بعد غياااااااااب عن المواضيع..!~!

[هاااايز]

مرحبا اخوي فوفو مشكلتك ان شاء الله سهله وانت صبرت وروضته ما بقى الا الكلام قريت جميع ردود الاخوان وانا بعطيك طريقه واسئل الله انها تفيدك وتعينك على تدريبه ونطقه للكلام سلمك الله

اول شي تسويه يالغالي تروح اقرب محل مكسرات وتشتري منه عين الجمل ( الجوز ) وتكون بقشورها وتكسرها نصفين وتحطها بالقشور مع الاكل حقه عشانه مراح يقدر يكسرها بس ضروري تكون بقشرتها في اليوم عطه حبيتن وحده الصبح والثانيه العصر .

ثانيا :تنوم الطير بعد صلاة المغرب مباشره تدخله بغرفه مظلمه مافيها اي صوت واي ازعاج الين صلاة الفجر وتحطه في مكان فيه اضاءه أو تفتح عليه ستاير الغرفه .

ثالثا : حبس البغبغاء في القفص ولا تطلعه ابدا طوال فترة التدريب .

رابعا : اختار كلمة كوكو وكررها على الببغاء بصوت واضح وبهدوء وخلك رايق وانت تقولها بحيث تقولها من غير لا تكون مزعجه يعني قلها بدلع وانت تبتسم وهو راح يراقبك وكل هذا وهو محبوس بالقفص.

استمر اخوي على التلقين على فترات افضلها اول ما يصحى من النوم وهو شبعان نوم نايم من المغرب كرر الكلمه مدة عشر دقايق بس مو بشكل متواصل منرفز للبغبغاء يعني قول كوكو واسكت شوي كم ثانيه وكرر مره ثانيه واسكت وكرر راح تلاحظ انه راح يكون منصت لك في البدايه ممكن ما تحصل تجاوب بس صدقني ثلاث ايام بالكثير راح تشوفه مركز معك وعيد التلقين الظهر والعصر قبل النوم بساعه او نص ساعه هذا اللي عندي اتمنى افدتك .

واسف على الاطاله والله يوفقك وان شاء الله تفرح بسماع كلامه وتحياتي لك