عندي كاسكو هولندي اقتـراحاتكم

[ولد حرب]

السلام عليكم ورحمه الله وبركاته

اسعد الله اوقاتكم بالخير والمسرات

انا الحمد لله اشتريت كاسكو هولندي العمر 7 - 8 شهور الطير كان غر مع صاحبه الاول كان يغره بنفسه (محجل ) وبعد بكره يكمل اسبوع
حبيت اسال هل هو من ظمن الطيور الهولنديه الي تخوف الناس يعني من مساله انه مايعيش؟!

لاني حبيته

طبعا الطير لعوب واليف والحمد لله فيه تقبل من كلا الطرفين بيني وبينه

مع ان زوجتي تغار منه لكن وش اسوي ادمنته

انا ابغى ارفه عنه + احميه من الامراض باذن الله واعطيه كل الاحتياجات من الاكل والادوية

ناوي بكرة ان شاء الله اشتري له كذا دواء عشان افتح صيدليه للطوارئ

طبعا يوميا اشكل له كل يوم او يوم ورى يوم

اول مره عطيته فلفل رومي ( فلفل بارد ) حبه كامله مو صغيرة ولاكبيره

ثاني مره عطيته قطعه تفاحه

ثالث مره نص تفاحة

واليوم عطيته نص برتقاله و 5 حبات عنب

هل الي عطيته فيه مضره له ومتى اعطيه باستمرار ما اخاف يتغير يجية اسهال او امراض اخرى؟


طبعا صاحبة قالي عطه اي شي الا الموز

الشي الي مهم عندي ناوي بكرة اشتري فتامينات ومضادات حيويه

مثل :



1-العلاج الفعال للالتهابات التنفسيه :

التايلان :نص ml بالماء لمدة 5 ايام

احس به خرشفه او اني موسوس لاني ما اسمعها دايم فقط اذا قمت العب معه هل يشكو من مشكله او لا وهل يوجد ضرر لو حطيته له كاجراء احتياطي يعني بدون مرض يضره او لا ؟؟


حبوب لديدان :
roni-plus
حبه كل يوم لمدة يومين على التوالي (كل شهر)

الحبوب للطير هل لو استخدمتها ضد الديدان مع اني ما الاحظه يشكو شي له مضره عليه او لا ؟؟


-بخاخ لقتل الحشرات التي تعيش في الريش:
بخه على كل جناح وتكون على بعد نص متر عن الببغاء (كل شهر)

هل للبخاخ مضار او يسبب مشاكل للطير ؟؟!!

- فتمينات
envlt يوجد بدائل كثيره


ماهي افضل فيتامينات تعطى للطير ولا تاثر عليه ؟؟!!