مجبوب قلبي راح

[الفيصل22]

السلام عليكم ورحمة الله وبركاته

عندي طير اسمه محبوب

هولندي محجل حجل ذهبي العمر 9 شهور تقريبا

الطير ماكمل عندي شهر شاريه بسعر 2000 بناء على مدح واحد من الشباب في حراج سوق الحمام يوم شاف ولافته

المهم الطير مع البرد تعب ووديته للبيطري وعطاني علاج صرت احطه في المويه ومن الحرص اوقف عند الطير لين اشوفه يشرب المويه ضمان انه اخذ العلاج

المهم

يوم امس اشتريت طير من اخوي العضو هدب تمت البيعه الساعة 3 الفجر

مدري وش مسهرنا لكن ماعليه

وما قصر الرجال ارسله بالشحن الجوي على طووول ووصل الساعة 10 الصباح يوم امس

المهم اني صحبت الساعة 9 ونص ورحت للطير محبوب لقيته نايم وحطيت علاجه في المويه وعطيته جلس يناظر فيني ثم لف راسه وكمل نومه

قلت له حبيبي اشرب انا طالع للمطار وراجع لك

المهم رحت المطار واستلمت الطير الجديد

لما وصلت البيت حطيت الطير الجديد في الصالة ورحت طيراااان لمحبوب علشان افاجئه بصديقه

لما دخلت على محبوب لقيته ميت ميت ميت ميت

والله ضاق صدري

تركته شوي في قفصه حوالي ساعه ثم رميته برا

مدري هو حاس اني جايب له شريك؟

عموما هذا كان اول طير لي

ومع أن البيطري اللي صرف العلاج قال أن طيري مودع لأن حالته مستعصيه لكن اسأل الله أن يتقبل ما عملت تجاه الطير من أكل وشرب بيدي عندما رأيته لا يأل بنفسه ولا يشرب ولكن أخشى أن اكون ظلمته عندما رفض الشرب والاكل في اخر يوم بعدم اصراري والحاحي عليه


استغرفك اللهم واتوب اليك اني كنت من الظالمين