الحين كل واحد يقول كيف عشق الببغاوات

[MLoOoK]

http://2askt11.france.net.in/all/index.php .

http://2askt11.france.net.in/all/index.php .

السلام عليكم ورحمه الله وبركاته
لو سمحتوا كل واحد يقولنا كيف عشق الببغاوات من قريب من زميل اثير عليك من الوالدين واذا شفت حماس في الموضوع انا بكتب قصتي

[البطريقه]

مابعشق بس الببغاوات اعشق جميع الطيور الأليفه والحيوانات الأليفه

وانا بحبهم وايد وماصار عندي الى الدره واربيهم وهم فروخ

واول ببغائي ربيتها كبرت وطارت

وثاني ببغاء هادي الببغاء الثانية الي احبها وايد وتعلق فيها

بس للاسف ماتت وحزن عليها وايد

وثالث ببغاء هي عندي ماشاء الله كبر وصار رجال

بس اكثر ببغاء احبها واعشقها هي الببغاء الثانيه

وهي الي خلتني امووت في الببغاوات اكثر واكثر

الله يرحمها كانت خوش ببغاء

[الطاير]

انا في البداية شفت الرمادي الافريقي عند واحد من الشباب كنا في ضيافته في العزبة ....

ويوم دق جوال الرجال قام الطير حقه وقلد نفس النغمة !!!!


بعدين طلعه من القفص قام يلعب ويصيح وسوى الطير حاجات خلتني اروح اسال عنه ,,,,

وبعدين جيت للمنتدى هذا وقريت عن الطير حاجات كثيرة ,,,

ومن كثر ماقريت عنه صرت الحين ادور لي واحد ....



وسلامتك

الطاير

[محمد الرياض]

الطيور هوايتي من وعيت على الدنيا ..

و لايُسأل العشاق : لمَ عشقوا ؟ ..

طاب يومكم ..

[الجااارح]

MLoOoK

لو بتسأل فأسألك الماضي عن مكانة الببغاء في قلب الجااارح وراح يقول لك اشعار

من بنها بعطيك بيت واحد :

من حبه صرت البس الثوب مقلوب ********** وأنشد عن الغتره وهي فوق راسي

ترى مو انا اللي كاتب البيت

بس لقيته مطابق لحالتي اول ههههههههههه

يعني هواية قديمة عايشه بين ضلوعي
تقبل مروري

[هاوي الرمادي]

السلام عليكم ورحمة الله ...

mloOok .,.,.,.

موضوع انا اعشقه والحيوانات انا ما اعتبرها حيوانات انا اتعبرها انسان اعامله معاملة انسان اموت فيه والببغاوات سبحان الله تدخل على الانسان البهجة والسرووور والله روعة هذي الحيوانات وتحس احساس غريب ان الطيور تخاف من الانسان , ويجي طير من هذا النوع ويحسسك انه يحبك وش شعورك امامه , وبالبنسبة لي انا انسان احب الببغاوات والببغاوات فوووووق الدرجة الاولى عندي والدرجة الثانية هي جميع الحيوانات الأليفة ومشكووور


ربي يسهل امرك ودربك ويوفقك يا رب


موضوعك في غاية الروعة وجميل واشكرك اخوي على الموضوع الجميل وعطنا قصتك يالغالي ...

وتقبل تحياتي ومروووري اخوك / هاوي الرمادي

[كاسكو البحرين]

موضوع حلو شكراً
عن نفسي انا عشقت الطيور بشكل عام منذ طفولتي ولما كبرت اشوي
صار حبي وعشقي لفصيلة البورت (البغبغاوات) مادري شنو السبب بس اتوقع
البغبغاء فعلاً يقدر يكون صديق للإنسان مما يصدر من اصوات ونطق كلمات
مشتركة بين الطير والمربي فمثلاً طيري الكاسكو الخاص بي كم افرح لما
اخرج من غرفتي وهو يقول لي (مع السلامة) فأعتقد نفسياً شيئ جميل

MLoOoK شكراً على الموضوع الجميل

[الأفريقي]

من نااحيتي اناا من يوم ماكنت صغير ... والحيواانات صاايره في بيتناا ..


من كلب جيرمن بوليسي ... ماات بحادث سياره ..
طير امزون من النوع الدرجه ثاانيه بس مات من سبه الأسهال ...

طير البادجي .. الأسترالي مووجود الما الحين

طيرين كاسكو موجود الما الحين

دجاج موجودد وبكثره

حمامموجود وبكثره
بط موجود وبكثره

قطاوه عندي 3قطاوه .... سويدان .. وبوسي ... ولوسي .
بلبل اسمه معيض .... موجود .



طبعاا الشاايب مااقصر .. كانت هواايته جمع الحيوناات .. وتربيتهاا .. من جميع انوااعهاا هذاا غير الخيول .. من جميعها من الخيول العربيه او الأنجليزيه او نوع الثاني القزم وهو البوني ..



فنقلت الهوايه هذه من الأب للأبن .... وحااضرين للطيبين . قمت اتفلسف عليكم زيااده .. بس الموضوع تكلم عن نفسك .. وانا قلت حااضرين للطيبين ..

[SharkSoftware69]

اما انا فمن صغري اشوف جدي يملك الحمام و الدجاج

فكل اسبوع نذهب الى سوق المركزي في البحرين-المحرق لنرى الناس الجالسين يبيعون الحمام و الدواجن و انواع من طيور الزينة

لما بلغت سن العاشرة شريت اول جوز زيبرا للتربية و ابتدات انتج منهم مما اضطرني الى شراء قفص اكبر من اللذي عندي

ثم اعجبني البادجي و اشتريت منه جوزين و انتجت منه

ثم اعجبني طيور الحب و شريت منهم جوز واحد و انتجت منه

ثم الكوكتيل لكني لم احصد انتاجهم

وجوزين بلابيل و انتجت منهم

جائني ابو احد اصدقائي و عرض علي مبلغ مئتان دينار لمائة و خمسين جوز زيبرا و خمسة اجواز طيور حب و جوز كوكتيل

فرفضت
بعد ذلك اتت قطة كانت تاتي لتتلف انتاجي و الغريب في الامر ان هذه القطة كانت تفتح السيخ بفمها تلك التي نستخدمه للابواب

فقتلت هذه القطة جميع انواع الطيور التي كانت عندي

اشتريت لهذه القطة جميع انواع الشداخات ولم افلح باصطياده لدرجت اني اشتريت شداخة مالت ثعالب (مثل مال توم و جيري ) ولم يقترب منه اساسا مع اني استخدمت جميع انواع الطعم

بعد ذلك اعطاني ابن عمي درة هندية علمتها الكلام لكن ما كانت ترضى تجي على اليد لكن حركاتها كثيرة و عجيبة و اول ما جائني شراي بعتها لانه كان من النوع الحسود ( ابيعه الطير احسن من اني اخسره)

و توقفت سنة 1997 عن الطيور و ها انا ذا ارجع سنة 2007

حب الطيور في دمي

(مع اني ما احب الكاسيكو بسبب جعرته في البداية الا اني قبلت التحدي و عندي واحد حجم جامبو اليوم) و يجاعر و ما يرضى يجي على اليد الا اني ساحاول معه

لان هنالك ثلاثة خيارات:-
1) اني اموت من صوته او اصاب بالجنون
2)يجي على اليد و ينطم و يسكت وهو راضي
3)يموت على يدي من صوته

و اتمنى ان يكون الخيار الثاني هي النتيجة

هههههههههههههههههههههههههههههههه


شكر لطرح مثل هذه المواضيع

[Mr.Khaled]

أنا من يومي صغير و أنا أحب الحيوانات الأليفة و ربيت الأرانب و الحمام و الآن الكروان و البادجي و قريبًا إن شاء الله الرمادي الإفريقي ..