قطوي جديد

[ابو ريتال]

السلام عليكم ورحمة الله وبركاته
اخواني اخواتي القططيين ( مادري الاسم صح ولاغلط )
لاول مرة في حياتي اشنري قطة تصوروا يعني بعد 33 ونصف سنة من ولادتي .... لاجل خاطر عيون بناتي الله احفظهم واصلحهم ..... طبعا ميولي كبيرة ناحية طيور الزينة والبغبغاوات .... اشترت قطة شيرارزية بعمر ثلاثة شهور قمووووورة جدا من احد الاخوات الكريمات في المنتدى تهت فيها وتحس البيت صار فيه دربكة وربشة مع انه ام العيال وبناتي وانا اتقبلناها بشدة وخصوصا حركاتها الحلوة مع حوض السمك ودلعها .... لكن عندي شوية مشاكلها وتوهان ممكن لاني اول مرة اربي قطة ............:
1- اعزكم الله بعد ماتقضي حاجتها في اليتر بوكس ( العملة الصغيرة والكبيرة هل هي بهذه الحالة نظيفة يعني رجولها وجسمها او لازم اغسلها بالماء.
2- لما تقضي حاجتها يلتصق بشعرها من مؤخرتها اعزكم الله فضلات ايش السبب.
3- كل مالمستها بيدي على طول اغسل يدي بالصابون هل هذي وسوسة.
4-كم مرة احممها .
5- الامراض والعقم والربو ايش صحة الكلام داه وخصوصا وبكل امانة خايف على ام العيال وبناتي.
صرت اعقم البيت بالكلوركس الارضيات والحمام الا حاطط فيه الليتر بوكس. وناوي اشتري معقم هوا
6- لما اخذها مشاور واحطها في صندوقها مثلا من مكة الى جدة اخاف اعزكم الله تروح تعدم الصندوق والسيارة فايش الحل.
7- فضلاتها اعزكم الله مهي جامدة ورائحتها سيئة جدا
8- رائحة الفضلات صارت زي الفواحة في الحمام اعزكم الله ماهو الحل
الاكل والرمل احسه مصاريف كبيرة فايش اكثر طريقة اقتصادية وتفيد القط بذلك

وسامحوني على الاطالة واتقبل اي نصيحة اونقد خارج نطاق اسئلتي