اشترك في نشرتنا البريدية ليصلك كل جديد

brq · 13-05-2012, 03:32 PM

السلام عليكم...

اخواني انا من احد مربي الاسماك واخذت هذة الهواية من وقتي الكثير
يعني 15سنة
ربيت فيها تقريبا جميع انواع الاسماك وصارت عندي خبرة كافية والحمد الله..
ولاكن زي ما يقولو يموت المعلم وهو يتعلم .....

عندي الان ثلاثة احواض كلها مترين ومنوعة بالديكورات والاسماك ..

الحمد الله قبل 10 ايام من كتابة هذا الموضوع اشتريت حوض رابع طولة مترين وابي اغير النظام كلة

ابية يكون حوض سمك نباتي من الدرجة الاولى وفية بعض الاسماك مثل الانجل والجرامي الاحمر

والدسكاس فقط ..

يعني ما علينا من السمك .. ارجوكم لا احد يدخل بالنقاش في الاسماك

طبعا انا قبل ما ابدء بأي مشروع لازم من البحث الطويل والتجارب

وزي ما انتو عارفين الشيخ قوقل ,, فية زي المنتدى هذا المحترم وغيرة .. واليوتيوب قوى لانك بتشوف

بالصوت والصورة من مهندسين كبار وش يسون امامك

ولاكن كلهم يا انجليزي يا صيني او او .. وانا عندي مشاكل بالغات الاجنبية ,,, يالله العربي والحمد الله .

المهم .. المصمم الشهير للاحواض الامزونية (TAKASHI AMANO)

جنني هذا الرجل يخليلك العمل بسيط ,, وهو في غاية التعقيد ..

قبل ما نوصل لمرحلة الزراعة اهم شي وهو تهيئة الحوض وهذا الى جنني .. اقلكم لية !

لان .. قبل ما تقوم بوض الجرش والتراب الخاص بالزراعة. فية انواع كثيرة من البودرة (مسحوق) شي ابيض وشي احمر وشي اسود !

كثير الانواع ولاكن كلها يحطونها مع بعض .. يمكن هذة زي الاسمدة للنباتات والله اعلم.! او هي غير كذا او يمكن تعمل بكيريا نافعة اسفل التربة .. المهم مدري.

طبعا سألت كل المحلات الى عندنا بجدة وهي محلات كبيرة مشهورة ..وقلتلة في بودرة يحطونها قبل التراب والجرش صار يحك براسة ..

اشتريت نباتا قبل اسبوع بقيمة 600 ريال يعني شتلات كثيرة وكلها من الخارج .. وابي اتعلم عليها قبل الغرس بالحوض الكبير ..(جاري العمل)

وحطيت معها سمك الانجل عشان ثاني اكسيد الكربون

ولاكن ابي اعرف كيف اسوي الجهاز؟ هذا لان بتكون كمية النباتات كثير جدا بحوض 2متر

اخواني الى عندة اي معلومة بهذا المجال لايبخل علينا بالصور والروابط وغيرة نبية موضوع محترف

وارجوكم لا احد يدخل بالنقاش عن الاسماك .. موضوعنا هو متطلبات حوض نباتي محترف
واين توجد المواد هذة واسعارها ..

شكرا لكم ...