انظروا الغش فى الاسعار

[Ghoroub]

الموضوع قديم وآخر رد كان من فترة بس فعلا معاكم حق ولو تشوفون بعض الحيوانات خصوصا اللي صعب تلقونها في أي مكان (ثعابين مثلا) تلقى المحل سعره أضعاف اضعاف قيمة الحيوان الأصلية. فلنفرض مثلا تبي كورن سنيك أمريكي كم سعره في أمريكا؟؟ ما يزيد عن 200 دولار لو أنه يتكلم كمان مو بس لونه حلو وسلالته جيدة. تجي تشوفه في عالم الحيوان أو فيفا أو حتى بعض الشباب المو صاحيين يقولك 5000أو 6000 بس لأني مستعجل عليه بأعطيك هو ب4000 . بالله وش رايكم؟؟ وتجي تروح للمربيين (تراهم كثار وما كنت أبدا أعتقد إن في هذا العدد) تلقى نفس الحيوان أرخص بمراحل ومرات يكون سعره ما يوصل ربع سعر الحيوان اللي في المحل. البعض يقول عشان مستورد أو معاه أوراق صحية والشغلات ذي بس للأسف حتى المحلات لو تجي تسأل تلقاه جايب الحيوان تهريب أو واسطة خرج من المطار بدون أوراق. والعناية البيطرية شبه معدومة بدليل انك مرات تسأل تلقى البياع ما يعرف ويروح للدكتور وبعد تقليب وتمشيع في الحيوان تلقاه يقولك " الله العالم هزا زكر يااااخي) بالله لو يكشفون عليهم بصفة دورية مو اقلها يكون عارف ذكر أو أنثى أو على الأقل كم عمر الحيوان؟؟

نصيحتي للكل حاول دايما تدور على النت قبل لا تشتري من المحلات وحاول تشوف مربين في منطقتك ممكن يفيدونك من ناحية كيف تحصل على حيواناتك وتهتم بهم وتكاثرهم ومعظمهم أصحاب هواية (قلة منهم اللي كل همها البيع والشراء) وراح يكلمك بأمانة وصراحة وما راح يكون همه إن يبيعك والسلام (وطبعا مو الكل أخلاقهم عالية كده)

تحياتي