جرم البشر

[tooty]

السلام عليكم


كيفكم يااحلى أعضاء انا دخلت وسجلت عشان اوصل رسالة لكل عضو

اوصل رسالة قهر وحقد على من فعل بقطته هكذا

انت يامن ادعيت انك تحب قطتك

بتكلم بالعامي

تدعون تحبون قططكم ولكن وين اهتمامكم فيهم

في ناس يهتمون فيهم وناس مخذيهم كباب انا عندي قطوة منظر

اسمع يالي ماخذ القطو منظر مهتم فيها لا

تأكلها لا

تعرف اذا كانت مريضة فيها شي تبي شي لا


هذي بعض القصص من واقعي انا والي قهرني حيل

قصتي مع قطتي

انا من سكان المنطقة الشرقية شريت قطة قبل سنة

اول شي غشني بعمرها معطيني اياه اكبر من اربع اشهر اوك ماقلنا شي الحمدالله

احمد ربي انه عطاني توتي

بنتي

كانت مطعمة في احدى عيادات الدكاترة المصرين (ماراح اقول اسم العيادة)

وكان فيها حشرات على قولته في اذانها وفطريات في جسمها لانها كانت مع مجموعة

مااستفدت القظة من علاجه وتهاوشت معه لانه كان يعامل قطوتي كحيوان وانا مااحب احد يعامل قطوتي كحيوان

وديته احسن عيادة في المنظقة الشرقية والحمدالله اخذت العلاج وراح منها ولاعاد ثاني مرة

شاء القدر وحملت وجابت خمس بنوتات حلوين (شانتي_ساندي_راني_لولو_سوسو)

بعد فترة تعبت القطة ووديتها وقرر لها عملية وجلست ابكي من خوفي عليها ومبلغ العملية كبير

وعطاها علاج والحمدالله تشافت


ادري بتقولون وش دخل هذا في موضوعنا

نجي للقصص الي صارت معي

بيوم من الايام اخوي حصل قطو نوع امريكي مهجين بشيرازي مرمي بالشارع يشرب الماي من الاسفلت تعبان جابه البيت سبحناه وعطيناه ماي واكل وكان في حاله يرثى لها من التعب الشديد

اخوي كان عنده دوام وكنت بوديه العيادة العصر ولكن قبل لانطلع بدقايق سمعت ذيك الشهقات ووالصراخ وبعدين رحت له حصلته مات


ايش الاسباب سألت ليش يرمون عيال السعودية القطاوة

السبب الاول ايام العطل مايلاقون احد يمسكها ومافيهم حيل يحطون قطاوتهم بااماكن المخصصة لهم من العيادات والمحلات 30 ريال ماتأثر حتى لو100 هذي قطوتي


او تحتاج الى عملية بمبلغ وقدره مايبي يسوي العملية يرميها



والله ان في قطط بيت اعمارهم على 3 والاربع ومو مطعمين

سوال ماتخافون من الامراض لكم ولها

القصة الثانية اخوي شرى ذكر نوع نادر جدا من القطط وهذا القط متوحش توقعوا شنو السبب

طلعوا الي بايعنه ضاربينه بخشبة وتوحش والا الي يعلق بمروحية والي يدخل بدبرها عصا والي يرمها بقوة والي يضربها لين ماتموت والي يحرمها من الاكل لين ماتموت



ودي اصرخ بهالعالم واقولهم خلاص تراكم محاسبين يوم القيامة ومثل ماعذيتهم راح تعذبون في الاخرة

بعكس الي راح اذكره الحين

رحت العيادة ادفع باقي فلوس علي واحصل اجنبي ومعه قطو ويكلمها يقولها خلاص ياحبيبتي الحين راح انخش على الدكتور
بالانجليزي طبعا واشوفه متوتر وكل شوي يجي لعندها يقولها خلاص الحين بندخل من هالكلام


الي راح يكلم الي على الاستقبال وبطلع الملف حق القطة ويقوله ولد الاستقبال شنو فيها


قاله في اسهال وتطريش من ساعتين انا جاتني صدمة لمن قال ساعتين

لو انتم يالعرب والله تخلونهم بالايام واذا اشتدت الحاله وديتوها اوممكن ماوتودون احد

ترمونها عند اقرب برميل زبالة بالشارع باي مكان


ليش احنا قلوبنا اقسى من الاجانب كندية جات تبي تركب رقاقة لكلبها طاح من الطاولة

وربي تأسفت له وكانت اشوي راح تبكي


انا شفت وانقهرت من الي يرمي قطاوته ليش القسوة هذي كلها ليش مانربيهم نعم التربية هذولا امانة بقبتنا والا موقد الامانة لايشتري لايقول ابي قطوة


لايقول بربي

والله ثم والله ان عندي ست قطط وحلوين وانواع نادرة كل واحدة تسوي 1800 ومافوق مطعمين سنة من هم صغار ماراح اقول كم عشان ماتحسدونهم

رفضت

عشان مايفترقون عن امهم

والله مااقبل على الدكتور يقول وين عيالي ؟؟ على القطاوة


واحنا نعذب ليش يالعالم ياناس القط له احساس اي حيوان له احساس بدول الغرب في عيادات نفسية للحيوانات

واحنا وشوناقص عنا ليش مانعاملهم احسن منهم ليش هالاجرام كله والله اكتب الموضوع من حسرتي الزيادة لهدرجة وصلت فينا قلوبنا حجر


هذا هو جرمكم يالبشر


موضوع مفتوح للنقاش