ابحث عن طبيب بيطري لإجراء عملية لقطي العزيز ..

[Diana ..]

السلام عليكم ورحمة الله وبركاته ,,

عندي قط نوعه شيرازي

وتقريبا راح يكمل 6 أشهر من عمرهـ ,,

قرأت عن موضوع خاص يتكلم عن عملية التعقييم والاخصاء للقطط ,,

كنت من معارضي مثل هالعمليات ,,

لكن شدني هالموضوع وسويت بحث فيه لحد مااقتنعت اجري هالعمليه لقطي ,,

كنت انتظره لحد ماياصل لهالسن من عمره علشان يكون قادر على تحملها ,,

لان الاطباء فضلوا يكون عمره مابين 5 الى 7 اشهر وهذي افضل مده لاجراء عملية للقط ..

ماراح اتكلم كثير عن هالموضوع لانه ياخذ وقت في الشرح ,,

سؤالي

هل الاقي طبيب بيطري متمكن من اجراء مثل هالعمليات لقطي في القصيم ؟؟

مابي احد يتعلم عليه واخاف عليه مع انه تعتبر عمليه سهله بالنسبه لذوي الخبره ونتائجه مضمونه

لكن مااضمنه لشخص بحياته ماسواه ,,

فيه شخص اثق فيه لخبرته لكن رفض يجيرها لقطي بحجة انه ماقد سواه الا للغنم

يقولي علشان تسمن وبعدين تؤكل لكن انتي ايش تبغي فيه !!

جاني احباط وسويت بحث في النت ماحصلت احد واضح وثقه

ماعندي غير هالمنتدى العزيز اللي اتابعه من فتره طويله قبل لا اسجل فيه لاني من هواة الحيوانات الاليفه والطيور ..

اتمنى تساعدوني في هالموضوع يمكن يكون قاسي لكن برأيي اشوفه انسب حل لقطي ,,

وحتى لو في الرياض مع انه صعب جيتي له بهالفتره لكن بحاول اذا مالقيت شخص متمكن في القصيم ..



دُمتم بود ..