52 AM

مشكورة يا فطوم على المعلومة الرائعة

بو خالد · 14-04-2006, 04:26 AM

موضوع جميل او مفيد مشكوره

Ghuwara · 19-06-2007, 01:12 PM

سلام الي قلتيه كل صح .. الي في الاول بس

بس الاسكان هو تهجين من الذيب الامريكي الشاملي ...
والهاسكي هو تهجين من الاسكان مالاموت

وصح الهنود الحمر الي هم من قبلية الانيوت هم الي هجنوه وكانت ضخمة جدا جدا يحول وزن الذكر فيها 70 كيلو ...

وفي نوعين النوع الكبير الي هو (او لوت) وهذا موجود في الاسكا واميركا وكندا والنوع العادي الي تشوفنوه اكثر في اوروبا ...

وعن الاسكان هاسكي ... هذا النوع يمزج بين الهاسكي والمالاموت علشان القوة والتحمل والسرعة ... وهي تحتفظ بصفاتها السائدة.

والحلو في الموضوع اني مرة قرات في تقارير على الانترنت .. عن اعتراف العالم بهذه الفصيلية ووضعها تحت قائمة الكلاب سنه 1948 بعد انتهاء الحرب العاليمة الثانية .

انا كان عندي كلبه وعاشت عندي 6 سنوات الا شهر .. وكانت جدا رائعة ...

وصحيح المثل الي عنده .. حب الحياة لما تحب المالاموت .
love life .. love malamute

stan · 19-06-2007, 01:20 PM

شكرا على الموضوع
اخوي بارك الله فيك
سلامي.