أول تجربة مع الفيشر ..

[N32]

توليف الطيور البالغة اصعب من توليف الفروخ .. وتوليف الجوز اصعب من توليف الفرد

انتي حددي ايش تبغي .. تولفيهم والا تخليهم ينتجو

اذا تبغي تولفيهم اعتقد طريقة التجويع المدروسة افضل حل وهي انك تأخري موعد اكلهم وممكن تخلي بس صحن المويا في القفص وبعد كذا تعطيهم الاكل من يدك .. ولازم يكون عندك صبر لانهم مو على طول حياكلوا من يدك وحيترددوا كثير قبل ماياخذوا الاكل من يدك . ومرة بعد مرة يتعودوا عليكي وكل مرة حاولي تكلميهم بشويش او تناديهم باسامهم وحاولي تداعبيهم او تلمسي مناقيرهم وتمسحي يشويش على ريشهم لحد مايولفوا عليكي تماما .. والقاعدة الرئيسية في هذي الحالة (الصبر ثم الصبر ) وطبعا مو تنسيهم جيعانين لحد مايموتو

بالنسبة للانثى تنام بارضية القفص .. اذا كانت صحتها طيبة وتاكل كويس وماعندها افرازات ولا انتفاخات ولا اي علامة تدل على مرض فالسبب هوا انك ماانتي حاطتلهم في القفص عش يناموا فيه

وطبعا اذا تبغيهم ينتجوا فأول شي تسويه انك تحطيلهم عش خشبي يدخلوا فيه يناموا ويحسوا بالامان ويجيبوا فيه البيض والا كيف يفرخوا ؟

ولا تنسي تهتمي باكلهم وشربهم ونظافة القفص وتعطيهم الجرجير والبيض المسلوق مع البقسماط بس مو يوميا ممكن 3 ايام في الاسبوع .. وتحطيلهم سعف نخيل او خيوط تشتريها من محلات الطيور خاصة بالتعشيش عشان يدخلوها في عشهم ويبيضوا فيها .. وممكن نشارة خشب بس مو ناعمة عشان ماتئذيهم

وطبعا لازم يكون حجم القفص مريح + المكان الي هما فيه مافيه ازعاج ولا حركة كثيرة عشان يقدروا يفرخوا

وبالبركة ان شاء الله