صور لكوكتيلي (توتي)

[طير المملكة]

المشاركة الأصلية كتبت بواسطة سعدهـ

مشكور اخوي على النصائح ..
جربت معاه خبز وحطيت فيه ماي وقطعته قطع صغيره ماعجبه ..
وحطيت حب وياه قعد ياكل بس الحب

جربت الخس ..
والحمدلله رضى ياكل .. و بدون مااقطعها له ..


بس المشكله للحين كله قاعد مايحب يتحرك واجد
بس لما يشوفني اكتب في الكيبورد ينزل من ايدي ويطقطق في حبات الكيبورد
و لا اذا اكتب في التلفون يجي يطقطق وياي ..


ابي اعرف وش الالعاب اللي يحبها الكوكتيل , وش الطريقه حق اللعب
عشان اخلي نشاطه يزيد شوي :P


طبعاً خوفه للحين ماراح
بس يسمع اصوات او احد يجي لي يخاف ويقعد يعضني اخليه يعضني على راحته لين مايشبع
وامسح على راسه شوي شوي يهدأ واذا اشيل صبعتي ينزل لي راسه عشان امسح عليه


و للحين اذا ابي اشيله واحطه على ايدي لازم اول يعضضني :\

ولو لا شكر على واجب اختي العزيزة

طبعا يالغالية لازم تعرفين ان كل شيء مهم وكل طعام له قيمته الغذائية

والخبز بعد مهم وانا مرة في الشهر لازم اعطيهم روتي ياكلونه

وعن الخس شيء حلو انه ياكله ونوعي معاه عطيه جرجير وزعتر الي عندك من اوراق

وبالنسبة عن ما يتحرك وايد فمثل ما قلنا ان الطير في هالمرحلة يفقد طاقة كثير

ويتعب اكثر ولا بعد مزاجه ما يكون في احسن حال وممكن يكون عكر ويتعب من اي شيء

وعن الكيبورد والتلفون فهذي طبيعة الكوكتيل فضولي لآخر درجة ويحب يستكشف
فهذا السبب انه يطقطق عشان يسمع الصوت

والالعاب اي لعبة صغيرة ملونة تحطينه له راح تشغله سواء كورة او اي شيء راح يفي بالغرض

عن الخوف لازم يعتاد عليك اول وبعد ما تلاحظين انه صار اوك معاك خليه يعتاد على اهل
البيت خليهم يشوفونه ويلمسون راسه مثلك حتى يعتاد على الكل

والعض اذا مو قوي معناها يلعب معاك لا اكثر واذا العض قوي فهو للحين مو معتاد عليك عدل
او يحتاج تخلينه معاك فترات اطول