شنـــو مخططاتج/ك للعطلـــة الصيفية .. ( شاركونا بافكـــاركم )

[Elham]

قـــــــــــــوة شباب , صبــــــايا


شلـــــــــونكم ..؟.. ان شاء الله كلكم ابخير


بموضوعي ذا ابيكــــم تشـــاركوني افكـــاركم للعطلة الصيفية ..


ابي كل الي يدش ..سوا ريال او ابنية ..


يقولنــــا اشلون ابيستغل العطلـــة ..


وخصوصا طلاب وطالبات المدارس والجامعات ..


اما الموظفين ربي يعينهـــــــم ويسهل لهم امورهم ..


المهـــم زبدة الموضوع .. ثلاثة شغلات اتصير بالعطلة لاغلب العوائل ..

- السفر

- الطلعات والعزايم الي ما تخلص حتى بايام الدراسة لدرجة انه الواحد صار ينغث لمن

يسمع انه في عزيمة .. الا اذا كانت من غوالي .

- طلعات المولات .. يعني مادري شلزومه .. مايمر اسبوع الا لازم طالعين مول ..

والمشكلة الاكبر تلاقي امة محمد بالمول .. جنه اول مرة يفتتح مول ..!.

اما على الافنيوز نقول لا تعليق !!

والمشكلة مع كل ذي الطلعات والسفرات والمولات يضل يلاحقنا كابوس " الملل"

انزين مالكم بالطويلة ..

الموضوع اهوا اشلون نبي نستغل عطلتنـــــا بشغلات اتفيدنا وتفيد غيرنا ..

شلون نقــــــــدر نتخلص من كابوس " الملل "

كل واحــــــــــد يقولنا اشلون ابيستغل عطلته .. ويشاركنا بافكاره لانها ممكن اتفيدنا حنا بعد

والي عنده تجربة ناجحة في عطلة سابقة ياليت بعد يشاركنا تجربته ..


ناطرتكم