يرجى سرعه الرد (خصوصا من خبراء السانت برنارد والجولدن ريتريفر)

[thedevil]

بصوا معلش تعبتكوا معايا باسالتى الكتيرة

بس والله محتاج اتكلم مع حد فاهم لانى متشوش

انا عاوز اجيب كلب يعتبره صاحبى
بس الصراحه انا لسه بحوش فلوسه

انا محتار بين كلبين السانت برنارد والجولدن ريتريفر

طلباتى فى الكلب دول

شكله حلوعشان ده المفروض يكون صحبى
لعوب جدا
سهل تدريبه عشان دى اول مرة اربى كلب
قليل النباح عشان جنبى جيران
مش شرذ الشراسه
صفه الوفاء مطلوبه بزياده عشان ملقتهاش فى البشر

بس كده

بعد مكنت خلااص متاكد ان كل الصفات دى فى السانت برنارد

كان فى ناس قايلنلى ان السانت برنارد البيور فى مصر سعره 2.500 جنيه مصرى

وبعديها فجاه ناس تانيه التلى وانا لسه بحوش فى الفلووس

ان بلاش اربى السانت برنارد للاسباب الاتيه

1=ان دى اول مرة اربى كلب والسانت برنارد عنييد مش هعرف ادربه عشان دى اول مرة اربى كلاب
2=السانت برنارد مش لعووب بالعكس ده تقييل فى حركته مش بيجرى وكده
3=الكلب اللى هجيبه من مصر سعره 2.500 جنيه مصرى مش هيكون حلو ولا زى اللى بشوفه فى الصور
اما اللى بشوفه فى الصور المستورد يعنى بيكون سعره 5000 جنيه مصرى

بس كده

وقالولى اربى الجولدن احسن بكتيير وسعره زى منا فى دماغى ومناسب ليا

فممكن تفيدونى فى كل المعلومات اللى قلتها ايه اللى صح وايه اللى غلذ

وبصراحه ده مش هيكون اخر موضوع اسال فيه لانى بجد محتاجكم جدااااا

eldivo