سؤال عن كلبى الجيرمن شيبرد

[totti208]

السلام عليكم ورحمه الله وبركاته

يا جماعه انا عندى كلب جيرمن شيبرد وانا جايبه وهو عنده حوالى تلت شهور المهم كنت مشغور عنه فتره ومكنتش بنزل بيه الشارع خالص وسايبه فى البيت وامبارح كانت اول مره انزل بيه الشارع بس لاحظت شويه حاجات مش عارف بقى ده جبن منه ولا ايه اول حاجه لما بقرب بيه من كلاب وتكون بتهوهو عليه هو مش بيدى اى رد فعل يعنى بيمشى عادى ولا بيخاف منهم ولا بيبصلهم ولا بييجى جنبهم تانى حاجه لما فكيت الليش كان ماشى معايا كويس اول ما ظهر بنى ادم قدامه كان هيسيبنى ويجرى خوف منه وبعد كده ربطته تانى بالليش وكان فى عربيه فى السكه وطبعا هو وقف ومرضاش يتحرك غير لما العربيه مشيت المهم يا شباب انا عايز افهم ايه ده يعنى عادى فى اول نزله ليه ولا هو كده جبان ولو ده مش عادى اعمل ايه عشان احل المشكله دى وشكرا للجميع